Wahyu 3:1 - Allahle a neme heteungekoke homofae

¹ “Sardisna jemaat na malaikatere nda wanen mae homone moloukonde: Nda a niyae Allahlena Roh mehine bee bele findelau mehine bee mene ikeleumi Kiyaelera. Mai kalia yoni-yoni mokaubere Reyae isaeyeubokale. Nebei mekai mokaubene, mayae no yaeube yo yae ro miyae hiwa elate erabae herauboke.

Wahyu 3:1 ပူးပေါင်းရင်းမြစ်များ

Lukas 15:24

Nda raei fa herekerabe benen waleuboke, eungundeubokerabe benen mende hubayekoke.’ Nebeinye yo koi yo bae yoloufake kowate.

Lukas 15:32

Amin waku yo koi yo bae komale hele. Wauwake herekerabe waleuboke, nundeubokerabe mandehubayeukoke.’ ”

Yohanes 1:16

Neyae ro miyaere kena buhae u buhae aere ban mae heumene, no ban hee ban aere foi mokoume.

Yohanes 1:33

Reyae isaeyeiboi nebei Kiyae nde. Nebeibe rare bu yae koremilere ukeufe Kiyae nda wanen mae ukeufe, ‘Weyae erele Allahle Roh onde ro mbai uwa ranne onsebenunde Kiyae, nebei Ro weyae bure kamae wanen mae ro miyaere Allahle Roh yae kommile.’ ”

Yohanes 20:22

Nebeisa eufou mauwoumi wa weumi, “Allahlena Roh yaroungko.

Yohanes 3:34

Allah ndare ukeunge meke Kiyae Allahlena ako faeuko mo weumile, rabuhine ban Allahle Roh na hibi-hibi nebei Kiyaere elae yae kiteyeunge.

Kisah 2:33

Nda hee Allah Naei kendan wameran meube reufine na bumane haungeboke. Allah are heteungekoke hului Naei Roh ikeunge. Aka naei baeke naei, mana mayae boraube nane merau eraube rambun, nebei Roh mbaibe mana Yesus yae maei uwane kiteumeboke.

Efesus 2:1

Mayae na bere hele here no unulu bele waheikoke wanen mae Allah bele wahaeukoke nekewaube, rabuhine ban Allah Naei a elewolere oboroiboi nane merau u mekai beko na hibi-hibi mokowaube.

Efesus 2:5

Allah Naei a elewolere eyae asasi kandeke aerene wahaendekoke nekewande hororebe, Allah mokoumeboke wali neme bele ro miyae imabonde naeise Wali Ondofolo Naei a elelere hila rabo halemale. Allah kena buhae aere ban mae hewombene mare hole molombokembe.

Kolose 2:13

Na bere mayae Allah bele wahaeukoke nekewaube, rabuhine ban beko bako na hibi-hibi mokowaubene. Mai u mekai beko ro uwa elande nensande mekai omokoiboibe, nebeibe Allah mare hakowombe. Naendae mekai horo mayae beko bako belebe, Allah Wali Ondofolore wali ikeunge heene, Allah nane merau mare wali ikembe. Aei beko bako mokowande Allah yae nda wanen faeinyeumeboke:

1 Timotius 5:6

Nebeibe miyae nannale mbai wali bekore kena haehae kole hului nekendena, wali nekende hororebe Allahle waheikoke, unulu here no bele waheikoke wanen.

Yakobus 2:26

Nebeinye nda ro miyae uwa nekande unulu banna, nebei ro miyae hereke. Nebei sului mbai aei hila rabo halaende me ban u banna, nebei hila rabo hereke.

1 Petrus 1:11

Wali Ondofolole Roh nebei yenjo kayaayo walora Yesusre beko enainyehubande naei bele nebeisa hili enainyehebende naei bele are nuleungekoke. Nebei mekai benate naeise nane merau makei yare enjembonde naeise isaeinyaibonde, neyae na hebaen-sebaen hamewainye.

Yudas 1:12

Kena buhae u buhaere hembe naei raman bulau mokoiboyaube hee, nebei ame-amere kelaeimi yo fe faeiboi ban mae mai nolone anate. ((Hekene hayaeimile ruka yoni-yoni nebei heke kuru-kuru ma mokainyele.)) Nebei wanen mbai ame-ame kelaeimi yo mai jemaat nolone nekate elate yae kalo helen imokowainye. Naei uware mo narate. Nebei yo a kaban huwatebe, nebeibe naei a faeu ro miyaere foise ebei. Nebei aerene naei u mekai nda wanen mbai: mangko alu boye yae haleiboyole faeyeungene yare owoyoi, nane merau kombo mahu meinyele ani mokate kulunne omokoi. O ha kala-kala nane merau kambura hekelaikoke wanen, nebei yo Allahre onewainye hee Allah bele wahaeikoke, nane merau isaeyaeinyeboke hee Allah bele wahaeikoke.

