Yohanes 14:6 - Allahle a neme heteungekoke homofae

⁶ Yesus yae weumi, “Reyae Allahle bokore eke nibi Kiyae bele na hele no wali no. Ro miyae Raei walora mo Ako Allahre ronainyebonde, nibi hi u hele.

Yohanes 14:6 ပူးပေါင်းရင်းမြစ်များ

Matius 11:27

Yesus a weumi, “Raei Ako Allah nemene fomene Raei me einye kinyewoufe. Ro miyae hi yae ha yae Rare oroiboi Ako Allah nembai mo roufeboke. Nane merau hi yae ha yae Raei Ako Allahre oroiboi. Reyae na kelu nane merau Reyae elerebonde Akore yakaremibonde ro miyae bele mo Ako Allah royanne.

Yohanes 1:14

Yesus, Allah Naei a elele Kiyae, ro miyae uware yeuboke, aei u nolo u kainye nekewole. Ako bele Kelu nene waewae eyae ijokore eranneboke Kiyae. Naei Ako Allahle bokora meke, ro miyaere kena buhae u buhae aere ban mae heumi, Naei na hele wali nibire keleumi.

Yohanes 1:17

Allah yae Naei yendo kayaalo Musale walora wali heere foloukoke abe ikeume. Nebeibe Allah yae Yesus Wali Ondofolole walora aere kena buhae aere ban mae heume nane merau Naei na hele wali nibire keleume.

Yohanes 1:4

Wali Ondofolole einya nekele nebei wali no niyae. Hehe ouben haubenne naeumile yae ro miyae na foi mokonatere erenaimile. Nebei sului mbai Wali Ondofolo wali nibi kelewoumi yae ro miyae wali foi nekenatere isaeiwaimi.

Yohanes 10:28

Nebei holona ro miyaere Reyae wali hena bona yaemaele, beko eibei nekenayende. Hi yae ha yae nebei ro miyae Raei mera einyukeisai sului.

Yohanes 10:7

Nebei aerene benen Yesus weumi, “Nda a na helebe wamale, domba nekate falena romau Reyae Niyae.

Yohanes 10:9

Reyae niyae na romau. Nde yae domba fale romaufa eise eyeisi wanen mae Allahle ro miyae holore Raei walora enduwende menensinde kiyaere Reyae hole molorembonde. Domba romaufa moise aibaleke ke fau foinye eraman enanende wanen mae Raei kelaemaele a walora ro miyae wali foi hubanainyele.

Yohanes 14:19

Na heki ban mo nda kani kelana wali beko nibine orate yo Rare benen ereiboi, nebeibe mayae na hului Rare enserembe. Reyae wali hena bona bele nekalene, mayae nane merau wali hena bona nekemembe.

Yohanes 15:1

((Yesus yae anggur o ha bele Naei wali nibine oronate yo naei wali ma bele a ahuneuboke.)) Neyae nda wanen huwewoumi, “Anggur yoni-yoni maensa akaufe rorokate ekate na no hele Reyae Niyae. Maeko anggur no melemere raufike, holele, narele Kiyae Niyae.

Yohanes 18:37

Pilatus yae hineunge, “Nebei wanenna, Weyae Ondofolo era?” Yesus yae weunge, “Wenaeijae a ijenbe warae Reyae Ondofolo. Nebei aerene hongkaisele nane merau nebei aerene na hele naei are isaeisemibondere nda kani kelare mekale. Ro miyae na hele naei a isaeyaemaelere kena kate yo Raei a boraisele.”

Yohanes 5:21

Maeko yae ro miyae herewate yore ainyainyu kowoumi wali inyemile ma mbai Reyae kena korele ro miyaere wali isemile.

Yohanes 6:33

Rabuhine ban Allah yae Rare ukeufe surgara mekale. Nda kani kelana ro miyaere Reyae walire isemile naeise Allahle ramande yeubokale Kiyae.”

Yohanes 6:51

Reyae walire inyembe raman surgara okale. Wali inyembe ramande anende kiyae wali hena bona nekenende. Walire isembe raman Raei uwa melen niyae. Nda kani kelana ro miyae wali hole moloiboise Raei uwa kinyerembonde.”

Yohanes 6:57

Ako wali no Kiyae Rare ukeufe mekale, Naei walora Reyae wali nekale. Nebei sului mbai Raei a elalere hakoyate ro miyae uwa melende anate hare felayaete wanen Raei walora wali nekate.

Yohanes 6:68

Simon Petrus yae weunge, “Tuhan, ndere hakomanelere wamae? Waei a faeu wali hena bona bele kiyaebe wamae.

