Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Titus 1:1 - Allahle a neme heteungekoke homofae

1 Onomi foka Titus, raei kelu wanen kiyae. Reyae Paulus, Allah yae eleufeboke Naei kaliare mokorelere nane merau Yesusle abu akore isebondere. Allah ukeufe Naei eleukoke ro miyaere yaufemibonde Yesusre hila rabo halenainyele naeise, nane merau nebei ro miyaere Wali Ondofolole na hele wali nibi a isaeisemile naei wali Allah na kenare kole huluinye nekenate naeise.

အခန်းကိုကြည့်ပါ။ ကော်ပီ




Titus 1:1
23 ပူးပေါင်းရင်းမြစ်များ  

Naendae wanen, Allah Naei eleuboke wekeumi ro miyae nebei wanen reniai rai hileiko-hileiko kainyeweube yore ehakoiboi? Hakoiboi naeise wahenare, ya hendere yae wemmile?


Yahudi ban ro miyae nebei are borokate hee, rei aumiboke kowate Tuhan Yesuslena ako faeuko na hele elewate. Nebei ro miyae Allah a hokoukoke hului wali hena bonare enaijaronde yo, Yesusre hila rabo halewainye.


Onomi foka, aka naei baeke naei Roma yona nekaube. Reyae Paulus, Wali Ondofolole kaliare mokale kiyae, nda homo moloukokale. Allah yae rare kaeneufekoke Yesus Wali Ondofolole abu akore yeubokale nane merau eleufeboke Naei a foi faeu foi ukeufere hufemilere.


Onomi foka, Allahle jemaat Korintus yona bele Akhaya kanina Yesus Naei eleuboke wekeumi holona yo bele. Reyae Paulus, Allah kena koukoke huluinye Yesus Wali Ondofolole abu akore yeubokale kiyae bele aei aka baeke Timotius bele mare ro melaeyayembe.


Allah na kena buhae aere ban mae hewombe yae Yesus Wali Ondofolo Naei a elelere hila rabo halaeunge walora mai wali hole molombokembe. Nebei rambun Allah Nenaeijae mokouboke, mai me u mokowaubene ban.


Mai onomi foka Filipi yona Yesus Naei elembokembe wekembe holona yo. Mayae jemaat be yun be yebaere hebaube yo bele jemaat kaliare mokaube yo bele nane merau Yesus Wali Ondofolore hila rabo halaube ro miyae hosoro bele. Meyae bee Paulusle Timotiusle Yesus Wali Ondofolole yebaei bubaeise yendeboke mare ro melaeyayembe.


Nebei ro miyae na hului Allahle a nunna honaimeke, Wali Ondofololena a, na foi yae isaeinyaibondere nane merau nebei isaei hebaen hului nekenatene foi hubanainyende naeise, reyae merau haraungebokale naeise naeise u bene wa bene mbai yae kena buhae u buhae henate walora na kena u hara roronate.


Allah Naei kena kole ro miyae nanemene hole emmimolombondere nane merau Wali Ondofolole na hele wali nibire isaeinyaibonde.


Nana hesele Yesus Wali Ondofolo Allah kenare kole hului mo nekewole nibi nunne honole. Yesus nda wali ma nekewole: Naei uwa yakaiboise ro miyae uwa yae yakaumeboke, Allahle Roh yae Neyae Allahlera mekere a yae eleukoke, Malaikat yae Nauware ijoko ereungeboke, nda kani kelana ro miyae Allahre oroiboi yo nolone Naei are huwewaimi, ro miyae nda kani kelana Nare hila rabo halewainye, Allah Nare kaeuboke nene waewae bele anuwaunge eungehauboke.


Ro miyae hi aei Tuhan Yesus Wali Ondofololena kelewoume a usaei wasaeise nane merau Naei wali nibi are na hele ban elendena, nane merau a ame-ame yae kelemmilena,


Allah yae a hokoukoke Yesus Wali Ondofolo yae yeumi wali hena bona enaiyaronde ro miyae naeise nda beko hubanalere kena yae herawale. Nebei ro miyae huba ban haei ban buma kaenaimiyende.


A kobu-kobu naeise a ekileijae. Rabuhine ban waeisaei sele nebei a kobu-kobu kilenatera hande na hului honate.


Neyae keleumi are na hele ban elate ro miyaere naei kena nime haba yae a usaei waeisaei kelemmile. Rabo haleyae nebei ro miyaere Allah kena kommikondena na u mekai beko mokowatera mon yemmile nulu kenainyebonde, Wali Ondofolole na hele wali nibi a isaeinyaibonde,


Onomi foka mayae yoho me bee oro nen bee bele yo hi yan hine faeungekoke nekeyaube yore. Reyae Yakobus, Allahle Tuhan Yesus Wali Ondofolole yebaei bubaei yae, ro melaeyamale.


Allahle elae wake huluinye Nare ranneboke walora eyae na hului wali hena bona u mekai hubamande nane merau Naei kenare kole hului mokomale. Neyae nene waewae bele nane merau u mekai foi sele Kiyae yae aere kaeneumekoke Naei holona ro miyaere imabondere.


Mana mayae Allah merau raungehike Yesus benen mende yare rei mai yae rakeyaunge. Allahle holona wali ma mo nekemembe, Naei kenare kolere mo mokomembe, rabuhine ban nemene Allah beko mokonnebonde, kun waufe i yae wononde bengkonde, mokouboke rambun no yoni-yoni i naumene hibonaikonde.


Nde yae Yesusre Naeko Allah yae eleuboke Wali Ondofolo ban mae elendena, nebei kiyae Ako Allah nangkele mbainye enekei. Nebeibe Yesusre Naeko Allah yae eleuboke Wali Ondofolore oro umau heraweungeboke Kiyaere na hele elendena, nebei kiyae Ako Allah nangkele mbainye nekete.


Nda homofaene Yesus Wali Ondofolole naeise. Allah Naei kaliare mokate yore na heki ban mo benate rambunde kelemmibonde naeise, Allah yae nebei benate yoni-yoni Yesusre yakaungeboke. Yesus yae Na malaikatre ukeunge reyae Yohanes Naei kaliare mokale kiyaele bokore meke, nebei yoni-yoni benatere isaeyensebondere.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