Yohanes 11:42 - Allahle a neme heteungekoke homofae

⁴² Reyae raeisaei sele Raei ebeli kali Weyae na rokone baei boroyarae, nebeibe nda ro miyae helen arilewole Ware foi oroiboi. Nda a bawale, Weyae Rare ukarae mekalere hila rabo bele halenate naeise Raei riyeufikale a hului mokoibo.”

Yohanes 11:42 ပူးပေါင်းရင်းမြစ်များ

Matius 26:53

Weyae waeisaei ban selene, Reyae na hului Maekore riyerensinde. Neyae Naei malaikat na helen 72.000 hului aei kayaare weumile mate.

Yohanes 11:22

Nebeibe nda hee reyae raeisaei sele, Allahre riyeungehinde rambun Ware inyete hele.”

Yohanes 11:31

Yahudi ro miyae imaene Mariare kena foise mokainye yo nanembainye nekatera erainye Maria u hale yae aunguke aloungekoke elene, nda yo na moisa hakoinyekoke. Naei u benera nekewaimi bulei tande ele, rimere endimendere.

Yohanes 11:43

Nebei wanen ebeli bowoungera kali na kaban mae kaeneunge, “Lazarus, ainyu meituwe!”

Yohanes 12:11

rabuhine ban Lazarus waleuboke aerene Yahudi ro miyae helen nebei yun-jun naeisa moi kaeinyehike Yesusre hila rabo halewainyelene.

Yohanes 12:17

Lazarusre ruka buleisa Yesus kaeneungekoke meukuke nane merau herekera waleungebokere nenaei ijoko yae erewate yo helen nebei a faeube eleiko ramumbo kate.

Yohanes 17:21

nebei yo nanemene mbaise inyaibondene. Nda kani kelana wali beko nibine orate ro miyae na hele yae elenate, ‘Weyae Rare ukarae nda kani kelare mekale’ naeise, Arai Weyae Raei einye nekeyae Reyae Waei einye nekale wanen mbai nebei yo bele Aei einye nekenatere waeimihi.

Yohanes 17:25

Arai, Weyae wali himaloungeboke Kiyae nda kani kelana wali beko nibine orate ro miyae Ware oroiboibe, nebeibe Reyae Ware rore roubokawale. Nda ro miyae isaeyaeiboke Arai Weyae nda kani kelare ukarae mekale.

Yohanes 17:8

Arai, Waei ako faeuko Rare ukarae hufemilere na hului weumikokale. Nebei holona yo Waei ako faeukore hila rabo halewate nane merau Reyae Waei bokora mekalere isaeyaeiboke. Nda holona na hele yae elate, Arai, Weyae Rare ukarae nda kani kelare mewale.

Yohanes 20:31

Yesus Allah yae oro umaufe heraweungeboke Wali Ondofolo Kiyae nane merau Allahle Kelu mayae na hele yae elembe naeise, nane merau Nare hila rabo halennele yae mayae wali neme nekembe naeise, nda rambun yaeiboke kayeero hiwa nda homone moloukokale.

Yohanes 3:17

Ro miyaere me noremiyonde naeise ban, nebeibe naeinya hesele nda kani kelana ro miyae holere moloremibonde naeise, Allah na Kelu Reyae nda kani kelare ukeufe mekale.

Yohanes 8:16

Ro miyae naei wali hului rarensindena, Reyae na ijen selebe mokoremile, rabuhine ban Rare ukeufe mekale Maeko nanembainye nekendene. Reyae rembai mo rambun omokoi sului.

Yohanes 8:29

Rare ukeufe mekale Maeko ei haweimeyeufe, Renaei mo nukenaisebonde nekerele naeise Neyae ewaeisi. Maeko kena foise mokorende naei na hibi-hibi mokoyanalene.”

Yohanes 8:42

Yesus yae weumi, “Allah mai Akore yeuboube yae, Rare kena buhae haeufele. Rabuhine ban Reyae mai Allah yae elaube Kiyaele bokora mekale. Raei kena hului yae emei, nebeibe Neyae ukeufene mekale.

Roma 8:3

Ro miyae Musale walora wali heere foloukoke hakowainyele walora wali himalainyeboke ro miyaere inyaibondere na hului ban, rabuhine ban naei kena u elae banne, nebei wali heere foloukoke are hubara haeisa eyanekoi sului. Nebeinye ro miyae beko mokoimeyatene herende aerene Allah na hina fa hoi fa ro miyae u mekai beko mokatene male u yambi u ma yae ukeunge meke. Nebei nibi yae wali himalainyeboke yo yae me baemmile nibire mokouboke. Eyae bekore kena kandere haraime elaere ehakoiboi nebeibe Allahle Roh Naei a elelere hakannele ro miyae na hului wali himalainyeboke yo yae me baemmele naeise, aei beko mokoimeyande aerene Allah yae Yesusre me nokeunge, aere me onoyoi.

Galatia 4:4

Allah huluise raungehike ralo yakama na hului yeuboke mo, Na Hina Fa Hoi Fare ukeunge nda kani ran kela rande meke, miyae naei kou bulu yahi bulura hongkate, Musale walora wali heere foloukoke a keleene niheungehike nekewole.

Ibrani 5:7

Ro miyae uwa wanen mae Yesus nda kani kelane nekewole hee, here me eisa na hului hole molonnebondere Allahre ebeli kali rime bele a bele bowounge. Allah uwounge huluinye uwa haraungeboke nekewolene, Yesus naei ebeli bowounge are Allah boroungeboke.

Ibrani 7:25

Nebei aerene Yesus na hului Naei walora Allah bele mbainye nekenate ro miyae nanemene hele hole molommibonde, rabuhine ban Allahle ro be ro yoinye nebei yo aere olemmile naeise Yesus wali rimolone yangkone nekenendere.

1 Yohanes 4:14

Bee nendo, eyae ijoko yae erekannele Ako Allah Naei Kelure ukeunge nda kani kelana ro miyae hole moloiboise meke. Nebei are ro miyae hiwa yore eyae isaeyaemmile.