Roma 7:12 - Allahle a neme heteungekoke homofae

¹² Allahre kena foise mokomande u mekai naeise Musale walora wali heere foloukoke a yae kelaeimene, nebei a Allahlera nane merau nane rambunde kena haehae kate naei a Allahlera. Nebei a bee na ijen sele nane merau foi.

Roma 7:12 ပူးပေါင်းရင်းမြစ်များ

Roma 12:2

Nda kani kelana wali beko nibire ehakoijae, nebeibe Allahre waennehimbe mai u bene nekenayembe neme yae mokonembombe. Nebei mekai yaere mayae isaeyembombe rahe me u mokonnelere Allah kena kole. Nane merau Allahle foi yoni-yoni belere Na kena foise mokonnele yoni-yoni belere wali ijen mae nekembe nibi belere mayae isaeyembombe.

Roma 3:31

Naendae mekai, meyae nebei wali himalainyeboke yo yae me baemmile nibi neme yae Musale walora wali heere folaikokere rabuhi ban elande? Nebei mekai ban. Meyae nebei wali heere folaikokere na hele elande.

Roma 7:14

Eyae aeisaei Musale walora wali heere foloukoke a Allahle Rohra meke, nebeibe reyae ro miyae melen u ha ura yeubokale nane merau raei bekore kena kalere haraufe elae naei yebaei bubaeise wanen nekale.

Roma 7:16

Nebeinye reyae kenare okoi u mekai beko eimokowalena, reyae wo kale Musale walora wali heere foloukokere foi yae. Rabuhine ban nebei wali heere foloukoke hului nebei me u bekore yeuboke are reyae be hinale.

1 Timotius 1:8

Eyae isaeyaendeboke Musale walora wali heere foloukoke a na meli mekai yae mokomalena, na foi bele.