Roma 12:13 - Allahle a neme heteungekoke homofae

¹³ Yesus Naei eleuboke wekeumi ro miyae wali rambunde kalo molaimiboke yo naei wali rambun yoni-yoni na hului sului emmimokombe. Mai imaere menate ro miyae kena rei mai yae ei hawemmile, hononate anuwau bele mokonnehambe.

Roma 12:13 ပူးပေါင်းရင်းမြစ်များ

Matius 25:35

Rabuhine ban Reyae moni kowale hee, mayae raman ikaufele aneukokale. Reyae bukine kowalene, mayae bu ikaufele aneufikale. Reyae yo moisa mekalene imae ban obe ban kowale, mai imaene honowale.

Kisah 10:4

Kornelius nebei malaikatre erekeunge na fe bele faewounge weunge, “Erabuhi wanen, Tuhan?” Nebei malaikat yae weunge, “Webeli kali boyeyae bele waei yei wahei kounga kalona yore yeyaemae bele nemene Allah be hineubokete nane merau Allah waei bene nekeungehike.

Kisah 4:35

Yesus na abu ako naei bene raisiyaimi. Neyae hire-hire kalore molounge huluinye wahewaimi.

Roma 12:8

Kena u hara rorommile meli mekai ikeumi ro miyae yae nebei sului yae mokonaimile. Naei rambun ei wahe mei wahe waheumi meli mekai ikeumi ro miyae kena faere-faere yae wahenaimiyende. Bere ate naeise hiwa yore yawenaimile meli mekai ikeumi ro miyae yae nebei kalia kena maemae yae mokonate. Hiwa yore yanekoi yase yae ei hawenaimile meli mekai ikeumi ro miyae yae kena rei mai yae mokonate.

1 Korintus 16:15

Aka naei baeke naei, maisaei sele Stefanus naei imae ei obe einya ro miyae bele Akhaya yona ro miyae na bemere hele Wali Ondofolore hakowainye, nane merau nda hee bele Yesus Naei eleuboke wekeumi holona ro miyaere kena na maemae hele no ban hee ban hakoyaimi, ei haweyaimi.

2 Korintus 9:1

Yesus Naei eleuboke wekeumi ro miyaere hakaumi rambun yemmile enate naeise benen reyae homone omoloi sului,

2 Korintus 9:12

Nda me u foi mokombombe yae Yesus Naei eleuboke wekeumi ro miyae naei kalo moloumire na hului sului mokommibombe mo ban, nebeibe nebei me u mokombombene ro miyae helen Allahre helen foi ungainyele.

Galatia 6:10

Nebei aerene, wali namman nekande hee yae, men, aei me foi u foi ro miyae nemene mokomamile. Na kaban sele aei aka baeke Yesusle einye mbaise yaendeboke yore mokomamile.

1 Timotius 3:2

Nebeinye, jemaat kayaare hebate holona ro na u mekai hiwa yo naei a beko eleikoi kiyae. Naei u mekai nda ma yae nekende hele: na miyae mbai mo, bu elae roko helen anei, nauwa kayaa foi hebele, wali eise molainye ma yae nekele, imaere mate ro miyaere ei haweumi, Wali Ondofolole wali nibi are na hului kelemmile,

1 Timotius 5:10

Na u mekai foi mokowolene ro rowainyele holona hiwa nda niyae: kelu omi meufoleukoke, naei imae obere mate yore ei hauwoumi, Yesus Naei eleuboke wekeumi yore foi mokowoumi, beko hubainye yore hakoumiyeke, me u foise na hibi-hibi mokowole.

Titus 1:8

Bararebondere naei u mekai nda wanen: naei imaere obere menate ro miyaere ei hawemmile foi mokommile, foi moise kena ikowole, naei u bene foi yae mo mokoyele, na wali himaloungeboke, naei wali Allah yae eleuboke holona u mekai wanen nekeyele, naei bekore kena haehae koyatere ehakoyei.

Titus 3:14

Nane merau Yesusre hakoyainye ro miyae na wali rambun na hului-sului hononaimile naeise bele na wali rambun kalo eimoloi naei bele isaeinyaibonde helene kalia me u foi mokonate.

Filemon 1:7

Aka baeke Filemon, Yesus Naei eleuboke wekeumi holona ro miyaere kena buhae u buhae haemaene reyae rei mai kale nane merau raei kena hara roweufehikae, rabuhine ban nebei yore kena foi mokowamae.

Ibrani 13:16

Me u foi mokoi-mokoise nane merau yei wahei wali eisako meisako naeise mayae u benera nundenengkombe bele. Nebei me u mokande yae aei obo yoku yae ongkoufe felemande wanen Allahre kena foise mokomande.

Ibrani 13:2

Kolo ro miyae mai imaere menate yo ei hawemmile naeise u benera enundeijae hele, rabuhine ban nebei u mekai ma mokaibokere ro miyae hiwa onaeikoke naei imaene malaikatbe ei hauwaimi.

Ibrani 6:10

Mayae Yesus Naei eleuboke wekeumi ro miyaere kena buhae hewaumine, nda hee bele hakoimeyaumi. Nebei nibi yae mayae Allahre kena buhae hewaunge. Allah u mekai na ijen mo mokole Kiyae, mai me ure naei u benera enundeikoi sului.

1 Petrus 4:9

Maise naeise rilibo ban mae mai imae ei obe einye eisawe meisawe hawemembe.

1 Yohanes 3:17

Ro miyae mbai wali rambun na hului sului honnainyele, nebeibe naka baeke hi ereunge wali rambun kalo moloungeboke heene bolu yae kelendena, Allahlena kena buhaere heumi elae na kena einye enekei.

3 Yohanes 1:5

Aka baeke, ware kena buhaere haewale kiyae, weyae aei jemaatna aka baeke holona yo naei wali rambun na huluinye hakaemae. Naendae mekai horo nebei ro miyae weyae ro oroiboibe, weyae Wali Ondofolo yae weyete huluinye ei hawamae.