Yohanes 11:52 - Allahle a neme heteungekoke homofae

⁵² Nane merau Yahudi ro miyaere mo ban, nebeibe Allahle fa-fa here ware waeibokere arilemmihindere nane merau mbainye mokommibondere Yesus herende.

Yohanes 11:52 ပူးပေါင်းရင်းမြစ်များ

Lukas 15:8

Yesus benen nda ahuba ahuneuboke huwoumi, “Maengke mbai na roi perak me bee hele. Mbai nundeuboubena, isehe yae naeufoube, niheungehiube imaena retara nemene faeinyeukoube, baeube.

Lukas 2:32

Neyae hehe naeyele wanen Yahudi ro miyae ban yore wali hena bona wali nibi are yakammile nane merau Israel yore Waei nene waewae kelemmile.”

Yohanes 1:12

Nebeibe ro miyae nanemene eise hauwainyele yo, Naei Rore hila rabo halewainyele yo, Allahle kelu omire inyaibondere nibi mokouboke.

Yohanes 1:29

Ya heuboke mo, Yohanes erele Yesus naei bokore mele. Nebeinye hebate yore Yohanes yae weumi, “Erenne, ndi Kiyae Niyae Allahle Domba Kelu. Nda kani kelana ro miyae naei beko bakore faeinyeiboi naeise nda Kiyae mele naei wali yae kinyembondere.

Yohanes 10:16

Raei domba yoni-yoni hiwa kani hine nekate. Nda domba yaweremibonde hele. Neyae domba holo mbai nendo wanen mbai Raei a elerelere boronate. Nebei holo nanemene holo mbainye inyaibonde, na holeumi ro mbai yembonde.

Yohanes 12:32

Nebeibe Rare nda kani kelara bumane nenaisijende hee yae, ro miyae nanemene Rare hila rabo halenaisele naeise yoboremile.”

Kisah 18:10

Reyae kayaa hebawalene, hi yae ha yae ware beko omokoiboi. Rabuhine ban, nda Korintus yo einya Raei holona ro miyae helen nekate.”

Roma 3:29

Nebei Allah Yahudi ro miyae mo naei Allah ban. Nebei Allah mbai nane merau Yahudi ban ro miyae naei Allah!

Roma 4:17

Allahle homofaene nda a Abrahamde ukeunge, “Kani kela helen na ro miyae naei yobe ware raneuwekawale.” Allah ro miyae herewatere waleumi Kiyae nane merau eyeiboi rambun Naei a elele hului baete yakate Kiyae. Naei a elewolere Abraham hila rabo halewole. Naei ro be ro yoinye Abraham aei yobere yeuboke.

Efesus 1:5

a hokoukoke eyae Yesus Wali Ondofolole walora Naei kelu omire imabonde, Naei kenare koukoke huluinye.

Efesus 3:11

Nebei rambun na bere hele Allah meraufe raungehike hului aei Tuhan Yesus Wali Ondofolole walora huba ban haei ban mokonende.

Yakobus 1:1

Onomi foka mayae yoho me bee oro nen bee bele yo hi yan hine faeungekoke nekeyaube yore. Reyae Yakobus, Allahle Tuhan Yesus Wali Ondofolole yebaei bubaei yae, ro melaeyamale.

1 Petrus 1:1

Onomi foka mayae Allah yae elembokembe wekembe ro miyae Pontus kanine, Galatia kanine, Kapadokia kanine, Asia kanine, Bitinia kanine, kolo yo wanen mae faeungekoke nekeyaube. Na bere Ako Allah yae roubokembene, mare elembokembe wekembe. Mayae Yesus Wali Ondofolole a elelere hakombe naeise, nane merau Naei ha yae mai kena u yolo-yolo mokonembombe naeise, Allahle Roh yae mokombokembe mayae Allahle u mekai wa mekai huluinye yaeuboke. Reyae Petrus Yesus Wali Ondofolole abu akore yeubokale. Reyae ebeli banale Allah emekai bele yae kena buhae aere ban henembe nane merau rei mai inyembe.

1 Yohanes 2:2

Aei beko bako aerene Yesus ohaline baikoke hereke. Nebei mekai yae Allahle ro be ro yoinye aei beko bakore aheukoke baeufoke. Aei holona yo naei beko bako mokate aerene mo ban, nda kani kelana hiwa yo naei beko bako aere bele haiboke.

1 Yohanes 3:1

Eyae rei mai kaban kande, rabuhine ban Allah na kena buhae emekai bele aere heumekokene, Naei kelu omi yae. Nana hesele eyae Naei kelu omi. Nda kani kelana ro miyae yae eyae Allah naei kelu omi yae me baeumebokere onaeime, rabuhine ban nda kani kelana ro miyae Allahre onaeinyene.

1 Yohanes 3:10

Allahle kelu omi bele walobo yunbe kelu omi bele nda u mekaisa mo isaeimabonde: Ro miyae nde me u ijen omokoinya, nane merau naka baekere kena buhae u buhae eheinya, Allahle kelu omi yae me ebaei sului.

1 Yohanes 3:2

Kena buhaere haemale aka baeke, eyae nda hee Allahle kelu omire yaendebokebe, nebeibe aei uwa ma enaibende yoni-yoni namman foi yae isaeyeiboi nekande. Eyae aeisaei Yesus Wali Ondofolo mende heene eyae Naei uwa wanen mae imabonde, rabuhine ban Naei uwa hele kiteungebokere aei ijoko hele yae eremande.

Wahyu 5:9

Neyae nda koi bae eme hele nebei Domba Kelure kainye, “Waei yeisi raeiboi hului na mekai sele ndi homofae rowele na meterai kaneukonde, rabuhine ban Waei ha yae ro miyae nda holora yaroukokae: yoho yoni-yonira, afaeu yoni-yonira, kani kela yoni-yonira.