Wahyu 12:7 - Allahle a neme heteungekoke homofae

⁷ Nebeisa surgane buloo fela yeuboke. Malaikat kaban Mikhaellere hakainyekoke malaikat yoni-yoni bele alakalere hakainyekoke walobo bele felane relaeinye.

Wahyu 12:7 ပူးပေါင်းရင်းမြစ်များ

Matius 13:41

Reyae Allahle bokora mekale ro miyae uware yeubokale Kiyae malaikat yoni-yonire ufemile Raei me kelee u keleene nekate holona ro miyae nolora ro miyaere mokaimiyeke bekore mokonate yo nane merau me hila u hilare kayeke yo nanemene hele arilenaimihinde.

Matius 16:27

Rabuhine ban Reyae Allahle bokora mekale ro miyae uware yeubokale Kiyae Maeko naei one hengko hehe kaban bele einye na malaikat yoni-yoni bele surgara memale. Nebei hee yae Reyae ro miyaere na u mekai wa mekai mokowate huluinye isemile.

Matius 24:31

Raei malaikat yoni-yoni ufemile amin rannaibonde. Nebei malaikat yoni-yoni nda kani kela na huba kelina Allahle holone me baeuboke yore arilenaimile, huba hira ende huba hine.

Matius 25:41

“Nebeisa Reyae meli reufina yore ufemile, ‘Olomore nembokembe ro miyae, walobo yun na malaikat yoni-yoni belere mokainyehake na hibi mo i benende anuwaunge emembo.

Matius 26:53

Weyae waeisaei ban selene, Reyae na hului Maekore riyerensinde. Neyae Naei malaikat na helen 72.000 hului aei kayaare weumile mate.

2 Korintus 12:7

Rambun eme hele Allah kelewoufe aerene emekai bele uwa erekaende belene, raei uwane beko hubarende rambun ikeufe, isa uwa bulune neufele wanen. Rambun walobo yun mae ukeunge meke rare mokonsebonde u bulu wa bulu beko hubarendere.

Efesus 6:12

Rabuhine ban nda heena mere mokate walobo yoni-yoni bele eyae hande oibo-oibo ikowande, ro miyae bele ban. Nebei walobo yoni-yoni angken nuwei raka mahi-mahi nuwate. Neyae nda kani kelana Allahre onaeinyene ouben hauben nekate ro miyae walora naei elae yae mokate nane merau surgana yoni-yoni nolone na hibi-hibi beko mokatere releyainye.

2 Tesalonika 1:7

mangkele maengkele no emayembonde naeise, weitasi aere koyaime yo hee nemmihande. Nebei hee mbai aei Tuhan Yesus yakambonde i bulo-bulo eisa na malaikat-malaikat nelae wake bele surgara onate.

Ibrani 2:10

Allahle kena foise mokonnele naeise nemene fomene yaeiboke, nane merau Allahle elae wake walora nemene fomene yaeiboke. Allahle u mekai huluinye na mekai yae mokonnelene, Naei ukeunge meke ro miyaere hole molommile Kiyae wali hiyei ranembonde naeise, beko hubawounge.

2 Petrus 2:4

Allah yae beko bakore mokowate malaikat-malaikatre ehee bukulu hayeumikoke. Nare anuwau ouben hauben helene hayeukoke ha elaekei sele yae ikileumikoke, hebenayende Allah mere nommiyonde yane.

Yudas 1:9

Nebeibe malaikat Mikhael, neyae malaikat yoni-yoni naei be yun be yebae kiyaebe, Musale here no kenane walobo yun bele ane oyeiboke kilewote hee, walobo yunde me noyoi ferere a beko-beko yae be erabuleiboi ahuneiboi, nebeibe Mikhael yae weunge, “Tuhan Nenaeijae a elae yae horoneibote.”

Wahyu 12:8

Nebeibe alaka kiyaele holonare here waimibokene, nebei yo surgane anuwau ban yaeiboke.

Wahyu 12:9

Nebei alaka nendahina rami rorele mbai, walobo yoni-yoni naei yun kiyae. Na ro Setan, nda kani kela kabanda ro miyaere ame-amere wabeumi. Naei uwa bele na walobo yoni-yoni bele nda kani kelare hekelaikoke okate.

Wahyu 13:7

Yesus Naei eleuboke wekeumi ro miyae bele fela relenainyele, neyae melemmihande naei elae ikeunge. Nda kani kelana yoho yoni-yoni, afaeu yoni-yoni, kani kela yoni-yoni nemene mere mokommile naeise elae wake naei uwane kiteungeboke.

Wahyu 20:2

Alaka nendahina rami kiyae mbai nane mbai walobo yun Setan mae kaenainye kiyae ikileuboke rame ha yae wowo koungekoke ralo yakama 1.000 fonsebengkondere.