Yohanes 15:24 - Allahle a neme heteungekoke homofae

²⁴ Nebei holona yo nolone ro hi miyae hi yae roko mbai omokoiboi sului rambun Reyae omokoikoinya, nebei holona yore u beko bako bele yae me ebaei. Nebeibe nda hee rambun emere-emere mokowale nanemene nebei ro miyae erewate hororebe, nebeibe neyae Rare ikele kowaise nane merau Maekore ikele kowainye.

Yohanes 15:24 ပူးပေါင်းရင်းမြစ်များ

Matius 11:5

Ro miyae ijoko kumba nekayeke mana ijoko erate, oro rebeisi-rebeisi rebaeyeke yo mana ele mele kate, u bauwaufe kayeke yo onomi yarowate, ro miyae angkaei kokun nekayeke yo mana angkaei borate, herewate yo walaeiboke, a foi faeu foi hun ban wai ban yore ekehuweumi.

Matius 21:32

Rabuhine ban Yohanes bure kowoumi ro meke Allah mokoungehake nibi ro miyaere wali himalainyeboke yore me baemmile are kelewoumi mayae boraukokebe, na helere eleikoi nulu ekeiboi. Nebeibe nane beko bako bele yo na hele yae elewate.”

Matius 9:33

Yesus nebei alore hukeungehike eukuke bae, nebei ro a elewole. Ro miyae helen fa yae bowate elate, “Nda me ma u ma, Israel ro miyae nolone eyeiboi mo.”

Markus 2:12

Ro miyae nanemene erewainye hee yae nda ro aunguke, na koi kaeuboke, eukuke ewole. Erewainye yo fa yae bowate, Allahre buma kaewainye wa elewate, “Nda yeuboke ma roko mbai ereiboi mo!”

Lukas 24:19

Yesus yae hineumi, “Rahe rambun?” Hokolo bee yae weinye, “Nebei Nasaret yona ro Yesus. Neyae Allahle yendo kayaalo mbai. Naei a faeu bele Naei me u bele walora Allah na hele ukeunge meke naeise yakaungeboke nane merau ro miyae isaeyaeiboke Neyae Allahlera.

Yohanes 10:32

Nebeibe Yesus yae weumi, “Maeko yae ukeufe rambun emere-emere helen mokoukokale, ro miyaere yakamaele. Nda mokowalere makei kayeero aerene Rare ruka yae hekelenselere?”

Yohanes 10:37

Allahlena rambun emere-emere omokoinya, Reyae a elerelere na hele yae eleijae nane merau hila rabo ehalensemae.

Yohanes 12:10

Nebeinye imam yun-jun mae Lazarusle bele honaibondere merau rainyehike,

Yohanes 12:45

Nebei kiyae Rare ijoko erensele heene, Rare ukeufe mekale Kiyaere nane merau ijoko erennele.

Yohanes 14:9

Yesus yae weunge, “Filipus, heki hele maengkele nanembaisa orandeke nebeibe Rare oroiboi a lon mae weyae eleyae! Nde yae Rare ijoko ereufekokena nebei kiyae Ako Allahre ijoko erekeunge. A koro mahi lon weyae warae, ‘Ako Allah maere keleimebo!’

Yohanes 15:21

Reyae Wali Ondofolo yeubokalere mayae na hele elaube aerene nebei yo yae mare u mekai beko mokonayembe, rabuhine ban Rare ukeufe mekale Kiyae nda yo yae oroiboinye.

Yohanes 15:22

Reyae ndare emei yae nane merau nda holona yore Allahle wali nibi naeise eweikoi yae, nebei ro miyae me beko u beko bele yo yae me ebaeiboi. Nebeibe nda hee nebei ro miyae naei u mekai beko bako mokatera weyei naeise a ban.

Yohanes 15:23

Nde yae Rare ikele konselena, Maekore ikele kounge.

Yohanes 16:9

Allahle Roh nebei holona yore me u bekobe mokate naeise isaeinyemile, rabuhine ban Raei a elalere hila rabo ehaleinye.

Yohanes 3:2

Ya mbai be baheuboke yae Yesusle bokore meke mo weunge, “Guru, meyae maeisaei Weyae Allah yae ukete ro miyaere isaeise keleumilere mekae Kiyae, rabuhine ban Allah Ware ei haweitene nebei rambun emere-emere Weyae mokoyae. Nebei me u ma ro miyae hi yae omokoiboi sului.”

Yohanes 5:36

“Raei uwa naei a faeu isaeyaemale na bereise Yohanes yae isaeiwombe a faeufa. Maeko yae Rare ukeufe kaliare namman mokale. Nebei me u yae mo keleyembe, na hele Maeko surgana Rare ukeufe mekale.

Yohanes 6:36

Nebeibe Reyae mare ukamale ma hului Rare eraufe hororebe, nebeibe Rare hila rabo ehalei kaube.

Yohanes 7:31

Nebei ya kabande hokoumeke ro miyae nolona yo helen Yesus a elewolere na hele yae elewate hila rabo halewainye, nda wanen elate, “Wali Ondofolo mende wanenna naendae mekai nda kiyae yae rambun emere-emere mokole ma nebei helen nen mokonde?”

Yohanes 9:32

Nda kani kelana mokoubokera ro miyae hi yae ijoko kumba yae hongkate ro miyaere onomi ikeunge ijoko na hului erewole naeise roko mbai oboroiboi mo nekemeyande.

Yohanes 9:41

Yesus yae weumi, “Mayae ijoko kumba nekaube yae, mai me u beko aerene ehee bukulu eyaroikoi. Nebeibe mayae ijoko eraube yae elaubena, mai beko bako namman honayembe aerene ehee bukulu enyarongkombe.”

Kisah 10:38

Nane merau Allah yae Yesus Nasaretna Rore Naei Roh bele Naei elae wake bele uwa kiteungeboke. Allah Nangkele mbainye nekewotene, Yesus makeise-makeise orowole na me u foise mo mokowole, nane merau walobo yunbe me kelee u keleene nekayekene era buloo kayeke ro miyaere onomi yeumiyeke.

Kisah 2:22

“Aka naei baeke naei Israel ro miyae nda wamale are boron, Allah na yaka hele yakambokembe, Yesus Nasaret yona Ro Naei bokore ukeunge eke. Mayae maisaei Allah Naei walora rambun emere-emere mokoimeyele nane merau iwau mahi-mahire keleimeyele.

Roma 1:30

a nene a hufuu huwate, Allahre kena ikele, wali mekai ban, embei aiko, ukaei, nebei yo meli mekai beko naeise ayeukoke, ako nakere oboroyei,

2 Timotius 3:4

ro miyae kelaise mokate, mokombonde rambunde u bene foi yae enekeikoi, nauwa isaei bele ro yae kaenate, nda kani kela naei yukaei bele rambunde kena kaban konate. Allahre kena okoyei,

Yakobus 4:4

Mayae ro miyae yoko kaeimae kate wanen Allahre mokaungele yo nda a isaeyaeuboke: nda kani kelana wali beko nibire kena kaubena, Allahre kena ikele yae kaunge. Nda kani kelana wali beko nibire kena kate ro miyae Allahle yokeijore yaeiboke.