Yohanes 12:38 - Allahle a neme heteungekoke homofae

³⁸ Nebei mekai yaere Allahle yendo kayaalo Yesaya yae nda a moloukoke na hului yaeiboke, “Tuhan, ro miyae keli name mo meyae humande are na hele yae elenaikonde nane merau hila rabo halenate. Nane merau Tuhan, ro miyae keli name mo Waei elae wakere yakaumibokae?”

Yohanes 12:38 ပူးပေါင်းရင်းမြစ်များ

Matius 15:7

Mayae ro miyae faeu kai bee. Naijen sele mai naeise Allahle yendo kayaalo Yesaya yae Allah ukeunge a nuleungekoke. Nebei a nda mekai yae moloukoke,

Matius 16:17

Yesus yae Simon Petrusre weunge, “Foi moi sele weyae Simon Yunusle kelu, rabuhine ban nda are ro miyae yae ware ewei, Maeko Surgane ekenekele Kiyae yae ukete.

Matius 27:35

Yesus ohaline baikokera felayo na malore wahenaikondere oye yae nihaeiboke.

Yohanes 12:37

Yesus roko helen sele rambun emere-emere nda yo naei ijoko bene mokowole hororebe, nebeibe nda yo Yesusre hila rabo ehalei nekate.

Yohanes 12:39

Na bere Yesaya a eleukoke hului nebei yo na hele eleikoi, hila rabo ehalei rabuhine ban neyae nda Allah eleukoke are moloukoke,

Yohanes 15:25

Nebeibe Rare nebei holona ro miyae ikele kaise yae wali heere foloukoke homofae a naei naeise na hului yeuboke. Nebei homofae nda wanen molaikoke, ‘Nda yo aere ban mae Rare ikele kaise.’

Yohanes 17:12

Nebei yo bele mbainye nekewande hee, Arai Waei Ro elae yae Rare kinyeufebokae yae nebei ro miyae hole moloumiyekale, kayaa hebeumiyekale. Yudas Allah bele waheneikonde kiyae mo Reyae hole omoloi. Nebei mekai yaere Waei homofae molaikoke abe na hului yembonde.

Yohanes 19:24

Nebeinye nda felayo hi yae hire weunge, “Nda malo bohi-bohi yae efoloijae. Men, eyae oye nihemakonde mo haimakonde neyae kelemmebonde ndelere yembonde.” Nebei ma mokaiboke yae wa Allahle homone molaikoke a na hului yembonde. Nebei homo nda wanen molaikoke, “Raei malobe neyae wahaeikoke nane merau raei malo kabande oye yae nihaeiboke.” Nebei felayo nebei mekai yae mokaikoke.

Roma 10:16

Nebeibe reyae wamale, Allah ro miyaere ukeumi ekate Wali Ondofololena a foi faeu foi huwate hee, Israelna ro miyae nanemene kena rei mai yae ei aiboi. Allahle yendo kayaalo Yesaya ((nda hee naeise)) nda wanen moloukoke: “Tuhan, meyae nebei yore emamihuwende hee, ro miyae keli name mo maei huwande are na hele yae elenate!”

Roma 10:20

Nane merau Allahle yendo kayaalo Yesaya be rabuleuboke yae Allah a eleukokere moloukoke: “Rare ebaei ro miyae yae Rare hangkaisele. Nane merau Raei uwa naeise a ehineyei ro miyaere Raei uwa yakaumibokale.”

1 Korintus 1:24

Nebeibe Yahudi ro miyae bele Yahudi ban ro miyae bele Allah yae kaenewoumi yo Wali Ondofolore hila rabo halenainyele hee, Allahle elae wakere nane merau Allahle isaei hebaende isaeinyate.

Galatia 1:16

Allah kena koukoke raei wali einye Naei hina fa hoi fa yakaufeboke. Yahudi ban ro miyae Naeinya a foi faeu foi eremihuwende aerene Naei Fa yakaufeboke. Nebei naeise reyae hiwa naeisa a usaei eriyeisi.