Wahyu 20:6 - Allahle a neme heteungekoke homofae

⁶ Ro miyae roko mbai nendo amminunde holona, na u mekai yolo-yolo hele yo, onomi foka yae hubanainyende. Here roko bee nendore neyae ehubaikoi, nebeibe Allah bele Wali Ondofolo bele Naei imam yoni-yonire inyaibonde, nane merau Wali Ondofolo bele nanembainye ralo yakama 1.000 me mokonaimikonde.

Wahyu 20:6 ပူးပေါင်းရင်းမြစ်များ

Lukas 14:15

Nebei nolora ro mbai Yesus a eleukoke boroukokene, weunge, “Ro miyae Allah Naei yo waku mende yane yawemmile raman bulau Nangkele mbainye enayanende yo, onomi foka hubanainyele.”

Roma 12:1

Aka naei baeke naei, Allah yanekoi yase yae ei haweumene, reyae moi huramale mauwa wali bele hili era akau era yolo-yolo wanen Allahre kinyennebo. Allah yae eleuboke wekeunge holona u mekai wanen mae nekembe. Nebei wali ma nekaube yae mayae na hele Allahre ei molaunge.

Roma 8:17

Eyae nebei ma nekemalena, nane merau Allah naei kelu omire imabondena, Allah are hetewounge Na me einya honate rambun aere emmewahendere, Wali Ondofolo bele mbainye emayaronde. Nane merau Wali Ondofolo one hengko bele yae kiteungeboke wanen mae aere kitemmebonde naeise, eyae Naeinya hului beko hubamande hele.

2 Timotius 2:12

Wali Ondofolole aerene weitasi kaimere kena yae heraumandena, Wali Ondofolo aengkele mbainye mere emamokonde. Wali Ondofolore onaenne yae emalendena, Wali Ondofolo aere oneume yae enelengkonde.

1 Petrus 2:9

Nebeibe mayae nebei wanen ban. Mayae Allahre onewaungene ouben hauben nolone nekewaube hee, Allah kaenengkokembe nebei walira maubaleke, Naei hehe foi sele nolone maweuboke. Ro miyae bene Allahre buma kaennele naeise, Allah mare elembokembe nda ma ro miyaere yembombere: Wali Ondofolole imam holona ro miyae, Allahre mo ei molainye yohona ro miyae, Naei holona hele ro miyae.

Wahyu 1:6

Nebeisa Neyae aere mokoumeboke Naeko Allahle imam yoni-yoni holona ro miyaere yaendeboke, Allahle me kelee u keleene nekemande, Naei kaliare mokomande. Nare mo hili hebenainyende nane merau rambun nanemene huba ban haei ban mae me mokommiyende. Amin.

Wahyu 14:13

Benen reyae borale surgara a ukeufe, “Nda homo moloiko, ro miyae nda heera Tuhande hila rabo halaeunge yae herenayende yo, onomi foka enainyehubande.” Allahle Roh yae elele, “Na hele. Nda yo me buhae inyemile naeise na kalia mokayekera no inyaibonde.”

Wahyu 2:11

Nda a boraube ro miyae, Allahle Roh yae jemaat-jemaatre weumi a huluinye ma wali nou hembo! Hila rabo bekore mokounge elaere melennehande ro miyae here roko bee nendo na beko enainyehubandere eisubayeikoi.

Wahyu 20:14

Nebeisa here bele nulu yo mahe yo bele bumoko i buloo-buloo belere hekelaikoke. Ndi bumoko i buloo-buloo bele here roko bee nendo niyae.

Wahyu 21:8

Nebeibe ro miyae fere faeyate yo, Wali Ondofolo Naei a elelere hila rabo ehalei yo, wali niki kombu mo yo, ro miyaere hoyate yo, yokore kaeimaere koyate yo, buloo aerere mokate yo, hoime bahere ei molaimi yo, ame-ame bele yo, nanemene bumoko belerang bele i buloo-buloo belene enaisayende. Nda here roko bee nendo niyae.”

Wahyu 22:5

Nebei yo yanne reniai ban, isehe bele hu hehe bele enaeikoi, rabuhine ban Tuhan Allah Nauwa inyukui yae nebei yore hehe naemmikonde. Nda ro miyae yae ondofolo wanen mae huba ban haei ban hiwa yore me mokonaimiyende.

Wahyu 22:7

Eren, nana hesele bene nekenayete, Reyae na heki ban mo merele. Ro miyae nda homofaena a nuleungekokalere hakonate yo, onomi foka hubanainyende.

Wahyu 3:21

Raei yokeijore meleumihakalene, Maekole kendan wameranne Rangkele rondeboke nekande. Nebei sului mbai hila rabo bekore mokounge elaere melennehande ro miyaere Reyae ehe koremikonde, Raei kendan wameranne Rangkele mbainye emarombonde.

Wahyu 5:10

Weyae nebei yo mokoumibokae aei Allahle me kelee u keleene nekenate yo holo yae nekenate nane merau Allahle kaliare mokonate naeise imam holona ro miyaere yaeiboke. Nebei ro miyae ondofolo wanen mae nda kani kelare me enaimimokonde.”