Roma 13:7 - Allahle a neme heteungekoke homofae

⁷ Mai baka ranne honayembe kayeero yemmile yore mayae yemmile hele. Pajakre yaronate yore pajak yae yemmile, cukaise yaronate yore cukai yae yemmile, eise emmihawembe yore ei yae emmihawembe, bere emmihinembe yore be yae emmihinembe.

Roma 13:7 ပူးပေါင်းရင်းမြစ်များ

Matius 17:25

Petrus yae weumi, “Mokombondere.” Petrus imae eise eweufike. Eweufike hee mo, Yesus na bere a hineunge, “Simon, waei u benera naendae yae hubanae, nde naeise nda kani kelana Ondofolo yoni-yoni pajak naei roi riyeyaimi. Na kanina kelana ro miyaere? Yo moinya meiko-meiko ro miyaere?”

Matius 22:21

Nda yo yae wainye, “Kaisarle be yoi bele me nou bele.” Nebeisa Yesus yae weumi, “Kaisar naei kayeero Kaisarre yeungele, Allah naei kayeero Allahre yeungele.”

Markus 12:17

Yesus yae weumi, “Nebei wanenna Kaisarle kayee Kaisarre yennele, Allahle kayee Allahre yennele.” Nebei a merau boroukatene fa yae bowate.

Lukas 20:22

Mana maere na yaka yae weime, Kaisarre pajak imanele, eyeijae?”

Lukas 20:25

Nebei yo yae wainye, “Kaisarle.” Yesus yae weumi, “Nebei wanenna, Kaisarle kayee Kaisarre yennele, Allahle kayee Allahre yennele!”

Lukas 23:2

Nebeinye ekate mo, nebei yo Nare nda a horoubokebe elate, “Nda ro erannekoke aei kanina ro miyaere nibi bekobe keleimeyeumi. Neyae weumi Kaisarre pajak omokonnemae. Nauware elele Neyae Ondofolo hi yae, Wali Ondofolo yae.”

Roma 12:10

Ako nake mbainya aka baeke wanen mae maise naeise kena buhae u buhae hembe nane merau mere mokayembe holo wanen ei hawemmile.

Roma 13:6

Bararebonde mayae pajak mokombe, rabuhine ban mere mokaimi yo Allahle yebaei bubaei yae me mokoi-mokoise na yane baei mokommiyende.

Efesus 5:33

Aei naei bele nda a honole, ro yoni-yoni mai miyae wa waei uwa wanen mbainye kena buhae yae heungele nane merau miyae yoni-yoni mai molo ware hubara haeisa yanemmiyembe.

Efesus 6:5

Ya-ya kaliare mokoyaumi holona yoni-yoni nda wali ma yae nekenate: mai rowa naei a elatere hubara haeisa yanemmile, nare fe bele faemmile, kena u na yolo-yolo yae hakommile. Mai u mekai harannebombe mai Wali Ondofolole a faeufe hakaube mokaube wanen mae mokommile.

1 Timotius 5:13

Nebei hee mbai behuae henaenate ro miyae naei imaere eleiso akoibo kate. Nebei mo bande nebeibe a mongko-mongkone kate, hiwa yo naei a faeu nangkele yae elate, na mekai ban a huwate harate.

1 Timotius 5:17

Timotius, jemaatre keleumile, naei be yun be yebae hebate holona yo be hinemmile nane merau naei wali rambun yemmile, na bereise no ban hee ban ahuba huweyaimi nane merau a usaei waeisaei keleyaimi yo.

1 Timotius 6:1

Kaliare mokaimi ro miyae, rowa yoni-yoni na mekai sele be hinenaimiyende hele. Nebei mekai yaere ro miyae yae Allahle Rore nane merau aei a usaei wasaei kelaemmire beko yae eleikoi sului.

1 Petrus 3:7

Nebei sului mbai ro yoni-yoni mai miyae wa elae ban holo naeise isaeyaeubokene, na mekai yae mangkele nekembe. Ro rommile, rabuhine ban miyae holona mangkele Wali Ondofolo kena buhae aere ban mae hembene mare nemene wali neme ikembe. Mai ebeli bonnele yoni-yonire oro halunde enensayembe belene, nebei wali ma yae emmokombe.