Roma 13:14 - Allahle a neme heteungekoke homofae

¹⁴ nebeibe Yesus Wali Ondofolo kena kole hului yae nekembe. Nebei yae mai wali einye ro miyae hiwa Yesusre erenainyele, Naei malo hireboube wanen. Mai bekore kena haehae kaubere ehakoiboijae nane merau u bene enekeijae!

Roma 13:14 ပူးပေါင်းရင်းမြစ်များ

Galatia 3:27

Mayae Wali Ondofolore hakaungene bu kayengkokembe yo, Yesus bele mbainye oraube. Mai uware malo hiraukoke wanen mae Nangkele mbainye nekembe.

Galatia 5:24

Yesus Wali Ondofolole ro miyaere yaeikoke yo, naei u mekai bekore nenaeijae ohaline baikoke wanen boukoke hereke, u mekai bekore kena haehae kole naeise hee roraikoke, uwa olomaiboke.

Efesus 4:24

Mai wali ro miyae neme wanen mae nekembe. Allah Naei u mekai wanen mae mokombokembe huluinye nekembere, mai wali himalembokembe nane merau u mekai nane hesele yolo yolombokembe.

Kolose 2:23

Ro miyae hiwa nebei wali heere folaikoke are isaei bele hebaen bele elate. Nebei kelaeimi a hului nda me u mokonate: ro miyae ei molonaimile hele, ame-ame wanen mae uwa ane ranainyehinde, uwa nenaeijae weitasi konaimile. Nebei me u mokonatebe, nebeibe naei kena haehae koyatere are eheraweiboi sului.

1 Petrus 2:11

Reyae kena buhaere haemale aka baeke, nda kani kela mai kani hele ban, nebeibe kolo ro miyae nane merau ele melere oroyate ro miyae wanenbe nekaube. Nebei aerene reyae mare moi huramale nda kani kelana wali beko nibi naei rambunde kena haehae hele mokombere koyaubera mai uwa wemembe. Nebei rambun yoni-yoni mai kena une han fela wanen mae relainyele.