Roma 1:7 - Allahle a neme heteungekoke homofae

⁷ Mayae Roma kanina Allah kena buhaere hembe nane merau kaenengkokembe ro miyae, Yesus Naei eleuboke wekeumi holone nekembe yore nda homofae reyae moloukokale. Reyae ebeli banale aei Ako Allahle Tuhan Yesus Wali Ondofolole mare kena buhae aere ban mae henembe nane merau rei mai haungembe.

Roma 1:7 ပူးပေါင်းရင်းမြစ်များ

Matius 5:16

Nebei sului mbai, ro miyae bene mai me u foi mokombe. Nebei me u neyae hehe merau erenate. Mai me u foi mokombene, mai Ako surgana ekenekele Kiyaere buma enainyekolonde.

Yohanes 20:17

Yesus yae weunge, “Rare me ikileisemae ba, rabuhine ban Reyae Ako Allahle bokore namman einye. Nebeibe Raei aka baeke wa bokore ele mo nda wanen mae weumile, ‘Raei Maeko mai Arai, Raei Allah mai Allahle bokore erelere.’ ”

Kisah 15:23

Homo mbai molaikoke nebei yo na mene ikaimile roungayendere. Nebei homone nda a molaikoke, Aka naei baeke naei Yahudi ban ro miyae, Antiokhia yona, Siria kanina, Kilikia kanina, ekaunekaube yo! Meyae Yesus Na abu ako bele, jemaatna be yun be yebae bele, nane merau mai aka baeke wa bele naeise, onomi foka mare a melaeyayembe.

Kisah 9:13

Ananias yae benen weunge, “Tuhan, reyae borale nda ro Waei eleubokae wekaemae ro miyaere beko nekai sele Yerusalem yona mokoimeyeumi.

Roma 1:6

Nane merau Yesus Wali Ondofolo Naei holone nekenate naeise, Allah kaeneumikoke ro miyae u nolo u kaisa mayae mangkele.

Roma 5:1

Nebeinye eyae Wali Ondofolo Naei a elelere hila rabo halaenne yae Allah aere wali himalainyeboke ro miyae yae me baeumene, Allah bele foi nekande.

Roma 5:5

Allah are nuleungekoke huluinye mokondere rabo elae halemalene mehi hako ofoloi, rabuhine ban Allah Naei Roh aumeboke walora aere kena buhae emereumi yae heumere aei kena une hubannele.

Roma 8:28

Eyae isaeyaendeboke Allah meraufe raungehike huluinye kaeneumikoke nane merau Nare kena buhaere heyainye ro miyae naei foise, nemene fomene benate rambunde Allah nangkele yae hakouboke mokoimeyele.

Roma 9:25

Allahle yendo kayaalo Hosea Yahudi yo bele Yahudi ban yo belere Allah kaenemmile naei nda a ma yae moloukoke: “Raei holona ro miyae ban yo, Raei ro miyae ro eremironde. Reyae kena buhaere ehei nekayeke yoho, kena buhae haemale yohona yae ro eremironde.”

1 Korintus 1:24

Nebeibe Yahudi ro miyae bele Yahudi ban ro miyae bele Allah yae kaenewoumi yo Wali Ondofolore hila rabo halenainyele hee, Allahle elae wakere nane merau Allahle isaei hebaende isaeinyate.

1 Korintus 16:23

Reyae ebeli banale Tuhan Yesus mare kena buhae aere ban mae henemembe.

2 Korintus 13:14

Meyae ebeli bomande Tuhan Yesus Wali Ondofolo kena buhae aere ban mae henembe, Allah yae kena buhae u buhae henembe, nane merau Allahle Roh mare ei hawenemembe.

Galatia 6:18

Onomi foka, aka naei baeke naei, Reyae ebeli banale, aei Tuhan Yesus Wali Ondofololena kena buhae aere ban mai kena ure ei hawenemembe. Amin.

Efesus 1:2

Reyae ebeli banale aei Ako Allahle nane merau aei Tuhan Yesus Wali Ondofolole kena buhae aere ban mae mare henemembe nane merau mai kena foi u foi mokonemembe.

Efesus 6:23

Reyae ebeli banale mayae Yesusle einye aka baeke kena rei mai nekembe, nane merau Ako Allahle Tuhan Yesus Wali Ondofolole hakoneyembombe Wali Ondofolo Naei a elelere hila rabo halembe, nane merau maise naeise kena buhae hembe.

