Wahyu 12:1 - Allahle a neme heteungekoke homofae

¹ Nebeisa surgane nda iwau kaban sele ma yakauboke: miyae mbai hu malo yae feleuboke, oko noro keleene, nane merau na yunne ondofolole fokoma wanen findelau me bee oro nen bee bele yanainyekoke.

Wahyu 12:1 ပူးပေါင်းရင်းမြစ်များ

Matius 12:38

Nebei hee yae Musale walora wali heere foloukoke isaeyaeiboke kelewaimi holona yo bele Farisi holona yo bele Yesusre wainye, “Guru, meyae kena hele kande Weyae rambun emere-emere mokoubonde eremabondere.”

Matius 24:30

“Reyae Allahle bokora mekale ro miyae uware yeubokale Kiyae benen merele hee yae, yakura Raei iwau yakambondera nda kani kela nanemene naei ro miyae ele kali rime ayan buyan konate. Rare erenaisele elae wake bele nane merau one hengko bele yae uwa kitensebonde yakuna mangko randa merele.

Markus 13:25

findelau yoni-yoni yakura balenate onate, yakuna elae wake Allah yae kusemmikonde.’

Lukas 21:11

Oinyeu kaban makei-makei nemene hinende, moni mai, yano o reu ha reu nenaisande ungayonde, era buloo mennende. Iwau beko bako mahi-mahi eme hele yakura benate erembe.

Lukas 21:25

“Hune, okone, findelaunge, nebeinye yen mengkolonde. Nau wala kulun mendene, nda kanina kelana ro miyae fe yae waku yae yarommikonde, onenate handanate.

Yohanes 3:29

Yohanes nda a wanen mae ahuneuboke, “Miyae neme weiboyainye nebei rore weiboyainye kiyaele miyae. Nebei ro naei kahili wafeu na bokone ayeufake hebele ro, nane ro neme miyae neme wainyeboke rei kole a boroukokene kena foi sele hubaunge. Nebei sului mbai reyae hubanale. Nda hee nebei Ro neme mekene Raei kena rei mai yae eufemeleke.

Kisah 2:19

Yakune Reyae iwau mahi-mahi keleremile nane merau iwau mahi-mahi hele Reyae nda kani kelane mokorele benate, ha bele, i bele, nane merau ongkou na kobane-kobane.

Roma 13:14

nebeibe Yesus Wali Ondofolo kena kole hului yae nekembe. Nebei yae mai wali einye ro miyae hiwa Yesusre erenainyele, Naei malo hireboube wanen. Mai bekore kena haehae kaubere ehakoiboijae nane merau u bene enekeijae!

Roma 3:22

Nebei wali nibi neme nda ma: Yesus Wali Ondofolo Naei a elelere Yahudi ro miyae bele Yahudi ban ro miyae bele hila rabo halaeinye ro miyae, Allah yae wali himalainyeboke yo yae me baemmile,

2 Korintus 11:2

Allah mai naeise kena me yae heyele wanen reyae mare kena me yae heyale. Rabuhine ban mayae raei maengke yele reyae mare Wali Ondofolore molone hambokamale wanenne, reyae kena kaban kale Neyae wembe a huluinye nekembe.

Galatia 3:27

Mayae Wali Ondofolore hakaungene bu kayengkokembe yo, Yesus bele mbainye oraube. Mai uware malo hiraukoke wanen mae Nangkele mbainye nekembe.

Galatia 4:26

Nebeibe Allah Abrahamde a heteungekoke a mbai nendo kiyae. Nda a mekai Allahle a elelere hila rabo halainye ro miyae yobuma Yerusalem mae kanainyele. Musale walora wali heere foloukoke naei yebaei bubaeise ebei. Nda ahuneuboke ahubane neyae aei nake miyae Sara wanen yeuboke.

Galatia 6:14

Reyae embei aikore kale mbai sele nda niyae: Yesus aei Wali Ondofolo, aei aerene hereke. Naei here walora nda kani kelana rambun yukaei yae elate rambunde raei kena eijoboi nekale. Nane merau reyae yukaei yae eranale rambunde nda kani kelana ro miyae ahi elate.

Efesus 5:32

Nebei ro naei miyae naei mokate u mekai a nunne honowate. Nebei wanen mbai Wali Ondofolo jemaatre Naei miyae wanen mae holeyeunge are nunne honate.

Wahyu 1:20

Raei meube reufine ikileukokale findelau mehine bee bele oro bele isehere naeyele rambun emasra mokaiboke mehine bee bele ijokore ereukokae nda na mekai niyae: findelau mehine bee nebei jemaat mehine bee naei malaikat, oro bele isehere naeyele rambun mehine bee nebei jemaat mehine bee.”

Wahyu 11:19

Nebeisa surgana Allahre ei mom-mom imae wewe moloukoke. Nebei imae einya Allah yae ikeumi Yahudi ro miyaere wali heere foloumikoke are hawaikoke anuwau yakauboke. Nebeisa wili weuboke, ku kaendolo rorowole no ban hee ban, nda kani kela oinyeu hinewole, nane merau ya es ruka wanen helen balewate.

Wahyu 12:3

Benen iwau hi surgane yakauboke. Eren, alaka mbai, hasai, nauwa kaban hele, na yun mehine bee, na tanduk me bee, na yun mehine beene ondofolo fokoma bele mo felaikoke.

Wahyu 15:1

Nebeisa reyae erale yakune iwau hi kaban nane merau mahi. Malaikat mehine bee hele riyau ungaibonde naei yo bei yan bei mehine bee na mene ikilaikoke. Nebei yo bei yan bei yae Allah Na ikele han romou bele haneuboke kole riyaufe weungebondere.

Wahyu 21:14

Nebei yo kaban yan kabande yanainyekoke ele hure ruka me bee oro nen bee bele ranne hebaimikoke. Nebei ruka ranne Domba Kelule abu ako ro yae molaikoke.

Wahyu 21:23

Nebei yo yan nolone hu bele oko bele na hehe enaeikoi, rabuhine ban Allahle u inyukui yae naeikoyele nane merau Domba Kelu Kiyae isehe wanen naemmile.