Wahyu 13:8 - Allahle a neme heteungekoke homofae

⁸ Nda kani kela mokouboke hee Allah yae wali hena bona enaijaronde ro miyae homofae mbainye moloukoke. Nebei homofae Domba Kelu naisake Kiyaele naei. Nebei homofaene ro omoloikoi ro miyae nemene nebei obo yokure ei molonainyele.

Wahyu 13:8 ပူးပေါင်းရင်းမြစ်များ

Matius 25:34

“Nebeisa Reyae Ondofolo Kiyae Ra meube reufina yore ufemile, ‘Maeko yae foi yoni-yoni ei haweimeyembe holona, men! Nda kani kela mokouboke heera, mai naeise yo waku mbai mokoungehakene emembo.

Lukas 10:20

Alo yoni-yoni mai ane borowayembe aerene reibe okoijae, nebeibe mai ro surgana homofaene molaikokene reibe kom.”

Yohanes 1:29

Ya heuboke mo, Yohanes erele Yesus naei bokore mele. Nebeinye hebate yore Yohanes yae weumi, “Erenne, ndi Kiyae Niyae Allahle Domba Kelu. Nda kani kelana ro miyae naei beko bakore faeinyeiboi naeise nda Kiyae mele naei wali yae kinyembondere.

Efesus 1:4

Nda kani kela namman omokoiboi yae Wali Ondofolo a weume hului nekemale naeise, Allah aere eleumeboke. Naei holona ro miyaere imabonde naeise, nane merau Naei ro be ro yoinye aei naeise a beko eleikoi sului naeise, aere eleumeboke. Allah kena buhae u buhae heimeyeume nane merau

Filipi 4:3

Sunsugos raei kalia mbaibe mokoyele kiyae ware riyawale, Euodiale Sintikhelere foi mokoneikondere weyae hakoumibonde. Hokolo bee bele Klemens bele ro miyae hiwa bele yae Wali Ondofololena a foi faeu foise huwammilere kalia elae hele rangkele mbainye mokandeke. Nebei yo naei ro wali henare enaijaronde homofaene molaikoke.

Titus 1:2

Neyae nebei ako faeuko hakonatena, na hului wali hena bona yaronatere rabo elaekei sele yae halenate. Allah ame-ame ebeyei. Nda kani kela omokoiboi heena Allah nda wali hena bona naei a eleukoke.

Wahyu 12:15

Nebei miyae uware rowende ende naeise rami kiyaele ((alaka)) neuwara bu wi bumae elae wanen roroungeboke.

Wahyu 13:12

Obo yoku mbai nendo kiyaele ro be ro yoinye naei anuwau elae wakere obo yoku bee nendo mokowole. Neyae waeli hele bewoumi nda kani kela einye ro miyae nanemene na bena obo yoku bauwau wae molowolene hereinyen-hereinyen kowolera nebeibe benen foise yeuboke kiyaere ei molonainyelere.

Wahyu 17:8

Nebei obo yoku eranae, bere wali nekewole nda hee hereke, nebeibe na heki ban mo here a bulu na wauwau helera menyakambonde, nebeisa Allah yae beko ennemokombonde. Nda kani kela mokouboke heene wali hena bona yaronaikonde ro miyae na ro homofaene molaikoke. Nebei obo yoku kiyaere benen yakambonde heene, nda kani kelana wali nekate ro miyae nane homofaene na ro omoloikoi yo fa yae bonate. Rabuhine ban na ijoko yae erenate nebei obo yoku kiyae bere wali nekewole nda hee enekei, nebeibe neyae benen menjakambonde.

Wahyu 21:27

Nebeibe u nene bele rambun eyeiboi sului nane merau ro miyae fere mokowaimi me u mokate yo bele ame-amere baete yo bele eise eyeiboi sului. Ro miyae na ro Domba Kelule wali hena bona yaronaikonde yo naei homofaene moloukoke yore mo ehe kommikonde nebei yo eise waemmihinde enayembonde.

Wahyu 3:10

Raei a eleukokale huluinye beko hubawaungele hororebe, no ban hee ban hakowaufe. Nebeinye nda kani kelana nekate yore umalire beko yae mennende hubanainyele heene, Reyae mare kayaa heberembe.

Wahyu 3:20

Eren, Reyae romau bene hebale me kaba-kaba bale. Ro miyae Raei faeuko borombonde nane merau romau rawembondena, Reyae erensinde hubayaekonde, nane merau Rangkele raman mbainye anale.

Wahyu 3:5

Hila rabo bekore mokounge elaere melennehande ro miyae nanembainye nebei malo keleumon ma mbai yae hirenainyekonde. Ro miyae wali hena bona enainyarongkonde rore molaikoke homofaera Reyae nebei yo naei ro eisobeikoi, nane merau Maekole ro be ro yoinye bele Naei malaikat yoni-yoni bene bele nebei yore ro eremironde.

Wahyu 5:12

A kaban lon mae na bulaunge wokainyele elate, “Domba Kelu haiboke Kiyae, Weyae yeisi raeiboi belene na mekai sele elae wake, kuikui maemae, isaei hebaen, meli mekai, be hinei-sinei, hili hebei-sebei, ro buma kaei-kaei, Ware mo kinyenete hakenete!”

Wahyu 5:13

Nebeisa reyae borale surgana, nda kani kelana, nulu yo mahe yona, naubu walaubuna, nda holona yo nanemene elate, “Kendan wameranna Kiyaere nane merau nebei Domba Kelure huba ban haei ban bumane kaenaimile, be hinenaimile, hili hebenaimile, elae wake bele nekebe!”

Wahyu 6:1

Nebeisa reyae erale nebei Domba Kelu yae meterai mehine bee baikoke mbai nendo kulaubokera, reyae borale Allahle yebaei bubaei keli nauwa obo yoku ma yo nolora na mbai nendo yae elele, “Mei!” Na elele kulun ku nele kulun wanen borale.