Filipi 1:2

Meyae ebeli bonnele aei Ako Allahle aei Tuhan Yesus Wali Ondofolole kena buhae aere ban mae mare henemembe nane merau mai kena u foi mokonemembe.

Filipi 4:13

Wali Ondofolo elaere ikeufe Kiyae walora reyae rambun nemene na hului mokorekonde.

Filipi 4:20

Allah, aei Ako Kiyaere huba ban haei ban hili hebenainyende. Amin.

Filipi 4:23

Reyae ebeli banale aei Tuhan Wali Ondofolo mare kena buhae aere ban mae henembe nane merau Naei kena buhaere mai kena ei u einye hubannembe. Amin.

Kolose 3:12

Mayae Allah yae elengkokembe wekembe, Naei u mekai yolo-yolo wanen nekaube, mare kena buhae hengkokembe ro miyae nda u mekai ma nekembe: hiwa yo naei kalore hakommiyembe, maise naeise me u foi mokomembe, mauwa ane rannehimbe, kena nime haba yae nekemembe, maise naeise kena yae heraumembe.

Kolose 3:15

Wali Ondofolo ro miyae nangkele mbainye foi moi rei mai nekenate Kiyae. Nebeinye waennehimbe Wali Ondofolo mokonembe maise naeise foi moi rei mai nekemembe, rabuhine ban holo mbainye foi moi rei mai nekemembe naeise Allah yae mare elembokembe. Allahre helen foi na hibi-hibi wennembe.

1 Tesalonika 1:1

Onomi foka, aka naei baeke naei Tesalonika yona jemaat nekaube. Mayae Allah aei Ako Kiyae bele Yesus Wali Ondofolo aei Tuhan Kiyae bele naei holona yo nekaube. Reyae Paulus, Silwanus na ro hi Silas bele, Timotius bele mare ro melaeyayembe. Meyae ebeli bannele Allah aere ban mae kena buhae henemembe nane merau rei mai inyemembe.

1 Tesalonika 1:3

rabuhine ban, meyae na hibi-hibi u bene nekaime aei Arai Allahle bene mayae Yesusle ako faeukore hila rabo halaeubene, kalia mokaube. Nane merau maise naeise buhae eise meise yae heyaubene, kalia mokaube. Mayae Aei Tuhan Wali Ondofolo Yesus Kiyae benen mendere rabo elae halaeubene, Naei a elele na hibi-hibi hakoyaunge.

1 Tesalonika 1:4

Aka naei baeke naei, Allah mare kena buhae heyembe nane merau Naei holonare elembokembe naeise meyae maeisaei.

1 Tesalonika 4:7

rabuhine ban Allah yae aere kaeneumekoke wali yolo-yolo nekemalere, u bekore omokoijae.

1 Tesalonika 5:28

Meyae ebeli bannele aei Tuhan Yesus Wali Ondofolo mare nemene kena buhae aere ban mae henembe.

2 Tesalonika 1:2

Meyae ebeli bannele aei Arai Allah bele aei Tuhan Yesus Wali Ondofolo bele kena buhae aere ban mae henemembe nane merau mare rei mai inyemembe.

2 Tesalonika 3:16

Aei Tuhan Yesus ro miyaere rei maise yeyeumi. Meyae riyeyannele na yane baei Neyae rei mai inyemembe naeise, nane merau mangkele nanembainye nekemembe naeise.

2 Tesalonika 3:18

Reyae Allahre ebeli banale, aei Tuhan Yesus Wali Ondofolo kena buhae aere ban mae mare henembe.

1 Timotius 6:2

Rowa yoni-yoni hiwa Allah mbaise hila rabo halaeinye wanenna, nare na foi yae be hinenaimiyende rabuhine ban Yesusle einye neyae aka baekere yaeiboke. Timotius, a keleumile nebei roware na foi sele yae mokonaimile, rabuhine ban neyae nebei sului mbai Wali Ondofolo Naei a elelere hila rabo halaeinyene, nane merau kahili foise yaeibokene, neyae nebei foi nolone nekenate.

2 Timotius 4:22

Allahre reyae ebeli banale Yesus Wali Ondofolo waei kena u ei haungete, Naeinya kena buhae aere ban mae henete.

