Wahyu 11:17 - Allahle a neme heteungekoke homofae

¹⁷ na a bele wainye, “Tuhan Allah Elaelo Wakelo nda hee nekeyae, na bere nekeimeyae Kiyae, meyae helen foi ware wayete, rabuhine ban Waei elae wake kaban mae Ondofolo wanen mae huba raweuboke me mokoumile.

Wahyu 11:17 ပူးပေါင်းရင်းမြစ်များ

Matius 11:25

A weumikoke baeufoke heera Yesus nda mekai yae Naekore weunge, “Arai, bumana anare ikileubokae Ako, Ware mbaibe buma kaewale. Helen foi wawale, rabuhine ban Waei ako faeuko no nanemene isaei bele hebaen bele ro miyae naeisa nunne raufikae, nebeibe fa-fa wanen ro miyae isaei ban hebaen ban yore keleumibokae.

Lukas 10:21

Nebei hee mo Yesus Allahle Roh aungeboke yae rei nekai kowole elele, “Arai, kun wau na Tuhan, Reyae ware helen foi sele wawale, rabuhine ban Weyae nebei kelewamaele rambun isaei hebaen bera fae yae felewanae, nebeibe fa-fa u mekai wanen ro miyaere yakaimeyeumi, Waei kenare koyae huluinye.

Yohanes 11:41

Nane rukare mo wekainyele. Nebeisa Yesus na be yakure yae weuweke mo Naekore ebeline bounge, “Arai, helen foi sele wawale Weyae boroyaraene.

2 Korintus 2:14

((Paulus nekewole heena yokeijore meleumihake fela yun na felayo bele rore kaenainyele naeise, nebei yona ro miyae nolore homone aloiboyate oyorowate. Nebeinye oyorowate hee yae o ha fololo bele ongkou wae eisayeyaimi hanewate.)) Reyae Allahre helen foi wanale rabuhine ban Wali Ondofolole walora eyae Allahle yokeijore melammile nane merau Wali Ondofolole a foi faeu foi nebei ongkou fololo faeungekoke beele wanen a hire a hire huweyate.

2 Korintus 9:15

Allahre helen foi umande, rabuhine ban aere a yae faeu wae eyakaiboi sului rambunbe ikeume.

1 Timotius 1:12

Aei Tuhan Yesus Wali Ondofolo rare elae ikeufe Kiyaere helen foi sele wanale, rabuhine ban naendae mekai horo reyae Yesusre aukakare kowanale kiyae, Nare hakowainye holona yore weitasi koumiyekale, nane merau ro nansau nekewale, Allah rare yanekoi yase yae ei hawewoufe. Nebei hee reyae Yesusre hila rabo ehaleinye nebei yoni-yoni mokowalere onewale handawale. Naendae wanen horo reyae nda wali ma nekewale, Allah yae Naei a elelere hila rabo halaete yo yae erekeufe nane merau a ukeufe Naei kaliare mokorelere.

Wahyu 1:4

Aka naei baeke naei Asia kanina jemaat mehine bee nekaube yo, reyae Yohanes ebeli bale Allah Hubalo Mando Kiyae bele Naei kendan wameran bene nekeyate Roh mehine bee bele nane merau Yesus Wali Ondofolo bele mare kena buhae aere ban mae henayemembe nane merau onomi foka rei mai yae ei haungayemembe.

Wahyu 1:8

Tuhan Allah Nauwa naeise eleukoke, “Reyae Yunani afaeunge huruf na bene kiyae Alfa na moinya kiyae Omega bele ninae nekewole Kiyae, mekenekele Kiyae, nane merau mende Kiyae, nane merau Elaelo Wakelo.”

Wahyu 11:15

Nebeisa malaikat mehine bee nendo amin waku wanen rambun raneuboke surgane borale a elaekei sele elate, “Nda kani kela rande me mokoi-mokoise aei Tuhan nane merau aei Wali Ondofolole me einye kinyewainye. Neyae huba ban haei ban me mokommiyende.”

Wahyu 15:3

Nda yo Allahle yebaei bubaei Musa yae kowole bele Domba Kelu kowole bele koi bae kate, “Tuhan Allah Elaelo Wakelo, Waei me u mokowoyae kaban sele nane merau era mahi hele. Weyae kani kelana nemene naei Ondofolo mere mokoimeyamae. Waei wali nibi a na ijen sele nane merau na hele.

Wahyu 16:14

Nda yo walobolena nalire yaeiboke, rambun emere-emere mokate. Nebei nali name ekate ondofolo yoni-yoni nda kani kelana nanemene arilenaimihindere Allah Elaelo Wakelo Naei ya kaban a hokoukokene felare relenainyelere.

Wahyu 16:5

Reyae borale malaikat bu yoni-yoni mere ikileuboke kiyae elele, “Allah nekeyae, nekeumekae, nene waewae Kiyae, na ijen sele ro miyaere me noyamae,

Wahyu 16:7

Reyae borale hili era akau erare ongkou felate itukaisa elele, “Tuhan Allah Elaelo Wakelo, na hele yae nane merau na ijen mae Weyae ro miyaere me noyamae.”

Wahyu 18:8

Nebei aerene nda yo bei yan bei naei uwara na ya mbai sele mennende: here, kena beko u beko, moni mai. Nare inye wononde hukelembonde, rabuhine ban Tuhan Allah mere nonnonde Kiyae elae wake kaban belene.”

Wahyu 19:11

Nebeisa reyae erale surga wekainyele. Erale bae kuda keleumon mbai yakauboke. Helaukeungele kiyae na roallah weunge a huluinye nekele nane merauna hele. Buloo felane melesayeumi yore na ijen mae me noyoumi.

Wahyu 19:6

Nebeisa reyae borale ro miyae riya kaban naei a wanen, na kulun nauwala hayele bele ku kaendolo rorole bele kulun wanen a kali kaenate, “Allahre na bumane hele kaemande! Rabuhine ban aei Allah Elaelo Wakelo yae nda hee mere mokoumile.