Wahyu 1:9 - Allahle a neme heteungekoke homofae

⁹ Reyae Yohanes, mai aka baeke wanenne maengkele beko hubannele nane merau Yesusle me kelee u keleene nekande. Yesusle kalia mokandene beko hubannele hororebe, na hebaen-sebaen mae Yesus Naei a elelere na hibi-hibi hila rabo halemayende. Allah weufe a faeu bele nane merau Yesuslena a isaeyaemaele bele aerene rare Patmos yokobane aisewoke nekewale.

Wahyu 1:9 ပူးပေါင်းရင်းမြစ်များ

Matius 20:23

Nda beere Yesus weumi, “Nana hesele Reyae andehinde bu kolaeisa mayae aneisibe. Nebeibe Raei meline meubene ennekebe naeise Raei me einye ban. Nebei anuwau Maeko yae eleukoke ro miyaere yemmile naeise mokoungehake.”

Markus 10:39

Nda bee yae weinye, “Meyae na hului!” Yesus yae weumi, “Na helebe eleube, Reyae beko yae enaisemokonde u mekai mare enaimokobe, enaisehombonde wanen enaisokobe.

Yohanes 16:33

“Mayae rei mai onomi foka Raei einye enjarombe naeise Reyae nane a nanemene mare isaeyaemale. Nda kani kela einye me beko u beko hubannele, weitasi konayembe. Nebeibe mai kena u elae hebembe, rabuhine ban nda kani kela beko mere nulaiboke yo meleumihakamaele.”

Kisah 1:15

Ya mbai mewarileufike nekewate mo, (ro miyae Yesusre hila rabo halewainye yo rorele u mehine mbai bele (120) hului) Petrus are elendere aunguke,

Kisah 14:22

Nebei yona Yesusre hakainyekoke ro miyae na hila rabo aiminuke nane merau moi hurewaimi Yesuslena a elelere hila rabo halainyele wali ma yae nekenayende. Paulusle Barnabasle nebei yore weimi, “Yesusle me kelee u keleene nekate holonare emayembonde naeise beko helen hubamangkonde hele.”

Roma 8:17

Eyae nebei ma nekemalena, nane merau Allah naei kelu omire imabondena, Allah are hetewounge Na me einya honate rambun aere emmewahendere, Wali Ondofolo bele mbainye emayaronde. Nane merau Wali Ondofolo one hengko bele yae kiteungeboke wanen mae aere kitemmebonde naeise, eyae Naeinya hului beko hubamande hele.

Roma 8:25

Nebeibe eyae ijokore ereiboi rambunde emayaronde naeise rabo elae halemalene, aei kena u na hebaen-sebaen mae rakeimeyande.

2 Korintus 1:7

Meyae rabo elae halaende mayae na hibi-hibi Wali Ondofolore hila rabo halennembe, rabuhine ban meyae maeisaei nekande meyae kena beko hubanne huluibe mangkele hubaunge wanen mbai, Allah maei kena u hara roroume huluibe mai kena u hara roronembe.

Filipi 1:7

Na ijen sele mai naei rei mai bele raei u benera nekenaisende, rabuhine ban reyae mare kena buhae heimeyamalene. Kawane hebale hee bele moinye nekewale hee bele Yesuslena a foi faeu foise hole molowanale nane merau a elae wamaele nebei a na hele yeuboke. Nebei mokale bele mayae nanemene rare hakowaufe. Allah rare kena buhae aere ban mae heyeufe wanen mbai Neyae mare heyembe.

Filipi 4:14

Nebeibe raei uwana kalore molowoufe hibe mayae fomaufebokene, u mekai foi selebe mokauboke yae hubanale.

2 Tesalonika 3:5

Meyae ebeli boyannele aei Tuhan Yesus kelenembe Allah mare kena buhae heyembe naeise, nane merau mokonembe Yesus a wembe hului hakonnembe, Neyae Allah a weunge hului na hibi-hibi hakoyele wanen mbai.

2 Timotius 1:8

Nebeinye aei Tuhan Yesus Naei a yakaiboi naeise fe ehubaijae. Allah aere hole moloumeboke nane merau kaeneumekoke u mekai yolo-yolo bele nekemayende. Aei me u foi mokandebokene ban, nana hesele Nenaeijae haraungeboke huluinye nane merau aere kena buhae aere ban mae hemmele aerene Allah nebei me u foi mokouboke. Nda kani kela omokoiboi heena Allah yae meraufe raungehike Yesus Wali Ondofolo aere na kena buhae aere ban mae hemmele. Nda hee Yesus Wali Ondofolo aei walilo meke, here elae ban mokoungeboke, nane merau Naei a foi faeu foi walora wali hena bona nibi yakaumeboke. Nda wanen mae Allah aere kena buhae hewoume. Nebei a foi faeu foi hufemiyenderene nane merau keleremiyenderene Allah rare eleufeboke naei abu akore yeubokale. Nebei aerene reyae beko hubanale nane merau kawane bele haeisekoke. Nebeibe reyae fere ehubai, rabuhine ban reyae Yesusre roungebokanale, Nare hila rabo halaenale. Reyae isaeyeubokale Naei kinyeufeboke hufemile Wali Ondofolole wali nibi are Yesus na hului hole molonnele, Neyae bensonde mende yane. Yesusle aerene rare kawana haeisekoke eraufene fe okoijae. Allahlena elae yae yeume walora reyae huwale wanen mbai, weyae Tuhan Yesusle a foi faeu foi huwele naendae wanen horo ro hi miyae hi beko mokonayete.

