Roma 1:8 - Allahle a neme heteungekoke homofae

⁸ Nda homofae huba raweiboinye Wali Ondofolole walora mai naeise reyae Allahre helen foi wanale, rabuhine ban Wali Ondofolo Naei a elelere mayae hila rabo halaeunge nane merau nebei a naeise nda kani kelane a eungeyoboukoke.

Roma 1:8 ပူးပေါင်းရင်းမြစ်များ

Matius 24:14

Nane merau Raei me kelee u keleene nekenate yo holone ro miyae na hului enayembonde, wali hena bona yaronaikonde naei a foi faeu foi nda kani kelana ro miyae boronaibonde naeise, enaisuwengkonde huba enainyemokongkondera, nebeisa wa huba mokoikoi ya menyakambonde.

Lukas 2:1

((Yohanes hongkate heera oko mehine mbai nekaikoke hee yae)) Kaisar Agustus ukeumi Roma kani kabanna ro miyae nemene mere nulenaibondere.

Kisah 11:28

Nebei yo nolona mbai na ro Agabus. Allahle Roh yae a weunge walora a relen harewole, nda kani kela Israel moni mai kaban sele memminendere. (Na hele Ondofolo Klaudius yae hebewole hee yae yeuboke.)

Kisah 28:22

Nebeibe meyae kena kande waei rabore halaenae Kiyaele a boromabondere. Meyae maeisaei nekande ro miyae makeinya-makeinya Yesusre hakainyekoke yore a wewe yae koyaimi.”

Roma 10:18

Nebeibe Yahudi ro miyae naeise naendae mekai yae elerekonde, Wali Ondofololena a foi faeu foi huwatere oboroiboinye? Boraiboke hele, rabuhine ban Allahle homofaene Wali Ondofololena a foi faeu foi huwate ro miyae naeise nda wanen molaikoke, “Ro miyae ekainyekate anuwaunge bele, nebei a foi faeu foi aimihuweukoke. Nane merau nebei a foi faeu foi, nda kani kela na hubane haeinye ainyehayeukoke.”

Roma 16:19

Ro miyae nanemene mayae Wali Ondofolo Naei a elelere hakaunge a boraikokene, raei kena roweisiyeufe. Nebeibe reyae kena kale foi mokombe naeise isaei hebaen bele ma yae uwa harannebombe, nebeibe me beko u beko mokombe naeisa kobu bele yae nekembe.

Roma 6:17

Allahre helen foi wenne, rabuhine ban bere mayae u mekai bekore kena kaubere harawombe elae naei yebaei bubaeise yaeuboke, nebeibe nda hee kelewayembe a usaeise mai kena u na maemae yae hubara haeisa yanaunge.

1 Korintus 1:4

Mai naeise reyae no ban hee ban Allahre helen foi weyanale, rabuhine ban Yesus Wali Ondofolole eisa Neyae kena buhae aere ban hengkokembene.

2 Korintus 2:14

((Paulus nekewole heena yokeijore meleumihake fela yun na felayo bele rore kaenainyele naeise, nebei yona ro miyae nolore homone aloiboyate oyorowate. Nebeinye oyorowate hee yae o ha fololo bele ongkou wae eisayeyaimi hanewate.)) Reyae Allahre helen foi wanale rabuhine ban Wali Ondofolole walora eyae Allahle yokeijore melammile nane merau Wali Ondofolole a foi faeu foi nebei ongkou fololo faeungekoke beele wanen a hire a hire huweyate.

Efesus 1:15

Nebeinye, mayae Tuhan Yesus Naei a elelere hila rabo halaeube a boroubokale nane merau Allah eleukoke wekeumi holona ro miyaere nemene mayae kena buhae u buhae haeumi a boroubokale heera bae,

Efesus 1:16

mai naeise reyae no ban hee ban Allahre ebeline banale heene helen foi eiwewanale nane merau mai naeise bele eibowanale.

Efesus 3:21

Jemaat me u mokonate aerene, nane merau Wali Ondofolo me u mokonde aerene, Allahre rimolone yangkone hili hebenainyele. Amin.

Efesus 5:20

Rahe ma mai waline ensubayembe aei Tuhan Wali Ondofolole Ro yae Ako Allahre helen foi wennembe.

Filipi 1:11

Mayae Yesus Wali Ondofolo Naei a elelere hubara haeisa yanaunge yae mai wali alonembombe nane merau Yesus kenare kole me u emekai bele mokombe. Nebei aerene Allahre hili ennehebembe nane merau buma ennekaembe.

Filipi 1:3

Reyae Paulus na rokone baei mai bene nekeisiyeufene Allahre helen foi eiwewanale.

Kolose 1:3

Meyae roko helen aei Tuhan Yesus Wali Ondofolo Naeko Allahre mai naeise ebeline ibowande, helen foi sele weyannele,

1 Tesalonika 1:2

Meyae roko helen Allahre ebeli boyannelene mai naeise weyannele,

1 Tesalonika 2:13

Meyae Allahlena ako faeuko elewande mayae borowaube heene mai kena une elaube, nda ako faeuko ro miyae naeisa ban, na hele Allahlena. Nebei aerene roko yae roko yae mai aerene Allahre helen foi ebeli boyannele. Na hele nda ako faeuko Allahlera meke nane merau mayae Wali Ondofolore hilare rabore halaeunge yo nebei ako faeuko mai wali einye na foi mokole.

2 Tesalonika 1:3

Aka naei baeke naei, maei baka ranna huluinye roko helen Allahre ebeli einye mai naeise helen foi weyannele, rabuhine ban mai hila rabo Yesusre haleyaunge emerei-emerei emereyembe, nane merau maise naeise mai ure-ure kena buhae hei-sei emerei-emerei emereyembe.

2 Timotius 1:3

Maeko naei maebu naei yae Allah eise molowainye wanen mbai raei kena u na yolo-yolo hele yae eise molanale. Reniai rai ebeline eibowanale hee, waei naei u bene nekeisiyeufene eibowanale.

Filemon 1:4

Filemon, na rokone baei ebeli eibanale waei bene nekeisiyeufene Allahre helen foi sele eiwewanale,

Ibrani 13:15

Nebeinye na bere Allahre ei molonainyele naeise, Yahudi ro miyae obo yoku ongkou wae felewainye. Yesusle walora Allahre ongkoufe felemande wanen mae ro miyae naei bene aei euwara bele yae Allahle ro bumane kolomande.

1 Petrus 4:11

Mai nolona ro miyae a yae faeu wae jemaatre huwemmilena, Allahlena ako faeuko weunge wanen mae ro miyaere huwemmile. Ro miyae mbai hiwa yore ei hawemmilena, nebei kiyae Allah ikeunge elae yae hiwa yore ei hawemmiyende. Rambun nemene benate yae Wali Ondofolo walora Allahre na hului bumane enainyekaende naeise, nebei wali ma nekembe. Allahre huba ban haei ban hili hebenainyende, elae wake bele nekenende Kiyae. Amin.