Yakobus 4:17 - Allahle a neme heteungekoke homofae

¹⁷ Nebeinye ro miyae mbai Allah a ukeunge me u foise mokonde naeise naeisaei selebe, nebeibe omokoinya, nebei kiyae me u bekobe mokole.

Yakobus 4:17 ပူးပေါင်းရင်းမြစ်များ

Yohanes 13:17

Nda wamale nemene maisaeinye mayae emmokombena, mai naeise foi sele rambun benate.”

Yohanes 15:22

Reyae ndare emei yae nane merau nda holona yore Allahle wali nibi naeise eweikoi yae, nebei ro miyae me beko u beko bele yo yae me ebaeiboi. Nebeibe nda hee nebei ro miyae naei u mekai beko bako mokatera weyei naeise a ban.

Yohanes 9:41

Yesus yae weumi, “Mayae ijoko kumba nekaube yae, mai me u beko aerene ehee bukulu eyaroikoi. Nebeibe mayae ijoko eraube yae elaubena, mai beko bako namman honayembe aerene ehee bukulu enyarongkombe.”

Roma 1:32

Nebei yo naeisaei sele Allah a ukeume na ijen sele nane merau nebei a hului nebei u mekai wa mekaise mokoyate ro miyaere beko mokommibonde. Naendae mekai horo naeisaei sele londebe, nebei u mekai beko na hibi mokoyate nane merau nebei u mekai mbaise mokonate ro miyaere be hinaimi.

Roma 7:13

Naendae wanen, nebei foi bele Musale walora wali heere foloukoke a mokoufeboke reyae Allah bele wahendekoke? Nebei mekai ban! Raei bekore kena kalere haraufe elae beko hele bele isaeisebonde naeise, foi bele Musale walora wali heere foloukoke a walora nebei elae mokoufeboke u mekai beko mokowale nane merau Allah bele wahendekoke. Nebei nibi yae Musale walora wali heere foloukoke a walora reyae isaeyeubokale raei bekore kena kalere haraufe elae na beko hele.

2 Petrus 2:21

Na foi sele nebei ro miyae Wali Ondofolole wali nibi a hului nekenate walora wali himalainyeboke yo yae me baemmile ako faeuko oboroiboi yae nekenayende. Na beko hele nebei ako faeuko boronate, isaeinyate, nebeisa nebei Allahle ukeumi ako faeukore moi hainyaikonde.