Yakobus 4:6 - Allahle a neme heteungekoke homofae

⁶ Nebeibe Allah kena buhae aere ban mae heumekoke na elae bele, mai kena u elae ban. Nebei aerene Allahle homofae nda wanen molaikoke, “Ro miyae uware kaeyate embei aikore koyate yore Allah wali ehekaei ijewoumi, nebeibe kena u ane nihaeinyehike nekate ro miyae Allah kena buhae aere ban mae hemmikonde.”

Yakobus 4:6 ပူးပေါင်းရင်းမြစ်များ

Matius 13:12

Rabuhine ban Allah na mekai ma haraungebokere baenate ro miyae kelemmile, helen isaeinyate, nebeibe ebaei yo boraikoke a u benera hanenaimikonde.

Matius 23:12

Nde yae nauware bumane engkaendena, Allah yae nebei kiyaere ane enneransinde. Nane merau nde yae nauwa ane enneransindena, Allah yae nebei kiyaere bumane ennekaembonde.

Lukas 1:52

Ondofolo-ondofolo hiwa Na yo malo bele yae herewoumi, me baei ban yore yarowole anuwau foinye hawoumi,

Lukas 14:11

Nde nauwa kaendena, kerenainyekonde onde. Nde wali ara nihennehindena, ro miyae nare ro enainyeronde.”

Lukas 18:14

Yesus yae weumi, “Reyae wamale hokolo bee imaere ewote, pajakre yaroyele kiyaebe Allah yae nare wali himaloungeboke ro yae me baeungeboke, nebeibe Farisi holona kiyaere me ebaei. Nauware kaete ro miyaere ane enaimikolonde. Nauware ane koloyainye ro miyaere bumane emmikande.”

Yakobus 4:10

Allahle ro be ro yoinye mai kena u ane nihensimbena, Allah yae mai uware kaenembe.

1 Petrus 5:5

Nebei sului mbai mayae hokolo fa holona mai be hokolona yo naei a usaei wayembere uwa ane rannehimbe yae hakombe. Mayae nemene kena u ane rannehimbe yae maise naeise mokomembe. Rabuhine ban Allahle homofaene nda mekai moloukoke: “U maengkeu bele yore Allah me kena yae rorommile, nebeibe kena u ane nihaeinyehike nekate yore Allah kena buhae aere ban mae ei hawemmiyende.”