Yohanes 19:28 - Allahle a neme heteungekoke homofae

²⁸ Yesus naeisaei, benate rambun nanemene na hului yaeiboke. Allahle homofae molaikoke na huluise mokonnebonderene, Yesus elele, “Reyae bukibe kale ya.”

Yohanes 19:28 ပူးပေါင်းရင်းမြစ်များ

Lukas 12:50

Reyae beko namman foronsubangkonde nane merau kena beko foronsubangkonde mende nebei beko baensonde.

Lukas 18:31

Yesus na moisa orowate yo me bee oro nen bee bele yore na mo-mo arileumihike mo weumi, “Eyae Yerusalem yore emalere. Reyae Allahle bokora mekale ro miyae uware yeubokale Kiyaele naeise Allahle yenjo kayaayo homone molaikoke hului benatere.

Lukas 22:37

Allahle homofaene Raei naeise nda a molaikoke, ‘Nare u hila wa hila ro yae elenaikonde.’ Nebei a Raei uwane yembonde hele. Allahle homofaene Raei uwa naeibe molowate hului na hele benate eraube.”

Lukas 9:31

Hehe hokolo bee na une naeumikoke. Hokolo bee Yesus naei ane elate, Yerusalemne menjembondere Allah naei mehininde raungehike huluinye Yesus honaibondere.

Yohanes 13:1

Paskah raman bulau nobeungeboke hee Yesus naeisaei yeuboke nda kani kela nukembonde Naekole bokore ende hee na hului yeuboke. Naei holona ro miyaere nda kani kelana nekate yore kena buhae u buhae nekai sele hewoumi nane merau na hibi mo Naei herende yare kena buhae heumiyeumi.

Yohanes 17:4

Arai, Weyae ukarae kalia Reyae riyau weubokale walora nda kani kela ranne Ware hili hebawale.

Yohanes 18:4

Yesus na uwa ranne benate naeise isaeyeubokene, nebei yo naei bokore yae eunakeleufike mo hineumi, “Mayae ndere baeimeyaunge?”

Yohanes 19:24

Nebeinye nda felayo hi yae hire weunge, “Nda malo bohi-bohi yae efoloijae. Men, eyae oye nihemakonde mo haimakonde neyae kelemmebonde ndelere yembonde.” Nebei ma mokaiboke yae wa Allahle homone molaikoke a na hului yembonde. Nebei homo nda wanen molaikoke, “Raei malobe neyae wahaeikoke nane merau raei malo kabande oye yae nihaeiboke.” Nebei felayo nebei mekai yae mokaikoke.

Yohanes 19:30

Yesus felaeyeufike heera elele, “Ninae na hului yaeiboke.” Nebeisa na yun are noke, no u yeuboke hereke.

Yohanes 19:36

Allahle homona molaikokere na huluise mokonainyebonde naeise, nebei u mekai mokaiboke. Nda wanen Allahle homofaene molaikoke, “Yesus nauwana bo mbai sambai einyiheikoi.”

Yohanes 4:34

Yesus yae weumi, “Reyae andekonde eraman nda niyae: Allah Rare ukeufe mekale Naei kenare kole hului mokorekonde nane merau Rare kinyeufeboke kalia riyau ufembonde.

Kisah 13:29

Allahle homofae molaikoke hului nemene maimokoukokera, nebei ohali randa roukate, rukara buleinye nekainyele.