Roma 15:13 - Allahle a neme heteungekoke homofae

¹³ Allah yae mokonembe rabo elae halembe Naei elele a hului mokonde. Allahlena Roh elae walora mayae rabo elae halembe Allah nuleuboke are na hele inyaibonde naeise, reyae Allahre riyanale Naei a elelere hila rabo halaeunge yae Neyae mai kena rowenensimbe nane merau rei mai bele yae haungemembe.

Roma 15:13 ပူးပေါင်းရင်းမြစ်များ

Yohanes 14:1

Yesus yae weumi, “((Reyae erelere wamalene)) mai kena u isasa alalo okoijae hele. Allah Naei a elelere mayae hila rabo haleyaunge. Nebei mekai mbai Raei a elalere hila rabo halensele.

Yohanes 14:27

Reyae rei mai onomi foka mai kena einye nukamale. Rei mai onomi foka Raei uwana bele ma yae yaemale. Reyae yaemale rei mai onomi foka nda kani kelana wali beko nibine orate ro miyae yae yayembe wanen ban. Mai kena u isasa alalo okoijae, buhae ohokoijae.

Roma 12:12

Mai kena rei mai yae nekembe, rabuhine ban rabo elae yae halaeube Allah nuleungeboke a huluinye mokonde. Beko hubanayembena, kena yae herawemembe. No ban hee ban mae Allahre ebeli bonnembe.

Roma 14:17

Allah merau raungehike hului Wali Ondofolole me kelee u keleene nekate wali ma, era hena are hakoyaimine ban, raman bu anatene ban, nebeibe Allahle Roh yae weume a hului nda wali ma nekemale: wali ijen bele, rei mai bele, kena foi bele nekemale.

Roma 15:5

Allah yae elae yemmele aei kena heraumabonde Naei kaliare no ban hee ban mokomale nane merau aei kenare aumenunde. Mayae kena mbai u mbai yae na hului na bulau wae aei Tuhan Yesus Wali Ondofolole Ako Allahre hili hebennele naeise, reyae Allahre riyanale mare hakonembombe Yesus Wali Ondofolo Naei a elelere hakonnele walora kena mbai u mbaise mokonembe nekembe.

1 Korintus 2:4

Ro miyae naei isaei hebaen aerene ban nebeibe Allahle elae aerene mayae Wali Ondofolore hila rabo halennele naeise, nebei a usaei wasaei mare kelewamale. Ro miyae naei isaei hebaen hului yae kena yon-jon a yae reyae ehuwei, nebeibe Allahle Roh elaebe kelembokamale.

2 Korintus 9:8

Nane merau mayae me u foi na bune-bune mokomembe yae mai wali rambun nemene na hibi-hibi hononayemembe naeise, Allah na hului Naei rambun foi nemene aere ban mae inyembe.

Galatia 5:22

Allahle Roh yae keleumi mokate u mekai nda niyae: kena buhae u buhae, rei mai, kena foi u foi, kena hebaen u hebaen, a kena han kena ban, u foi wa foi, rabo halei-salei,

Efesus 1:2

Reyae ebeli banale aei Ako Allahle nane merau aei Tuhan Yesus Wali Ondofolole kena buhae aere ban mae mare henemembe nane merau mai kena foi u foi mokonemembe.

1 Tesalonika 1:5

Rabuhine ban meyae Yesusle ako faeuko mare huwayengkokembe heena a naungehu yae ban, nebeibe Allahlena Roh elae bele yae maei kena eisa hubawanne Allahle a meyae huwewande na hele. Mayae maisaei mo, mai foi naeise mai nolone maei wali ma haranneboke nekewande.

1 Timotius 1:1

Onomi foka Timotius. Weyae Wali Ondofolo Naei a elelere hila rabo halaenaene reyae ware kelu hele yae erawale. Reyae Paulus, Allah aei Holelo bele Yesus Wali Ondofolo bele rare ukeisele huluinye Yesus Naei abu akore yeubokale. Eyae hila rabo halaende Yesus Wali Ondofolo wali hena bona yemmele Kiyaere yeuboke. Reyae ebeli banale Allah aei Ako Kiyaele Yesus Wali Ondofolo bele ware kena buhae aere ban mae heneyete, yanekoi yase yae ei haweyete, rei mai inyeyete.

Ibrani 6:11

Meyae kena hele kande Allah nuleungekoke a huluinye mokondere rabo elae halembe naeise, nebei me foi u foi na hibi-hibi mokomembe.

1 Petrus 1:8

Wali Ondofolore mayae roko mbai ijoko ereiboi hororebe, nebeibe kena buhae u buhae Nare hewaunge. Nda hee Nare mayae ijoko ereiboibe, nebeibe Naei a elelere hila rabo halaeungene, mayae Allah yae ikembe rei mai kaube. Nebei rei mai a mehininde mae eraise sului.