Yohanes 2:10 - Allahle a neme heteungekoke homofae

¹⁰ weunge, “Honoyele huluinye anggur yu bele kayeero yae bere waheikoyaimi. Nebeinya ro miyae helen anenaisindene yun yambi-yambi konatera wa hungkae-hungkae wahaeimi erabe. Nebeibe weyae ayeufakae honowole nda hee yae wa yu bele kayeero na moisa wahaemae.”

Yohanes 2:10 ပူးပေါင်းရင်းမြစ်များ

Matius 24:49

Nebeinye na yebaei bubaei hiwa yore rahuae eyole meyole olemmile, raman bulau keu bure anate yo bele anenate konate.

Lukas 12:45

Abu ako beko kiyae bae, na kena eisa elende, ‘Nda rowa eke namman wabenende.’ Nebeinye, na yebaei bubaei huba rawembonde rone miyaene rahuae olemmile, raman bele bu elae bele anenende, yun yambi-yambi annebonde konde.

Lukas 16:25

“Nebeibe Abraham mae weunge, ‘Kelu, bene nekayete, wa wali heki foi yoni-yoni nemene ninae hubawekae, Lazarus yae bekobe hubawounge. Nda hee neyae ndane foi mekeufubaunge, weyae beko mekaehubanae.

Kisah 2:15

Nda yo yun yambi-yambi okoi, mai u benere nekayembe wanen ban. Rabuhine ban nda na rene hele, menemfa fere hukai mehine kelibe yeuboke.

1 Korintus 11:21

Rabuhine ban raman bulaunge meyanaube hee, nebei raman maise maise einyuke meinyuke nukaube anaube. Nebeinye, hiwa yo na moni yae nekate, hiwa yo yun yambi-yambi neumi eikowate.

Efesus 5:18

Mayae keu bu mali okoijae, rabuhine ban nebei keu bu mare beko mokonembombe. Nebeibe mai uwa waennehimbe Allahle Roh yae ei anembombe, Naei me kelee u keleene nekembe.

1 Tesalonika 5:7

Ro miyae ijongkure reniai yae honoyate. Bu elae mali yo reniai yae aneyate.

Wahyu 17:2

Na kani kelana ondofolo yoni-yoni nangkele yoko kaeimae kowate. Nda kani kelana ro miyae nangkele nebei miyae yoko kaeimae kowatene, u bene beko yaeiboke, bu elae aneisiyate wanen.”

Wahyu 17:6

Reyae nebei miyaere eranale fa hele bale, rabuhine ban Yesus Naei eleuboke wekeumi holona ro miyae Yesuslena isaeiwaimi yo naei ha rilaiboke yae mokounge nebei miyaere yun yambainyekoke.