Roma 5:7 - Allahle a neme heteungekoke homofae

⁷ Yabi-yabi hele ro miyae wali himalainyeboke yo aerene herende naeise ehe konde. Na hului roko mbemba hele ro miyae u mekai foi bele mokole kiyaele aerene ro miyae mbai be rabulembonde herende.

Roma 5:7 ပူးပေါင်းရင်းမြစ်များ

Matius 13:15

Rabuhine ban, nda ro miyae na kena ruka-ruka yaeiboke, angkaei kokun yaeiboke, ijoko nambai kunaikoke. Neyae kena okoi ijoko yae enayerembonde, naei angkaei yae enaiborombonde, naei kenara enaisaeyembonde, wali enainyeharambonde nebeisa Rare waenaisehinde naei u mekaise onomi isemilere.’ ”

Yohanes 15:13

Ro miyae mbai na kena buhae emekai bele kiyae, kena buhaere heumi holona yo aerene naei walire hole omoloi.

Kisah 11:24

Nda Barnabas na u mekai foi sele nane merau Allahle Roh yae maemae koungekoke. Yesus Naei a elelere na hibi-hibi hila rabo hele halewolene. Nebei yona ro miyae helen sele yaweumiboke Yesusre hila rabo halenainyelere.

Roma 16:4

Rare holere molonaisebondere naei uware erabuhi ban mae hubawainye. Nebei yo hakaisebokere helen foi weise reyae mo ban, aei aka baeke wa Yahudi ban ro miyae nanemene waimi.

Roma 5:6

Na helebe wamale, aei wali aloiboi sului nekewande hee, Allah meraufe raungehike ya na hului yeubokene eyae, Allahle are ei ehawei ro miyae aerene, Yesus Wali Ondofolo meufereke.

Roma 5:8

Nebeibe Allah aere kena buhae hemmele naeise nda nibi yae keleumeboke: Eyae u mekai beko yae namman aeumefoke hurewande hee, Yesus Wali Ondofolore ukeunge aei aerene meufereke.

1 Yohanes 3:16

Kena buhae u buhae hei-seise nda u mekai yae isaeimabonde: Yesus Wali Ondofolo aei aerene Naei wali kinyeumiboke. Nebei aerene aei wali nebei sului mbai aei aka baeke aerene relemande.