Wahyu 1:11

elele, “Weyae ijokore ereyae rambun yoni-yonire homofae mbainye moloukonde, nda jemaat mehine beere yeumikonde enate: Efesusre, Smirnare, Pergamusre, Tiatirare, Sardisre, Filadelfiare nane merau Laodikiare.”

Wahyu 1:16

Na me meube reufine findelau mehine bee bele ikileukoke. Neuwara ramiyaeli mbai reufira reufira ijoko bele na henengkaei sele meukuke. Na be yoi rainya hu inyukui wanen naeukoke.

Wahyu 1:20

Raei meube reufine ikileukokale findelau mehine bee bele oro bele isehere naeyele rambun emasra mokaiboke mehine bee bele ijokore ereukokae nda na mekai niyae: findelau mehine bee nebei jemaat mehine bee naei malaikat, oro bele isehere naeyele rambun mehine bee nebei jemaat mehine bee.”

Wahyu 1:4

Aka naei baeke naei Asia kanina jemaat mehine bee nekaube yo, reyae Yohanes ebeli bale Allah Hubalo Mando Kiyae bele Naei kendan wameran bene nekeyate Roh mehine bee bele nane merau Yesus Wali Ondofolo bele mare kena buhae aere ban mae henayemembe nane merau onomi foka rei mai yae ei haungayemembe.

Wahyu 2:13

Mayae nekaube anuwau Reyae isaeyeubokale. Walobo yun kendan wameran nekele yone nekaube. Nebeibe Raei rore bumane kaeuboke nekaube. Nane merau, Antipas, Raei wanale a huluinye isaeiwoumi kiyae mai yone, walobo yun neuboke anuwaunge, mai ijoko bene haiboke hee erewaube hororebe, mai hila rabo Rare kusei mahei ban halewaube.

Wahyu 2:19

Mai naeise nda rambunde Reyae isaeyeubokale: kalia yoni-yoni mokaube naei, kena buhae u buhae haeube naei, Rare hila rabo halaeufe naei, beko hubawaunge hororebe Raei a elalere hila rabo haleimeyaube naei, na bena kalia mokowaubera nda hee emekai bele mokaube naei.

Wahyu 2:2

Reyae isaeyeubokale foi yoni-yoni nane merau Raei kaliare mayae elaekei sele mokaube. Beko hubawaunge hororebe, Raei a elalere na hibi-hibi rabo haleimeyaubene, u mekai beko bele yore mayae ewaeisi. Nane merau Yesusle abu ako yae elate yore mayae umali hubaumikoke bae, naei ame-amere baete abe hubayaeukoke.

Wahyu 2:9

Reyae isaeyeubokale mayae beko na bune-bune hubaimeyaunge nane merau hun ban wai ban yaeuboke. Nebeibe naeinya hesele Allahle isaei hebaende mayae hun bele wai bele! Holo mbai nauware Yahudi ro miyae yae na ame-ame elate, erabae na hele walobo yunde ei molainyele holona yo. Mai ro fere mokonayembombere a beko mahi-mahi yae huwatere Raeisaei.

Wahyu 3:15

Mai kalia yoni-yoni mokaube Reyae isaeyeubokale. Mai u mekai nuku, naumere eleikoi. Reyae kena kale mayae naumebe nekaube, nebei banna nukube nekaube.

Wahyu 3:2

Nebei aerene annu! Foi yoni-yoni namman honayembe uwa elae molombo. Rabuhine ban Raei Allahle ro be ro yoinye Reyae eramale mai me u mokaube mbai sambai ehimaloiboi sele.

Wahyu 3:8

Mai kalia mokaube yoni-yoni Reyae isaeyeubokale. Eren, mai naeise romau rawembokamale hi yae ha yae ahuneiboi sului. Reyae isaeyeubokale mai uwa male u yambi u nekauberebe, nebeibe Raei elale are hakaube nane merau Raei Ro kenane ro miyae bene onaeufe a yae eleikoi mo.

Wahyu 4:5

Nebei kendan wameran mbai nendora wili bowole ku kaendolo rorole. Na kendan wameran bene i kaijeu mehine bee bolaiboke bate. Nda i kaijeu Allahle Roh mehine bee hele.

Wahyu 5:6

Nebeisa erale bae, nebei kendan wameran na nolone hele Domba Kelu naisake wanen hebele, Allahle yebaei bubaei keli nauwa obo yoku ma yo bele yoyo koseyo holona bele yanainyekoke. Nebei Domba Kelu na tanduk mehine bee, na ijoko mehine bee. Nebei niyae Allahle Roh mehine bee nda kani kela na hubara hubara ukeumi mekate yo.