Yakobus 5:7 - Allahle a neme heteungekoke homofae

⁷ Aka naei baeke naei, aei Tuhan roko bee nendo bensonde mendere rakaubene, mai u mekai heke ro ya molondere ereiko rakeiko kole nane merau ani era maluwembondere rakele wanen mae na hebaen-sebaen mai kena u nekembe.

Yakobus 5:7 ပူးပေါင်းရင်းမြစ်များ

Matius 16:27

Rabuhine ban Reyae Allahle bokora mekale ro miyae uware yeubokale Kiyae Maeko naei one hengko hehe kaban bele einye na malaikat yoni-yoni bele surgara memale. Nebei hee yae Reyae ro miyaere na u mekai wa mekai mokowate huluinye isemile.

Matius 16:28

Nana heselebe Reyae wamale, ndane mewarileufike ro miyae mai nolona hiwa eherei mo nekenate, Reyae Allahle bokora mekale ro miyae uware yeubokale Kiyae Wali Ondofolore yolu ikilaiseboke one hengko bele ma yae merele erenaisele.”

Matius 24:27

Rabuhine ban Reyae Allahle bokora mekale ro miyae uware yeubokale Kiyae, Raei merele ya wili enaa reufira wele na hehe ifale reufine bele ole naeikoyole wanen mae yembonde.

Matius 24:44

Nebeinye mayae uwa mokoisa-mokoisa yae nekembe, rabuhine ban Reyae Allahle bokora mekale ro miyae uware yeubokale Kiyae mayae isian nekembe ya yae merele.”

Lukas 18:8

Reyae wamale, Allah nebei ro miyae naeise u hale aere olende! Nebeibe Reyae, Allahle bokora mekale ro miyae uware yeubokale Kiyae, roko bee nendo merele heene, naendae wanen, Rare hila rabore halaeise yo hubaimale?”

Lukas 21:27

Nebei hee ro miyae Reyae Allahle bokora mekale ro miyae uware yeubokale Kiyaere elae wake bele one hengko hehe kaban bele mangko einye merele erenaisele.

Lukas 8:15

“Kani foi kela foinye baleyate yo nebei niyae nebei a faeufe borowate ro miyae na kena u yolo-yolo bele, na hibi-hibi hila rabo halenayende, nebei a hului nekenate, ani nime bele mokowate.”

Yohanes 21:22

Yesus yae weunge, “Reyae kena kale neyae na wali mo nekenende Reyae merele hene era, nebei wangkele elakonde a ban. Nebeibe weyae Raei moisa hakoisobo.”

Yohanes 21:23

Nebei a eleukokebe Yesusle einye aka baeke holo nolone reyae eherei mo nekerele a eungeyoboukoke. Yesus yae nebei mekaibe eleukoke banbe, nebeibe nda a wanende Petrusre ukeunge, “Reyae kena kale na wali mo nekeube merele era, nebei waei a ban.”

Roma 15:4

Kena yae heraumayende yae Wali Ondofolore hila rabo haleyanne walora nane merau Allahle homofae isaei-isaei isaeyaende walora eyae rabo elae halemande Allah nuleungekoke a huluinye mokonde. Nebei wali mare kelewaime naeise, Allahle homofaene a faeu yoni-yoni na bere yae molaikoke.

Roma 2:7

Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

1 Korintus 1:7

Nebei aerene mayae Yesus Wali Ondofolo benen mende uwa yakambonde yare rei mai yae rakaunge yae, Allahle Roh yeumi meli mekai yoni-yoni mai nolone kalo omoloiboi.

Galatia 5:5

Nebeibe Allahle Roh yae weume, aei hila rabo walora eyae na hului na rei mai yae rakemale Allah aere wali himalainyeboke yo yae me emmebaende.

Galatia 6:9

Me foi u foise no ban hee ban mokomande nane merau rilibo ehayeijae. Rabuhine ban na hibi mo mokomalena, ya mbai mendene eyae na ani hokomale.

Kolose 1:11

Meyae riyannele Allah mare elae baranembe, naei bumana hele elae huluinye. Nda elae walora mayae na hului nda wali ma nekembe: wali beko hubannembe hororebe na hibi-hibi Wali Ondofolore hila rabo halennele, kena hebaen-sebaen mae nekemembe, nane merau mbai rei mai rowenensimbe yae

1 Tesalonika 1:3

rabuhine ban, meyae na hibi-hibi u bene nekaime aei Arai Allahle bene mayae Yesusle ako faeukore hila rabo halaeubene, kalia mokaube. Nane merau maise naeise buhae eise meise yae heyaubene, kalia mokaube. Mayae Aei Tuhan Wali Ondofolo Yesus Kiyae benen mendere rabo elae halaeubene, Naei a elele na hibi-hibi hakoyaunge.

1 Tesalonika 2:19

Meyae rahere rabo elae halaende? Rahene me buhaere rakande nane merau rei mai kande? Yesus benen mende yare, rahe aerene maei uware roweumehinde? Na hele mayae niyae.

1 Tesalonika 3:13

Aei Tuhan Yesus bele Naei eleuboke wekeumi yoni-yoni bele menate heene mare me onoyoi, nebeibe mai wali na yolo-yolo yae aei Arai Allahle bene ensebembombe naeise, reyae ebeli banale Allah yae mai kena u elae inyembe.

Ibrani 6:15

Abraham na hebaen-sebaen rakeweke wa Allah are heteungekoke hului rouke.

Yakobus 4:11

Aka naei baeke naei, maise naeise a beko faeu beko eweijae. Allah yae Musare ukeunge wali heere foloukoke a mbai ro miyaere ikeumi. Naei a nda wanen mae eleukoke, “Mai uware haeunge wanen mae mangkele ya-ya wali nibi mbainye oraube ro miyaere hemmile.” Nde yae naka baekere a hufuufe huwemmile, wali heere foloukoke a hufuu huwemmile. Nde yae naka baeke naei wali hului ranensinde kiyae, nebei wali heere foloukoke abe hului koleunge. Mayae wali heere foloukoke are hului rannehimbena, nebei wali heere foloukoke a keleene enekei yembombe.

Yakobus 5:10

Aka naei baeke naei, beko hubayembe heene, kena u na hebaen-sebaen mae herawemembe. Tuhan Allahle Ro yae are waimiyeke yenjo kayaayo naei u mekai harainyeboke nekewate bune wane hamennembe. Nebei ro miyae beko hubawainyele horore bae, Allahle ako faeuko na hibi-hibi huwaimi.

Yakobus 5:3

Emas, perak yoni-yoni ehi yae felaiboke. Nebei rambun helen hiwa yo naei roibu walora arilewaubene, naei ehi aerene mare ehee bukulure enensayembe, nane merau nebei ehi yae mai uwa melen i yae anenembe wanen anenengkombe. Huba mokoikoi ya be rannehike hee lon mae, mai uwa mbembare nebei rambun yoni-yoni arilewaube.

2 Petrus 3:4

ungayembe: “Yesus a ukembe Neyae benen bensonde mendere nebeibe emei mo. Aei yobe naei maiserekokera meke nda heene, nemene fomene Allah nda kani kela mokoukoke hului mo honate.”