Wahyu 3:3 - Allahle a neme heteungekoke homofae

³ Nebei aerene na bemena mare kelewayembe bele mai angkaei yae borowaube bele bene foi yae nekenayengkombe. Nebei yoni-yoni benen mokombe hele, nane merau beko bako yoni-yoni mokowaubera uwa olomombombe. Mayae benen ainyui nekembena, yoko ro miyae wanen mae Reyae merele, nane merau mayae onengkombe makei hee yae waei bokore merele.

Wahyu 3:3 ပူးပေါင်းရင်းမြစ်များ

Matius 25:13

Nebeisa Yesus nda ahuba mekai ahuneuboke huba mokounge wa elele, “Reyae benen merele hu hului mayae isianne, nebeinye kayaa bele hebembe.”

Markus 13:33

Nebei yare mayae isianne kayaa-kayaa hebembe.

1 Tesalonika 5:2

rabuhine ban maisaei mo, aei Tuhan Yesus mende ya yokolo yokore reniai yae imae hi obe hire ele nebei imaena obena yo isian nekate hee wanen mae. Naei wanen mbai aei Tuhan Yesus mende.

1 Timotius 6:20

Timotius, Allah yae ware kinyeuboke kaliare na ijen mae mokole. Ro miyae Allah ban a bubu huwate nane merau ame-ame kaenainyele isaei hebaen bele are oboroyeijae, waei uwa wewende.

2 Timotius 1:13

Reyae kelewamale wali nibi naei a foi faeu foi me nene u nene ban naei borowoyae, nebei mbaibe keleumile. Weyae Wali Ondofolo Naei a elelere hila rabo halaenaene ro miyaere kena buhae u buhae heumile.

Ibrani 2:1

Nebeinye Allah yae Naei Kelule walora a uwoumene, nebei are nou hemande hele. Nandolo yae yobounge wi enene hebele kiyaele a elae ban yeiboyole wanen Allah ukeume a elae ban yembondera u benera nundenaimekonde belene, nebei are nou hemande hele.

2 Petrus 1:13

Reyae hubanale walina nekale yae raei baka ranne raufehike are isaeisembombere,

2 Petrus 3:1

Aka naei baeke naei, nda homofae bee nendo mare molongkokamale. Nebei homofae beene mai u bene na ijen mae harannele naeise reyae walerembondere relaenale.

2 Petrus 3:10

Nebeibe Naei are eleukoke yane, ro miyae isian yokolo merau wae Yesus benen mende. Kun wau na kulun bele nundenaibonde. Allah yae nda kun wau bele kani kela bele i yae wononde bengkonde, neinya rambun bele nemene fomene u inyaibonde.

Wahyu 16:15

Tuhan Yesus yae elele, “Eren, Reyae yoko ro miyae wanen merele. Onomi fokare hubanainyende ro miyae nauware kayaa hebenende nane merau na malo na mokoisai yae mo nekende na melan mae alonnekondene ro be miyae bene na ro uwa miyae uwabe yakambonde bele.”

Wahyu 2:25

Nda fenbe mare riyamale, wali nibi foi isaeyaeubokere me bobo ikilennekombe nekemembe Reyae merele heene.

Wahyu 2:5

Nebeinye u bene foi yae nekayengko, na bere Rare kena buhae hewaufe walira na wauwau felebe mayae balekaube. Uwa olomombombe mo bembombe, na beme fomena mokowaube foi yoni-yoni benen mokombe. Mai uwa olomoiboi Reyae wamale hului omokoinya, Reyae mai bokore merele, oro bele isehere naeyele rambun hebele anuwaufa ufenende.

Wahyu 22:7

Eren, nana hesele bene nekenayete, Reyae na heki ban mo merele. Ro miyae nda homofaena a nuleungekokalere hakonate yo, onomi foka hubanainyende.

Wahyu 3:11

Reyae na heki ban mo merele. Hi yae ha yae mai wali hena bona me buhae einukeisai naeise, mare kelewayembe are me bobo ikilennekombe, nebei suluinye hakomembe.

Wahyu 3:19

Nde naei Reyae buhaere haemaele yo a elae ufemile, nane merau wali na mekai keleremile. Nebei aerene mai u bene harannebombe beko yoni-yoni mokaubera uwa olomombombe.

Wahyu 3:2

Nebei aerene annu! Foi yoni-yoni namman honayembe uwa elae molombo. Rabuhine ban Raei Allahle ro be ro yoinye Reyae eramale mai me u mokaube mbai sambai ehimaloiboi sele.