Roma 2:7 - Allahle a neme heteungekoke homofae

⁷ Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

Roma 2:7 ပူးပေါင်းရင်းမြစ်များ

Matius 25:46

“Nda yo ehee bukulu hubanainyendere ele kali no ban hee ban anuwaunge enayembonde. Nebeibe ro miyae wali himalainyeboke holona wali hena bona nekenayende.”

Lukas 21:19

Rare hila rabo halensemembe walora wali hena bona hubayengkombe.

Lukas 8:15

“Kani foi kela foinye baleyate yo nebei niyae nebei a faeufe borowate ro miyae na kena u yolo-yolo bele, na hibi-hibi hila rabo halenayende, nebei a hului nekenate, ani nime bele mokowate.”

Yohanes 4:36

Nda hee anire maluwate yo na roibu yarate. Naei hokate rambun wali hena bonare enaiyaronde ro miyae. Nebei mekai yaere Allahle wali nibi kelaeimi ro miyae nemene rei mai konate. Neyae bolure molate yo bele anire maluwate yo bele wanen yaeiboke.

Yohanes 5:44

Mayae Rare hila rabo ehalei sului, rabuhine ban ro miyae mai uware kaenayembe naeise baeyaube nebeibe Allah Hubalo Mando uwa kaenembe naeise ebaeyei.

Roma 2:10

Nebeibe u mekai foise mokayeke ro miyaere uwa emmikaende, be emmihinende, rei mai emmiyende, na bereise Yahudi ro miyaere nane merau Yahudi ban ro miyaere,

Roma 6:23

U mekai beko mokoyate ro miyae Allah bele wahenaikonde huba ban haei ban nekenayende, here no unulu bele wahaeikoke wanen, nebeibe Allah yae aei Tuhan Yesus Wali Ondofolo bele mbainye nekate ro miyaere wali hena bona u mekai hubainye.

Roma 8:18

Reyae hubanale nda heena beko hubannele bele wali one hengko aere emmekelembonde bele huluise erasi.

Roma 9:23

Eyae Yahudi ro miyaere nane merau Yahudi ban ro miyae, Allah yanekoi yase yae ei haweyeume yore, Allah mokoumehake one hengko bele surgane emanekende yore Naei one hengko emekai bele kelemmebondere. Nebeibe bekore mokate yore Allah kena u heraweyele yae mokommile walora Naei one hengkore keleyeume.

1 Korintus 15:42

Herewate ro miyae nulu yora mahe yora anainyunde yo naei uwa nebei mekai. A bulune molaisake uwa kakare enjembonde kiyae, nebeibe nulu yo mahe yora annununde uwa kakare eijeiboi kiyae.

1 Korintus 15:50

Aka naei baeke naei, reyae nda a wamale, Eyae nda uwa melen u ha u yae Allah are heteungekoke Naei holona ro miyaere yemmikonde rambun yoni-yonire ehubaikoi sului. Nane merau kakare enaibende uwa kakare eibei rambunde erowei sului.

1 Korintus 15:58

Nebeinye, kena buhae haemale aka baeke, kena u me bobo yae Wali Ondofolore hila rabo halembe. Tuhan wembe a huluinye na hibi-hibi Naei kaliare mokombe, rabuhine ban maisaei nekaube mai kalia mokaubere foi benate.

Galatia 6:9

Me foi u foise no ban hee ban mokomande nane merau rilibo ehayeijae. Rabuhine ban na hibi mo mokomalena, ya mbai mendene eyae na ani hokomale.

Efesus 6:24

Reyae ebeli banale mayae nanemenere, aei Tuhan Yesus Wali Ondofolore na hibi-hibi kena buhae yae haeunge yore, Allah kena buhae aere ban mae henemembe.

Kolose 1:27

Allah merau raungehike Yahudi yo bele Yahudi ban yo bele na hului nda nunna honaimeke ako faeuko isaeinyaibonde, naei wali einye foi moi mokommiyende. Nebei ako faeuko Wali Ondofolo na bumane hele Kiyae naeise, na nore beunguke nda niyae: Wali Ondofolo mangkele nekembene, mayae na hului rabo elae halembe Naei nene waewaere mayae hubannele.

1 Timotius 1:17

Mana raei kena rowanale yae elerekonde, Allah, Ondofolo Hubalo Mando, huba ban haei ban be hinenainyende, hili hebenainyende. Neyae Allah mbai mo, ijoko yae ekamboi, wali huba ban haei ban Kiyae. Amin.

Ibrani 2:7

Weyae ro miyaebe mokoumibokae malaikat yoni-yoni nekate anuwaufa ebi fere ane oumiraufikae. Nare hilire enaimihebende naeise nane merau bere enaimihinende naeise mokoumibokae.

Ibrani 6:12

Mayae behuaebe ehenaeijae, nebeibe ro miyae na hebaen-sebaen mae Wali Ondofolo Naei a elelere hila rabo halaete walora Allah are heteungekoke rambunde yarate ro miyae bune wane hamennembe.

Ibrani 6:15

Abraham na hebaen-sebaen rakeweke wa Allah are heteungekoke hului rouke.

1 Yohanes 2:25

Eyae nebei wali ma nekemalena, Yesus Wali Ondofolo Nenaeijae are heteungekoke wali hena bona aere yemmele.