Wahyu 21:6 - Allahle a neme heteungekoke homofae

⁶ Nebeisa elele, “Nanemene na hului yaeiboke. Reyae Yunani afaeunga huruf na bena kiyae Alfa bele na moinya kiyae Omega bele nekale, Hubalo Mando. Ro miyae nde nde bukire konate yo, Reyae nendon mae walire yeumi rotebu rileungera bu isende anensinde.

Wahyu 21:6 ပူးပေါင်းရင်းမြစ်များ

Yohanes 4:10

Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”

Yohanes 4:11

Nebei miyae yae weunge, “Tuhan, nda rotebu wauwau, Weyae bure rekonde mongkon u lonbe. Makeisa nebei walire yeumi bu rowele?

Yohanes 4:14

nebeibe Reyae isende bu anensinde Kiyae bukire ehubasi nekenende. Reyae isende bu yae anensindera nauwa einye bu no wanen yembonde, na hibi-hibi rilennende, wali hena bona hubannende.”

Roma 3:24

Nebeibe nda hee Allah ro miyaere kena buhae aere ban mae heumikokene Yesus Wali Ondofolole ha yae na bako bakore aheukoke baeufoke aerene, Naei a elelere hila rabo halenate ro miyaere Allah yae wali himalainyeboke yo yae me baemmile.

Roma 8:32

Allah Naei Kelu mbai ken sele eheraweiboi enekei nebeibe aei aerene kinyeumiboke lonbe. Nebei aerene Nangkele mbainye nekemale me u mokomale naei rambun yoni-yoni bele nane merau Naei Kelu bele yemmele hele.

1 Korintus 2:12

Allah yae nendon iwoume rambun yoni-yoni nanemene eyae isaeimabonde naeise, nda kani kelana wali beko nibine orate ro miyae naei isaei hebaen mae eyei, nebeibe Naei Rohbe ikeume.

1 Korintus 3:12

Yesus Wali Ondofolo aehure yeuboke, imae ainyuise hiwa yo emas yae ainyunuke, hiwa perak yae, permata yae, o yae, ke yae hun mae,

1 Korintus 3:21

Nebei aerene nda kani kelana isaei hebaende isaeyaeikoke yore hakaumilene, uwa ekaeijae hele. Wali Ondofolo bele mbainye nekaube yae nemene fomene mai rambunde yeuboke.

1 Korintus 3:5

Apolos nde? Reyae Paulus nde? Meyae Allahle yebaei bubaeise nekande, Allah yae ukeume hului uwayembe walora mayae Wali Ondofolore hila rabo halewaunge.

Wahyu 1:11

elele, “Weyae ijokore ereyae rambun yoni-yonire homofae mbainye moloukonde, nda jemaat mehine beere yeumikonde enate: Efesusre, Smirnare, Pergamusre, Tiatirare, Sardisre, Filadelfiare nane merau Laodikiare.”

Wahyu 1:17

Reyae be euwekale erekanale hee, Noro bene here no wanen bai yae oukoloukokale. Nebeisa Na me meube reufi raei uwa ranne raufike wa, elele, “Buhae ohokoijae! Reyae Hubalo Mando.

Wahyu 1:8

Tuhan Allah Nauwa naeise eleukoke, “Reyae Yunani afaeunge huruf na bene kiyae Alfa na moinya kiyae Omega bele ninae nekewole Kiyae, mekenekele Kiyae, nane merau mende Kiyae, nane merau Elaelo Wakelo.”

Wahyu 10:6

Allah wali huba haei ban nekele Kiyae nane merau kani kela bele bu yau bele kun wau bele neinya rambun bele mokoukokae Kiyaele Ro yae a holo kole wa elele, “Benen ya, oko enakeleisi sului.”

Wahyu 16:17

Nebeisa malaikat mehine bee nendo ebe einya rambun alu einye rileuboke. Reyae borale Allahre ei mom-mom imae na kendan wameran nuwelera a mbai elaekei nda wanen elele, “Nanemene na hului yaeiboke!”

Wahyu 22:13

Reyae Yunani afaeunge huruf na bena kiyae Alfa bele na moinye kiyae Omega yeubokale, Hubalo Mando, hengkelen raufikale Kiyae nane merau hubare erensalengkonde Kiyae.”

Wahyu 22:17

Allahle Roh bele miyae neme wainyeboke wanen Allahle jemaat bele elete, “Menne!” Borate ro miyae yae elenate, “Menne!” Ro miyae nde walire yemmile bu anensindere ki oyeungena, mai kena kaube hului me karo yae ren.

Wahyu 3:14

“Laodikiana jemaat na malaikatre homo nda wanen mae moloukonde: Nda a niyae Amin mae rainyeboke Ro, Allah weunge a hului yae nane merau na hele yae isaeyeumi Kiyae, Allah yae mokouboke rambun yoni-yonire mere mokoumi Kiyaelera.

Wahyu 7:17

Rabuhine ban kendan wameran nolone nekele Domba Kelu yae Naei be yun be yebae rore yembonde. Neyae nda yo yawemmibonde walire yemmi bu nore enate. Nane merau Allah nebei yo naei ijoko ibo inse emmihobengkonde.”