Ibrani 10:36

Allah kena kole hului mokongkombera Naei are heteungekoke foi yoni-yoni enjarombe naeise, mai kenane herawemembe Wali Ondofolo wembe a huluinye mokomembe.

1 Petrus 5:1

Reyae Yesus Wali Ondofolo beko hubawoungere ijoko yae ereubokale, nane merau Yesus mende heene reyae nanembainye nene waewaere isebonde. Reyae mangkele mbainya be yun be yebae hebate holona ro mbai nekale yae mayae jemaat u nolo u kainye be yun be yebae hebate yo holore nda a wamale:

Wahyu 1:1

Nda homofaene Yesus Wali Ondofolole naeise. Allah Naei kaliare mokate yore na heki ban mo benate rambunde kelemmibonde naeise, Allah yae nebei benate yoni-yoni Yesusre yakaungeboke. Yesus yae Na malaikatre ukeunge reyae Yohanes Naei kaliare mokale kiyaele bokore meke, nebei yoni-yoni benatere isaeyensebondere.

Wahyu 1:2

Allahle a faeu bele Yesus Wali Ondofolo Naei uwa naei a bele reyae kanewale yoni-yoni nanemene isaeyaemaele.

Wahyu 1:4

Aka naei baeke naei Asia kanina jemaat mehine bee nekaube yo, reyae Yohanes ebeli bale Allah Hubalo Mando Kiyae bele Naei kendan wameran bene nekeyate Roh mehine bee bele nane merau Yesus Wali Ondofolo bele mare kena buhae aere ban mae henayemembe nane merau onomi foka rei mai yae ei haungayemembe.

Wahyu 1:6

Nebeisa Neyae aere mokoumeboke Naeko Allahle imam yoni-yoni holona ro miyaere yaendeboke, Allahle me kelee u keleene nekemande, Naei kaliare mokomande. Nare mo hili hebenainyende nane merau rambun nanemene huba ban haei ban mae me mokommiyende. Amin.

Wahyu 11:7

Nebei ro bee Allahle Roh weumi a naeise ro miyae hiware isaeinyeimile baensondera, na wauwau hele a bulura obo yoku kiyae yakambonde bele buloo fela relenainyekonde nebei yore melemmihande, na beene hongkonde.

Wahyu 12:11

Aei aka baeke wa yae ahumbo-ahumbo koumiyeke kiyaere Domba Kelule ha yae bele Naei naeise are isaeiwaimi bele yae meleumihake. Rabuhine ban naei wali buhaere eheikoi ban mae isaeiwaimine.

Wahyu 12:17

Alaka nebei miyaere ikele hele kowounge. Naei orona mena hiwa Allahle a weumire hubara haeisa yaneyainye ro miyae Yesuslena isaeyaeimi yore bele habelekeumi buloo fela relaeinye.

Wahyu 13:10

Ro miyae nde kawane enainyahengkonde naeise hului rainyehikena, nebei kiyae kawane enainyahengkonde hele. Nde ramiyaeli yae honaibonde naeise hului rainyehikena, ramiyaeli yae honaibonde hele. Nebeinye mayae Yesus Naei elembokembe wekembe ro miyae beko hubanayembe hororebe, mai kena ure herawembe nane merau Wali Ondofolo Naei a elelere na hibi-hibi hila rabo halennele.

Wahyu 14:12

Nebei aerene mayae Yesus Naei eleubokembe wekembe ro miyae Neyae ukembe are hubara haeisa yaneyaunge nane merau Yesus Naei a elelere hila rabo haleyaube yo beko hubanayembe hororebe, mai kena ube herawembe.

Wahyu 19:10

Nebei malaikat noro bene reyae be are nekale nare ei molorendere, nebeibe rare weufe, “Ae, nebei mekai omokoijae! Reyae waeinya wanen mbai Allahle yebaei bubaei nane merau waei aka baeke Yesuslena are isaeinyaimile yo bele na hului mbai. Allahre mo ei moloungele! Rabuhine ban Yesuslena isaeyaimi a faeu nanembai Allahle Roh ro miyae walora huwate a faeu.”

Wahyu 20:4

Nane merau kendan wameran hiwabe reyae eramaele. Nebei ranne nekate yore ro miyae hiwa naei walire hului kolonaimikonde elae kinyeumiboke. Reyae eramaele Yesuslena a isaeiwaimi aerene bele Allahle ako faeuko huwaimi aerene bele na yun folowate yo naei unulube eramaele. Nebei ro miyae nda obo yoku bele na be yoi ma mokaiboke rambun belere ei omoloi nekewate yo, na ro nomor feline mene obokoi yo. Nda yo benen maiwaleuboke ondofolo wanen yaeiboke ralo yakama 1.000 Wali Ondofolo bele nanembainye mere menaimokongkondere.

Wahyu 3:10

Raei a eleukokale huluinye beko hubawaungele hororebe, no ban hee ban hakowaufe. Nebeinye nda kani kelana nekate yore umalire beko yae mennende hubanainyele heene, Reyae mare kayaa heberembe.

Wahyu 6:9

Domba Kelu meterai maehae mbai nendo kulaibokera, reyae erale hili era akau erare ongkou felate itukai na keleene unulu helen erale. Nebei yo Allahle ako faeuko aerene nane merau nebei ako faeukore huwewate aerene howate.

Wahyu 7:14

Reyae wanale, “Tuhan Wembai Waeisaei sele.” Nebeisa rare weufe, “Nda yo weitasi kowaimi mon nolora mate, na malo keleumon yeiboise Domba Kelu ha yae kuyaikoke.