Roma 11:36 - Allahle a neme heteungekoke homofae

³⁶ Rabuhine ban nda rambun nemene Allah yae mokoukoke. Naei elae yae nekate, Nare bumane kaenainyele naeise nekate. Nare mbaibe huba ban haei ban hili hebenainyele. Amin.

Roma 11:36 ပူးပေါင်းရင်းမြစ်များ

Matius 6:13

Maere wabenaimele hee, ei haweumele meyae ane nalemmihinde balemale belene. Walobo yun, bekore mokole kiyaele me ei u eisa hole moloumebonde. ((Rabuhine ban Waei me kelee u keleene ro miyae nemene nekenate. Elae wake nane merau one hengko bele Waei einye huba ban haei ban ninae hononende. Amin.))’

Lukas 19:38

Nebei yo kaenate, “Allahle ro yae meke Ondofolo, onomi foka hubannele!” Meyae ebeli bomanele surgane rei mai nekenayende nane merau Allahre hili hebenainyende.

Lukas 2:14

“Allah na bumane hele ekenekele Kiyaere hili hebenayende nane merau nda kani kelana ro miyae Naei kenare koyeumi yore Allah rei mai yemmile.”

Kisah 17:28

Eyae no hayaende, nekeyande, oroyande, nemene Allah Naei einye mo. Nda a mainya a henare kolayeke yo hi eleukoke na hele, ‘Eyae nemene Naei orona mena.’ ”

Roma 16:27

Allah Nembai sele isaei no hebaen no, hi bele ban. Yesus Wali Ondofolole walora Allahre huba ban haei ban hili hebenainyende! Amin.

1 Korintus 11:12

Rabuhine ban miyae mbai nendo kiyae ro naei uwana yae mokouboke hororebe, nebei miyae yeuboke heera ro yoni-yoni miyae naei kou bulu yahi bulura honate. Nebeibe rambun yoni-yoni nanemene Allahlera yaeiboke.

1 Korintus 8:6

Nebeibe aei naeise Allah mbai ken. Neyae aei Ako, nda kani kela bele rambun neinya belere nuleungekoke Kiyae, Naei aerene eyae wali nekande. Nane merau aei naeise Tuhan mbai sele Yesus Wali Ondofolo Niyae. Naei walora rambun nemene mokowole nane merau Naei walora eyae wali nekande.

Galatia 1:5

Allah nembai huba ban haei ban mae hili hebenainyende. Amin.

Efesus 3:21

Jemaat me u mokonate aerene, nane merau Wali Ondofolo me u mokonde aerene, Allahre rimolone yangkone hili hebenainyele. Amin.

Filipi 4:20

Allah, aei Ako Kiyaere huba ban haei ban hili hebenainyende. Amin.

1 Timotius 1:17

Mana raei kena rowanale yae elerekonde, Allah, Ondofolo Hubalo Mando, huba ban haei ban be hinenainyende, hili hebenainyende. Neyae Allah mbai mo, ijoko yae ekamboi, wali huba ban haei ban Kiyae. Amin.

1 Timotius 6:16

Allah Nembai sele here ban Kiyae, hehe elae bele naeumile nolone ekenekelene, hi yae ha yae onobeikoi sului, ro miyae yae roko mbai ereiboi nane merau ereiboi sului. Nebei Allahre mo be hinenainyele bele, elae wake bele huba ban haei ban nekenende. Amin.

2 Timotius 4:18

Nane merau honaisebonde naei merau koloyainyera Allah wewe kongkonde, na foi moi yae rowensele, Naei yo yan surgane ensehansebonde. Allahre huba ban haei ban hili hebenainyende. Amin.

Ibrani 13:21

Naei kenare kolere mokonnele naeise, foi bele meli mekai mare kitenembombe. Nane merau reyae ebeli banale, Yesus Wali Ondofolole walora Allah kenare kole ma aei kena u einye mokommekonde. Wali Ondofolo mbaibe huba ban haei ban hili hebenainyele. Amin.

Ibrani 2:10

Allahle kena foise mokonnele naeise nemene fomene yaeiboke, nane merau Allahle elae wake walora nemene fomene yaeiboke. Allahle u mekai huluinye na mekai yae mokonnelene, Naei ukeunge meke ro miyaere hole molommile Kiyae wali hiyei ranembonde naeise, beko hubawounge.

1 Petrus 4:11

Mai nolona ro miyae a yae faeu wae jemaatre huwemmilena, Allahlena ako faeuko weunge wanen mae ro miyaere huwemmile. Ro miyae mbai hiwa yore ei hawemmilena, nebei kiyae Allah ikeunge elae yae hiwa yore ei hawemmiyende. Rambun nemene benate yae Wali Ondofolo walora Allahre na hului bumane enainyekaende naeise, nebei wali ma nekembe. Allahre huba ban haei ban hili hebenainyende, elae wake bele nekenende Kiyae. Amin.

1 Petrus 5:11

Allah mbaibe elae wake bele huba ban haei ban nekenende Kiyae bumana kaennele. Amin.

2 Petrus 3:18

Nebei rambun benate belene, aei Tuhan Wali Ondofolo Yesus kena buhae aere ban heumele Kiyaere foi yae ronnebombe naeise na hibi-hibi relennembe. Yesusre huba ban haei ban hili hebenainyende.

Yudas 1:25

Allah mbai mo, aei Walilo, aei Tuhan Yesus Wali Ondofolole walora Allah Niyae nene waewae bele angken nuwei na bumana hele nuwele elae wake bele one hengko bele nekenende, na beme fome helera meke nda heene nane merau huba ban haei ban nekenende. Amin.

Wahyu 19:1

Nebeisa reyae borale ro miyae helen mae elate a wanen surgara nda a kaenate, “Allahre na bumane hele kaemande! Aei Allah holere moloumeboke Kiyae na mekai sele Neyae nene waewae bele elae wake bele nekenende,

Wahyu 21:6

Nebeisa elele, “Nanemene na hului yaeiboke. Reyae Yunani afaeunga huruf na bena kiyae Alfa bele na moinya kiyae Omega bele nekale, Hubalo Mando. Ro miyae nde nde bukire konate yo, Reyae nendon mae walire yeumi rotebu rileungera bu isende anensinde.

Wahyu 7:10

Nda yo a elaekei sele yae kaenate, “Aei Allah kendan wameranne nekele Kiyaele nane merau Domba Kelule aere hole moleimeboke.”

Wahyu 7:12

na a bele yae wainye, “Amin! Allahre ro buma hosoro kaeinye bele, hili hebei-sebei bele, isaei hebaen bele, helen foi bele, be hinei-sinei bele, elae wake bele, meli mekai bele huba ban haei ban nekewende. Amin!”