Yohanes 8:32

nane merau Raei na hele wali nibi are isaeyembombe. Nebei a yae mokonembombe mayae benen yebaei bubaei ban.”

Yohanes 8:51

Na helebe Reyae wamale, nde Reyae ufende are hubara haeisa yanennelena, Allah bele ewahei nekenende.”

Kisah 3:15

Ro miyae nemene naei wali no Kiyaere mayae haubokaube, nebeibe menaei ijoko yae erewande nulu yo mahe yora Allah benen waleungeboke.

Kisah 4:12

Nda kani kela ewole mewole ro miyaere wali hena bona yemmile naei elae Allah yae Yesusle me einye kinyewounge, nebei wanen elae hire hare eyei.”

Kisah 9:2

Damsyik yona Yahudi naei ei mom-mom imae naei yun-junde yemmile homo riyeungehike. Nebei homone a wemmile naei yona Yesusre hakainyekoke ro miyae hiwa Saulus hubainyaikondena, neyae ikilengkonde, Yerusalemde yawemmile enatere.

Roma 15:16

ukeufe Yesus Wali Ondofolole kaliare Yahudi ban yo u nolo ukainye mokorele. Allahle Roh yae Allahre kena foise mokonainyele u mekaise Yahudi ban ro miyaere mokommibonde nane merau nebei yo hili era akau era wanen mae Allahre kena foise mokonainyele naeise, Allah ukeufe imam wanen mae Naei Wali Ondofololena a foi faeu foi Yahudi ban ro miyaere eremihuwende.

Roma 5:2

Yesus Wali Ondofolo Naei a elelere hila rabo halaenne walora Allah aere kena buhae aere ban mae heume wali hubanne. Nane merau kena u rei maibe roweumehike, rabuhine ban rabo elae halaende bena ya honoifoyolene Allah yae Na nene waewae aere kelemmele.

1 Korintus 15:45

Allahle homofaene nda wanen molaikoke, “Ro miyae na bemena hele mokouboke kiyae, Adam, melen u ha u yae uware ahunewounge wali bele rore yeuboke.” Nebeibe huba mokoikoinya Adam, Wali Ondofolo Kiyae, walire yeumi Rohre yeuboke.

Efesus 2:18

Yesusle walora eyae nanemene Yahudi ro miyae bele Yahudi ban ro miyae bele Roh mbai walora Ako Allah bele elande borande.

Kolose 2:17

Nebei rambun yoni-yoni Wali Ondofolole wali nibi a nulu wanen yaeiboke. Nebei nulu na bere meke, uwa hele Wali Ondofolole eisa.

Kolose 2:9

Nebei wanen a ehakoyeijae, rabuhine ban Wali Ondofolo Nauwa einye Allahle me einye u einye honate rambun nanemene nekate mo.

Kolose 3:4

Wali Ondofolo yae mare wali yembe. Neyae benen nene waewae bele uwa yae yakaiboise mendene, mayae nane merau Nangkele yakambombe.

Ibrani 7:25

Nebei aerene Yesus na hului Naei walora Allah bele mbainye nekenate ro miyae nanemene hele hole molommibonde, rabuhine ban Allahle ro be ro yoinye nebei yo aere olemmile naeise Yesus wali rimolone yangkone nekenendere.

Ibrani 9:8

Nebei mekai yae Allahle Roh yae kelewoume nebei ei mom-mom imae namman honowole yae ro miyae hosoro Allahle bokore na yolo-yolo hele anuwaufe enate nibi eyakaiboi.

1 Petrus 1:21

Allah yae Yesus Wali Ondofolore here u nolo u kaisa aungunuke nane merau hili hebewounge. Nebeinye, Wali Ondofolo Naei a elelere hila rabo halaeunge walora mayae na hele Allahre hila rabo halaeungele nane merau rabo elae halaeungele Neyae wali hena bona inyembe.

1 Petrus 2:4

Ro miyae yae erabuhi ban mae hubawainyene wokate rukabe Allah yae eleuboke wekeunge walire yeumi Ruka na foi sele yae ereunge. Nebei Ruka Niyae Yesus Wali Ondofolo. Yesus Naei a elelere hila rabo halennele yae mayae walire yaumi ruka wanen yembombe. Ro miyae imae rukara haete wanen mae Allah yae Yesus walora mokombokembe Naei holona ro miyaere yembombe, nane merau Allah Naei u mbai naei imam holonare yembombe. Yahudi yobe naei imam yoni-yoni yae hili era akau era Allahre ongkoufe felayeke. Nebei wanen mbai mayae Yesus kena kolere mokaunge yae Allah kenare kole hili era akau erabe yennele.

