Wahyu 16:1 - Allahle a neme heteungekoke homofae

¹ Reyae borale a kaban sele Allahre ei mom-mom imae eisa malaikat mehine beere weumi, “Emene, Allahle romou han nebe mehine beene nda kani kela ranne rilengkombe.”

Wahyu 16:1 ပူးပေါင်းရင်းမြစ်များ

Wahyu 11:19

Nebeisa surgana Allahre ei mom-mom imae wewe moloukoke. Nebei imae einya Allah yae ikeumi Yahudi ro miyaere wali heere foloumikoke are hawaikoke anuwau yakauboke. Nebeisa wili weuboke, ku kaendolo rorowole no ban hee ban, nda kani kela oinyeu hinewole, nane merau ya es ruka wanen helen balewate.

Wahyu 14:15

Allahre ei mom-mom imaera malaikat hi meukuke, mangko ranna nuweuboke nekele Kiyaere a kaban mae kaeneunge, “Waei mena rame aweinyobo, rabuhine ban kani kelana nimaiboke yo helen selene, nane merau maluboise ya na hului yeubokene.”

Wahyu 14:18

Benen malaikat hi i yae wononde hili era akau erare ongkou felate itukaisa meke, nare nda kani i yae wonondere elae kinyeungeboke kiyae yae malaikat rame bele kiyaere weunge, “Wa mena rame aweinyobo! Nda kani kelana anggur ani na nora rurei, rabuhine ban ani nime yaeibokene.”

Wahyu 15:1

Nebeisa reyae erale yakune iwau hi kaban nane merau mahi. Malaikat mehine bee hele riyau ungaibonde naei yo bei yan bei mehine bee na mene ikilaikoke. Nebei yo bei yan bei yae Allah Na ikele han romou bele haneuboke kole riyaufe weungebondere.

Wahyu 16:17

Nebeisa malaikat mehine bee nendo ebe einya rambun alu einye rileuboke. Reyae borale Allahre ei mom-mom imae na kendan wameran nuwelera a mbai elaekei nda wanen elele, “Nanemene na hului yaeiboke!”