Yakobus 1:10 - Allahle a neme heteungekoke homofae

¹⁰ Eba bele he bele ro miyae nane merau rei mai kon, rabuhine ban mayae eba bele he bele hororebe yebaei bubaei ro miyae yae nekaube. Hun ban wai ban ro miyae bele mangkele Wali Ondofolole wali nibine oraube. Yesus Naei a elelere hakaube aerene Allah mare ro bele ro miyae yae me baeyembe. Eba he bele ro miyae hun hobo arokou wanen herenate.

Yakobus 1:10 ပူးပေါင်းရင်းမြစ်များ

Matius 5:3

“Ro miyae naei u mekai beko mokoyelera roiboyoungera alonnehandere, Allah mbai yae na hului hakonnebonde naeise isaeyeiboyele ro miyae onomi foka hubannende. Nebei ro miyae Raei me kelee u keleene nekate holona ro miyae yae me baerebonde.

Matius 6:30

Nebei mekai mbai yae Allah akelana arokou na foi bele keteumiboube hororebe mana ya hebele wahenare i ranne hayeikoube, hila rabo kalore moloyembe hororebe, Allah mare emekai bele yae kitenembombe.

1 Korintus 7:31

Nda kani kelana rambunde mokate yo, nebei rambun rabuhire eyeiboi wali ma yae nekembe. Rabuhine ban kani kela nda heena honole ma na heki ban mo ennundembonde.

Filipi 3:8

Benen bararembondere. Raei Tuhan Yesus Wali Ondofolo ro roungebokalere na bereise eranalene, nda kani kelana honowaise rambun yoni-yoni rabuhi ban mae elale. Nebei Kiyaele aerene rambun yoni-yoni nanemene me ruboumibokale. Yesus Wali Ondofolo raeise yembondere nane merau Nangkele mbaise yaebonderene nda kani kelana rambun yoni-yoni retara yae me baele.

1 Timotius 6:17

Nda kani kelana rambun helende honaimi holona ro miyaere a elae yae weumile na uware bumane ekaeijae nane merau kaka inyaibonde rambunde rabo ehaleyeijae, nebeibe Allahre mo rabo halenainyele. Eyae rei mai nolone nekemale naeise Allah rei mai mokoume rambunde kena faere-faere yae waheyeume.

Yakobus 4:14

Nebeibe wahena ya mai waline benate yakanate naei maisaei ban sele nekaube. Aei wali rahe ma yae elaube? Nda wali nekande ongkou wanen manemfa fere yakauboke erannele mo, nebeisa na hibi hele nundeuboke.

1 Petrus 1:24

Rabuhine ban Allahle homofaene nda mekai yae molaikoke, Ro miyae nanemene hun hobo wanen. Nane merau uware kitaimiboke rore royaimile yoni-yoni nanemene hun hobo arokou wanen. Na heki ban hele hun hobo kalatene, na arokou bele otate balate.

1 Yohanes 2:17

Nda kani kela bele wali beko nibi nundenayende howalenayende nane merau ro miyae herenate heene nda kani kelana rambun yoni-yoni rabuhi ban inyaibonde. Nebeibe ro miyae Allah kenare kole huluinye wali nekenate yo wali huba ban haei ban nekenayende.