Titus 1:4

Titus, nda homofae waei naeise moloukokale. Weyae raei kelu wanen, rabuhine ban reyae Yesusle ako faeuko huwewawale walora Yesusre hila rabo halewanae. Reyae ebeli banale aei Arai Allah bele aei Walilo Yesus Wali Ondofolo bele ware kena buhae aere ban mae henewete, rei mai haungewende.

Filemon 1:25

Reyae ebeli banale Tuhan Yesus Wali Ondofolo mare kena buhae aere ban mae henembene mai kena ure foi hubannele.

Filemon 1:3

Meyae ebeli bonnele aei Ako Allahle Yesus Wali Ondofolole mare kena buhae aere ban mae heneyembe nane merau mare kena foi u foi mokoneyembe.

Yakobus 1:1

Onomi foka mayae yoho me bee oro nen bee bele yo hi yan hine faeungekoke nekeyaube yore. Reyae Yakobus, Allahle Tuhan Yesus Wali Ondofolole yebaei bubaei yae, ro melaeyamale.

1 Petrus 1:15

Nebeibe nda hee u mekai wa mekai yolo-yolo yae nekembere mare kaenengkokembe, Allahle u mekai yolo-yolo wanen mbai.

1 Yohanes 3:1

Eyae rei mai kaban kande, rabuhine ban Allah na kena buhae emekai bele aere heumekokene, Naei kelu omi yae. Nana hesele eyae Naei kelu omi. Nda kani kelana ro miyae yae eyae Allah naei kelu omi yae me baeumebokere onaeime, rabuhine ban nda kani kelana ro miyae Allahre onaeinyene.

2 Yohanes 1:3

Reyae ebeli banale, Wali Ondofolole walora na hele wali nibine oromalene, nane merau kena buhae u buhae haemmilene, Allahle nane merau Allahle Kelu Yesus Wali Ondofolole kena buhae aere ban heneimele, yanekoi yase yae ei haweneimele, nane merau kena foi u foi mokoneimele.

Wahyu 2:1

“Efesusna jemaat na malaikatre homo nda wanen mae moloukonde: Nda a niyae findelau mehine beere Na me meube reufine ikileuboke nane merau oro bele isehere naeyele rambun mehine bee emasra mokaikoke u nolo u kaisa orole Kiyaelera:

Wahyu 2:12

“Pergamusna jemaat na malaikatre homo nda wanen mae moloukonde: Nda a niyae ramiyaeli henen reufira reufira halaeikokere mere ikileuboke Kiyaelera:

Wahyu 2:18

“Tiatirana jemaat na malaikatre homo nda wanen mae moloukonde: Nda a niyae Allahle Kelulena, Na ijoko i bolo-bolo wanen, Noro perunggu yolo-yolo wanen.

Wahyu 2:29

Nda a boraube ro miyae, Allahle Roh yae jemaat-jemaatre weumi a huluinye ma wali nou hembo.

Wahyu 2:8

“Jemaat Smirna na malaikatre homo nda ma yae moloukonde: Nda a niyae Hubalo Mandolera nane merau hereke nebeibe benen aunguke Kiyaelera:

Wahyu 22:21

Reyae ebeli banale Tuhan Yesus Allahle holona ro miyaere kena buhae aere ban mae hemmiyende. Amin.

Wahyu 3:14

“Laodikiana jemaat na malaikatre homo nda wanen mae moloukonde: Nda a niyae Amin mae rainyeboke Ro, Allah weunge a hului yae nane merau na hele yae isaeyeumi Kiyae, Allah yae mokouboke rambun yoni-yonire mere mokoumi Kiyaelera.

Wahyu 3:22

Nda a boraube ro miyae, Allahle Roh yae jemaat-jemaatre weumi a huluinye ma wali nou hembo!”

Wahyu 3:7

“Filadelfia jemaatna malaikatre nda wanen mae homo moloukonde: Nda a niyae nene waewae bele Na Hele mo elele Kiyaera. Na bere Ondofolo kaban Daud Yerusalem yona romau rawembonde naei kunci ikileuboke wanen nda Kiyae Allahle holonare enayembonde romau na kunci ikileuboke. Neyae rawembondena, hi yae ha yae ahuneiboi sului. Neyae ahunembondena, hi yae ha yae eraweiboi sului.