1 Petrus 3:18

Rabuhine ban Wali Ondofolo ro miyae naei beko bako faeinyemmibonde naeise, roko mbai hereke. Mare mokonembombe Allahle ro be ro yoinye u mekai foi yae me baembe naeise, wali himaloungeboke Kiyae ro miyae wali ehimaloiboi yo naeise hereke. Naei uwa herekebe, nebeibe Naei Roh na hibi wali nekewole.

1 Yohanes 1:8

Nebeibe aei uware beko bakore omokoyeijae elemalena, aei uware enaei ame-amebe baennele nane merau Wali Ondofolole walora na hele wali nibine oroi.

1 Yohanes 2:23

Nde yae Yesusre Naeko Allah yae eleuboke Wali Ondofolo ban mae elendena, nebei kiyae Ako Allah nangkele mbainye enekei. Nebeibe Yesusre Naeko Allah yae eleuboke Wali Ondofolore oro umau heraweungeboke Kiyaere na hele elendena, nebei kiyae Ako Allah nangkele mbainye nekete.

1 Yohanes 5:20

Nane merau eyae isaeyaendeboke Allahle Kelu meke, eyae Allah na hele no Kiyaere romambondere isaei ikeume. Aengkele Allah bele Na Kelu Yesus Wali Ondofolo bele Nangkele mbainye nekemale. Wali Ondofolo Kiyae Allah helebe yeuboke, ro miyaere wali hena bona yemmile.

1 Yohanes 5:6

Nda Kiyae Niyae, Yesus Wali Ondofolo Niyae, nda kani kelana nekewole heene, bu yae koungeboke nane merau Naei hare rileuboke. Neyae bu yae koungeboke mo ban, nebeibe Naei wali bele ha bele kinyeungeboke hereke. Nane merau Allahle Roh yae Wali Ondofolo Naeise a na hele isaeiwoumi, rabuhine ban Neyae na hele mo eyelewole.

2 Yohanes 1:9

Yesus Wali Ondofolo yae kelewoumi a usaei waeisaei huluinye enekei ro miyae, Allah bele mbainye enekei. Nebeibe nde yae Wali Ondofolo yae keleumi a usaei waeisaei huluinye nekende kiyae, Ako Allah bele Na Kelu Yesus bele mbainye nekate.

Wahyu 1:5

Yesus Wali Ondofolo Allah weunge a huluinye isaeyeumi Kiyae mbaibe nulu yo mahe yora ainyuke holona yo Neyae na bena Kiyae, nane merau nda kani kelana ondofolo yoni-yoni mere mokommile Kiyae. Yesus aere kena buhae heume, nane merau Naei uwa kinyeumiboke haiboke ha yae aei beko bako aeumefoke nekewandera ruboumeboke.

Wahyu 19:11

Nebeisa reyae erale surga wekainyele. Erale bae kuda keleumon mbai yakauboke. Helaukeungele kiyae na roallah weunge a huluinye nekele nane merauna hele. Buloo felane melesayeumi yore na ijen mae me noyoumi.

Wahyu 20:15

Wali hena bona yaronaikonde yo naei homofaene na rore omoloikoi ro miyae bumoko i buloo-buloo belere hekelaikoke.

Wahyu 22:1

Nebei malaikat mbai wali yeumi wibe yolo-yolo renden sele kristal wanenbe rare keleufe. Nebei wi Allahle Domba Kelule kendan wameran neketera rileunge,

Wahyu 22:17

Allahle Roh bele miyae neme wainyeboke wanen Allahle jemaat bele elete, “Menne!” Borate ro miyae yae elenate, “Menne!” Ro miyae nde walire yemmile bu anensindere ki oyeungena, mai kena kaube hului me karo yae ren.

Wahyu 3:14

“Laodikiana jemaat na malaikatre homo nda wanen mae moloukonde: Nda a niyae Amin mae rainyeboke Ro, Allah weunge a hului yae nane merau na hele yae isaeyeumi Kiyae, Allah yae mokouboke rambun yoni-yonire mere mokoumi Kiyaelera.

Wahyu 3:7

“Filadelfia jemaatna malaikatre nda wanen mae homo moloukonde: Nda a niyae nene waewae bele Na Hele mo elele Kiyaera. Na bere Ondofolo kaban Daud Yerusalem yona romau rawembonde naei kunci ikileuboke wanen nda Kiyae Allahle holonare enayembonde romau na kunci ikileuboke. Neyae rawembondena, hi yae ha yae ahuneiboi sului. Neyae ahunembondena, hi yae ha yae eraweiboi sului.