Titus 1:7 - Allahle a neme heteungekoke homofae

⁷ Jemaat naei kayaare hebele kiyae hiwa yo naei walire a bekore elei sului, rabuhine ban Allahle kaliare neyae mokonderene. Naei u mekai nda wanen: ukaei ban, ikele walaa-walaa ban, bu elae mali ban, han muli ban, rambun ame-ame yae arilei-arileise arileyei.

Titus 1:7 ပူးပေါင်းရင်းမြစ်များ

Matius 24:45

Benen Yesus a ahuneuboke weumi, “Yebaei bubaei na ijenne nekeyele, isaei hebaen bele ma yae uwa haraungeboke kiyae, na rowa yae yunde kaeuboke nekewole, nebei imae einya kalia mokate ro miyaere raman na huluinye yemmile anenatere naeise.

Lukas 12:42

Nebeibe Yesus yae beufoke weunge, “Abu ako na rowa a weunge huluinye imokowole nane merau isaei hebaen bele ma yae uwa haraungeboke kiyae na rowa yae kaeiboyole yunde yeiboyole. Nda ro yae yebaei bubaei hiwa yore raman yeumi na hu huluinye aneikoyate.

Efesus 5:18

Mayae keu bu mali okoijae, rabuhine ban nebei keu bu mare beko mokonembombe. Nebeibe mai uwa waennehimbe Allahle Roh yae ei anembombe, Naei me kelee u keleene nekembe.

Filipi 1:1

Mai onomi foka Filipi yona Yesus Naei elembokembe wekembe holona yo. Mayae jemaat be yun be yebaere hebaube yo bele jemaat kaliare mokaube yo bele nane merau Yesus Wali Ondofolore hila rabo halaube ro miyae hosoro bele. Meyae bee Paulusle Timotiusle Yesus Wali Ondofolole yebaei bubaeise yendeboke mare ro melaeyayembe.

Titus 1:5

Kreta yokobane ware nukeubokawale, nebei yokobana huba omokoikoi kaliare hiyei raneubonde naeise, nane merau nebei yo yoni-yoni honatena jemaat naei be yun be yebae hebenate yo eleumikonde naeise, reyae keleukokawale wanen mae mokoukonde.

Titus 2:3

Be hokolona miyae-miyaere nebei sului mbai jae nda a keleumile: na wali Yesusre ei moloyainye wanen mae nekenate, ro miyae hiwa yo naei naeise a nene a hufuu ehuweijae, bu elae mali okoyei, foise mo kelenaimile. Nebei mekai yaere nebei miyae wa na hului miyae-miyae hokolore nda wali foise a kelenaimile yaungaimile: na molo ware na fa-fare kena buhae henaimile, na u bene foi yae mo mokonate, u beko omokoyei, imae einya kaliare foi mokonate, na kena u nime haba nekenate, na molo wa naei a kelee faeu keleene nekenayende. Nebei u mekai jae mokonatena, ro miyae hiwa yo yae Allahle ako faeukore aukaka okoyei.

1 Petrus 4:10

Allah yae aere ban mae ikembe meli mekai na mane-mane maise naeise Allahle a wembe huluinye eisako meisako yae hakomembe. Allah nebei mokombe walora nemene naei foise ro miyaere waheumi.

1 Petrus 5:2

Allah yae kaenewoumi holona ro miyae mare kinyewombe yore kena rei mai yae holembe narembe. Mokommile hele ma ban, nebeibe mayae kena kaube ma yae naremmile, Allah kenare kole huluinye. Nebei yo naeinya rambunde abunele naei ma yae kalia eharaiboi omokoijae, nebeibe ei haweumilere kena kaban kaube ma yae haraungebonde.

2 Petrus 2:10

Nda holore na bereise ehee bukulu yemmile: ro miyae naei bekore kena haehae koyatere na hibi-hibi hakoyate yo bele, na yun-jun holona a waimire moi yae buleyaimi yo bele. Ame-amere kelaeimi yo ukaei selene buhae hokoiboi ban surgana malaikat yoni-yonire aukaka koyaimi.