Roma 10:12 - Allahle a neme heteungekoke homofae

¹² Allah yae Yahudi ro miyae bele Yahudi ban ro miyae bele me u mbai mokommile. Yesus Wali Ondofolo ro miyae nanemene naei Tuhan nane merau Nare hole molommibonde naeise riyenainyele yo, naei waline Naei foi emerei-emerei emerenende.

Roma 10:12 ပူးပေါင်းရင်းမြစ်များ

Kisah 7:59

Na rukane haiwainye yae Stefanus kaenele, “Tuhan Yesus, Ra unulu roweise!”

Kisah 9:14

Mana ndana meke. Imam yun-jun mae homo ikainyele ndare meke Ware eise moloyayete ro miyaere ikilendere.”

Roma 14:9

Wali nekande ro miyae naei nane merau heraiboke ro miyae naei Tuhanbere enjembonde naeise, Yesus Wali Ondofolo herekera nebeisa aunguke.

Roma 15:12

Nane merau Allahle yendo kayaalo Yesaya yae elele, “Yahudi yobe Isaite orona mena enaisonondera ro mbai enjakambonde, Yahudi ban ro miyaere mere mokommile. Naei elele are na hele inyaibondere Yahudi ban ro miyae rabo elae halenainyele yae nekenate.”

Roma 2:4

Allah kena nime haba yae mare mokoyembe nane merau kena hebaen u hebaen mae mare me onoyoi. Mayae maisaei ban selene Allah merau raungehike, Naei me u foi yae mare moi hurenembe u mekai wa mekai bekora nulu kenembombe. Mayae Allah u mekai wa mekai foi yae mokoyembere rabuhi ban mae elaube!

Roma 3:22

Nebei wali nibi neme nda ma: Yesus Wali Ondofolo Naei a elelere Yahudi ro miyae bele Yahudi ban ro miyae bele hila rabo halaeinye ro miyae, Allah yae wali himalainyeboke yo yae me baemmile,

1 Korintus 15:47

Allah kanira Adamde mokouboke, nebeibe Yesus Wali Ondofolo surgara meke.

2 Korintus 8:9

Rabuhine ban mayae maisaei sele Yesus Wali Ondofolo aere kena buhae aere ban mae heume. Neyae hun bele wai bele Kiyae, nebeibe hun ban wai ban yembonde walora mayae na hului rambun bele yembombe naeise, Neyae hun ban wai ban yeuboke.

Galatia 3:28

Eyae Yesus Wali Ondofolo bele mbainye nekemalene, Yahudina ro miyae, Yunanina ro miyae, yebaei bubaeise nekate yo, ro hosoro, ro holo, miyae holo, nemene Allah mbai yae me baeume.

Efesus 1:7

Allah aere kena buhae aere ban mae emekai bele hewoumene, Naei isaei hebaen na bumana hele yae Yesusre ukeunge meke. Na uwana ha rileuboke walora aei beko bakore aheukoke baeufoke, nane merau Allah yae aei beko bako faeinyeumekoke.

Efesus 2:4

Nebeibe Allah yanekoi yase bele Kiyae aere buhae hele heume.

Efesus 3:16

Allah nene waewae bele Kiyaele me ei u einye honate rambun emekai bele yaeiboke. Nebei nolone Naei Roh. Reyae ebeli banale, Allah mokonnele Naei Roh yae mai kena u elae inyembe. Nebei nibi yae Yesus Wali Ondofolo Naei a elelere hila rabo halembe walora Neyae mai kena ei u einye nekenende nane merau mayae na yaka yae isaeyembombe Yesus Wali Ondofolo yae kena buhae u buhae heyembe.

Efesus 3:6

Nunne heraweuboke honaimeke a nda niyae: Wali Ondofolole a foi faeu foi walora Allah Naei kelu omire yemmikonde rambun yoni-yoni Yahudi ro miyae inyemile mbai Yahudi ban ro miyaere inyemile. Nebei yoho bee jemaat mbaise yeiboke. Nebei yoho bee Allah a heteungekoke hului Wali Ondofolo Naei a elelere hila rabo halenainyele walora wali hena bona yaronaikonde.

Efesus 3:8

Allah eleuboke wekeumi holona ro miyae u nolo u kaisa reyae na ro ban sele kiyaebe Allah kena buhae aere ban mae heufekoke. Allah ukeufe Yahudi ban ro miyaere Wali Ondofolole me ei u einye rambun emekai bele honate naei are hufemiyendere.

Filipi 2:11

nane merau nanemene Yesus Wali Ondofolore Tuhan mae wo enaikonde. Nebei mekai yaere aei Ako Allahre hili hebenainyende.

Filipi 4:19

Reyae eise molanale Allah nene waewae bele Kiyae foi yoni-yoni melaeu Wali Ondofolole walora mai wali rambun emekai bele inyemembe.

Kolose 1:27

Allah merau raungehike Yahudi yo bele Yahudi ban yo bele na hului nda nunna honaimeke ako faeuko isaeinyaibonde, naei wali einye foi moi mokommiyende. Nebei ako faeuko Wali Ondofolo na bumane hele Kiyae naeise, na nore beunguke nda niyae: Wali Ondofolo mangkele nekembene, mayae na hului rabo elae halembe Naei nene waewaere mayae hubannele.

Kolose 3:11

Nebei wanen bewatene Yahudi holo, Yahudi ban holo, ro uwa elande folowaimi holo, ro uwa elande ofoloikoi holo, kani hi holo, yangku holo, yebaei bubaei holo, yebaei bubaei ban holo, nebei holona nemene mbai yeuboke. Na bereinya hele Kiyae Wali Ondofolo Niyae, Naei ro miyae nemene na wali einye nekele.

1 Timotius 2:5

Rabuhine ban Allah mbai mo, nane merau Allah bele ro miyae bele a elenate naeise walore beungehake Kiyae mbai sele, Yesus Wali Ondofolo Niyae.

Wahyu 17:14

Nda yo Domba Kelu bele felare relenainyelere. Nebeibe Domba Kelu yae nebei ondofolo yoni-yonire melemmihande, rabuhine ban rowa yoni-yoni bele ondofolo yoni-yoni bele nemene Neyae mbai naei Ondofolo Kaban. Nebei hee Domba Kelu kaeneumikoke nane merau eleuboke wekeumi ro miyae, Naei weumi a huluinye nekate yo nangkele menate.”

Wahyu 19:16

Na malone bele noro baerene bele ro mbai molaikoke nda niyae: ondofolo yoni-yoni naei ondofolo tuhan yoni-yoni naei tuhan.