Wahyu 11:8 - Allahle a neme heteungekoke homofae

⁸ Na here no yo rore rainye nibi ekene hainyaikonde hononete. Nebei yo Sodom bele Mesir bele yo yae ahunenaibonde kaenewaimi, naei Tuhande ohalire baikoke anuwau mbai.

Wahyu 11:8 ပူးပေါင်းရင်းမြစ်များ

Matius 10:15

Reyae wamale, nana hesele Allah yae ro miyae mere nommiyonde yane Sodom yo bele Gomora yo belena ro miyae naei ehee bukulu foma-foma inyaibonde, nebei yo yoni-yoni honatena ro miyae naei ehee bukulu ehekaei sele kaenaibonde.

Kisah 9:4

Saulus ane ruke bele, borole a mbai nare weunge, “Saulus, Saulus! Rahe aerene Rare weitasi koimeyarae?”

Ibrani 13:12

Nebei mekai mbai Naei ha rileuboke yae mokommibonde ro miyae Allahre ei hauwainyele naeise, Yesus beko hubawounge. Ro miyaere wali himalainyeboke yo yae me baeyeumi nibi neme mokombonderene Yesus yo moinye haiboke, Yahudi era hena huluinye Allahre ongkoufe felembondere obo yoku folate nibi yae ban.

Ibrani 6:6

nebeisa Yesus Wali Ondofolore moi bulaeinyebokena, na hului ban sele nebei ro miyae a usaei ungainyekondera bensonde na beko bakora benen nulu kennebonde. Rabuhine ban nenaeijae Allahle Kelure benen ohaline bate wanen moibe bulaeinye nane merau mokainyeboke ro miyae bene fe mokoinye.

2 Petrus 2:6

Na bere hele, yo bee hele na ro Sodom bele Gomorah bele. Nebei yo bee na ro miyae me hilae u hilae nekai mokowate, wali niki bele nekewate. Na yane baei wali heere folaikoke are asasi kowate me u mokowate nolone wali himaloungeboke ro mbai nekewole, na ro Lot. Neyae nebei yo naei me u beko bakore ijoko yae erewekene, angkaei yae borowekene, kena beko kaban koweke. Allah nebei yo bee me nommiyoke, i yae woke beikoke ondowaise yeikoke. Allah yae Lotbe hole moloungeboke.

Yudas 1:7

Nebei sului mbai, nendahina Sodom yo bele Gomora yo bele na kelaeunga yo yoni-yoni honowate bele na ro miyae yoko kaeimae kowate nane merau ro na ro akobae bele miyae na miyae akobae bele uwa mbainye honowate. Nebei aerene Allah yae nebei yo nemene i yae woke beukoke. Nebei ro miyae iwaufe yaeiboke u mekai beko bele ro miyae hubara haeisa i ekebeikoi anuwaunge enainyerelende.

Wahyu 11:13

Nebei hee yae oinyeu kaban sele hineubokene, nebei yo kaban fo me beere keraiboke nane merau ro miyae 7000 heraiboke. Hiwa yo buhae hele hokoumibokene, Allah surgane nekele Kiyaere hili hebewainyele.

Wahyu 11:9

Yoho yoni-yonina, afaeu yoni-yonina, kani yoni-yonina, ro miyae nebei here no ya name bohi bele menaimirengkonde, enaimolongkonde naeise ehe okoikoinye.

Wahyu 14:20

Anggur ani oro yae nukate wanen nebei ro miyae yo moisa nukate nane merau nebei nukate anuwaufa ro miyaena ha bu ma rilele, na wauwau kuda imoli mokate ha, meter bee hului na ahau 300 kilometer.

Wahyu 14:8

Malaikat bee nendo na moisa nakeukoke mbai nendore neungeboke mo kaenele, “Kereufoke, Babel yo kaban yan kaban kereufoke ya! Neyae nda kani kelana ro miyaere mokowoumi nangkele yoko kaeimae kowate aerene u bene beko yaeiboke, bu elae aneisiyate wanen.”

Wahyu 16:19

Yo kaban reu namere baikoke nane merau kani hi hi naei yo yan otowate. Allah Babel yo kabande bene nekainye. Anggur bu kolaeinye rileuboke wanen mae Allah yae Naei ikele han romou bele roroukoke nebei yore ikeumi.

Wahyu 17:1

Malaikat mehine bee ebere mene ikilaikoke nolora hi raei bokore meke mo rare weufe, “Mei ndare yae, yoko miyae kaeimae miyae bu yoni-yoni ranne nekele kiyaere Allah yae ehee bukulu yennele naei reyae kelereibote.

Wahyu 17:18

Nebei yoko miyae kaeimae miyae ereungebokae, nebei niyae yo kaban nda kani kela ranna ondofolo yoni-yoni nekatere mere ikileuboke mokoumi kiyae.”

Wahyu 17:5

Na feline nda ro mbai yae molaikoke na mekai nunne honowole: babel ro ranneboke yo, miyae maengke yoko kaeimae kaiyeke yo bele nda kani kelana wali niki bele na no niyae.

Wahyu 18:10

Naei u buhae wa buhae nekeunge kole erate wanen mbai enainyehubandere fe waku konatene, nebei yo nahaufa hele hebenaibonde nda a kaenenate, “Yei, kabekokae ya, rore rayewekete Babel elae bele wake bele yo, rabuhine ban na hukai mbai sele ware mere nonowonde heebe yeubokene.”

Wahyu 18:18

Neyae nda yo kaban yan kaban i yae boloufike bele ongkou erenate hee, kali kaenenate elenate, “Yo hi mbai nda yo kaban wanen ehebei!”

Wahyu 18:2

Nebei malaikat a kaban don mae kaenele, “Keraisoke ya, Babel, rore rainyeke yo, keraisoke ya! Nda heera walobo yoni-yoni nebei yo anuwaunge nekenate nane merau enaelo yoni-yoni bele u nenere koi-koi aye yoni-yoni bele uware ahaeikoke nekate.

Wahyu 18:21

Nebeisa elae bele malaikat mbai ruka kaban sele mbai na kaban gandum hikinei-hikinei ruka ma hului kaeuboke naubu walaubure kaungehikera elele, “Nebei mekai niyae elaekei sele yae kannehindene, benende eisubayeikoi sului.

Wahyu 18:24

Allahle yenjo kayaayo naei ha bele Yesus Naei eleuboke wekeumi holona ro miyae naei ha bele nane merau nda kani kelane haikoke ro miyae nemene naei ha bele nebei yo einye hubayaeikoke aerene me nokete.”