Wahyu 20:8 - Allahle a neme heteungekoke homofae

⁸ Nebeisa ende, nda kani kela na heme keline faeungekoke nekate yo yan Gog bele Magog bele kanina ame-ame yae wabemmile arilemmile, felare roronaikondere. Naei felayo na helen naubu buhaeinya ifau mere ebaeikoi sului wanen.

Wahyu 20:8 ပူးပေါင်းရင်းမြစ်များ

Ibrani 11:12

Nebei aerene rorelene kelu omi nuleiboise na hului ban elewatebe, nebeibe ro mbaisa yoho kaban heraeyeuboke. Na helen yakuna findelau helen nen buhaeinya ifau helen nen mere ebaeikoi sului.

Wahyu 12:9

Nebei alaka nendahina rami rorele mbai, walobo yoni-yoni naei yun kiyae. Na ro Setan, nda kani kela kabanda ro miyaere ame-amere wabeumi. Naei uwa bele na walobo yoni-yoni bele nda kani kelare hekelaikoke okate.

Wahyu 16:14

Nda yo walobolena nalire yaeiboke, rambun emere-emere mokate. Nebei nali name ekate ondofolo yoni-yoni nda kani kelana nanemene arilenaimihindere Allah Elaelo Wakelo Naei ya kaban a hokoukokene felare relenainyelere.

Wahyu 20:10

Obo yoku kiyae bele obo yoku bee nendo ame-ame keleumi yendo kayaalo kiyae bele hekelaikoke bumoko belerang bele i buloo-buloo bele benende mbainye walobo yun nebei felayore ame-amere beumiyeke kiyaere kainyehike. Nebei yo reniai rai no ban hee ban u buhae wa buhae nemmile konayende.

Wahyu 20:3

Nebei alaka wanen kiyae here a bulu na wauwau helene kainyehike. Nebei alaka nda ralo yakama 1.000 namman ebaeisoi yae benen ro miyaere wabemmile belene, nebei a bulu na wauwau hele ahunaiboke na ranne meterai ukate. Ralo yakama 1.000 baensonde mo ya na fofo hele nekengkonde naeise, benen hainyainyekonde.

Wahyu 7:1

Nebeisa reyae erale malaikat keli hele nda kani kela na huba keline hebaiboke. Neyae nda kani kelane, bu yaunge, o hane, nda kani kelana alu boye keli erawei naeise hunde ranainyehindere.