Roma 1:30 - Allahle a neme heteungekoke homofae

³⁰ a nene a hufuu huwate, Allahre kena ikele, wali mekai ban, embei aiko, ukaei, nebei yo meli mekai beko naeise ayeukoke, ako nakere oboroyei,

Roma 1:30 ပူးပေါင်းရင်းမြစ်များ

Matius 15:4

Rabuhine ban Allah yae a eleukoke, ‘Ako naekere be hinemmiyembe benen nde yae akore nakere olomo roromilena honaibonde hele.’

Matius 16:21

Nebei heera Yesus huba raweuboke na moisa orowate yore na yaka yae uwoumi, Neyae Yerusalemde ende hele, nane merau Yahudi naei yun-jun naeisa, imam yun-jun naeisa, nane merau Musale walora wali heere foloukoke are isaeyaeiboke kelaeimi yo naeisa, weitasi konainyele beko helen hubannekonde. Nebeisa honaibonde nebeibe ya name nendo Allah yae anennunde.

Lukas 21:16

Ana yae arai yae, aka yae baeke yae, yoho yongko yae, hokolo uneyau wae, mai kelai nenayende. Hiwa yo mbemba mai nolora honaikonde.

Yohanes 7:7

Nda kani kelana wali beko nibine orate yo mare ikele okoi. Nebeibe Rare na ikele hele kaise, rabuhine ban naei me u na beko mo mokate a isaeyaemaelene.

Kisah 5:36

Rabuhine ban, na bena hele ro mbai na ro Teudas elaeyeuboke meke, nauware kaewole. Ro miyae 400 hului nare hakainyekoke, nebeibe haiboke. Na moisa orowate yo here ware weuboke nane merau huba ban haei ban euweuboke.

Roma 2:17

Nauwae, waei uware nda naeise eleyae, “Reyae Yahudi ro miyae, reyae Musale walora wali heere folaikoke huluinye nekale, Allah bele mbainye nekendene uwa kaerele.

Roma 2:23

Musale walora wali heere folaikoke isaeyaeuboke aerene mai uwa bele kaeube. Nebeibe Musale wali heere folaikokere asasi kaeube yae Allahle Rore ane kolaunge!

Roma 3:27

Nebeinye embei aikore komale naeise aere u hele. Naendae mekai, Musale walora wali heere folaikoke are hubara haeisa yanewannene Allah aere wali himalainyeboke ro miyae yae baeume? Nebeinye ban! Eyae Yesus Wali Ondofolo Naei a elelere hila rabo halaendene.

2 Korintus 10:15

Allah yae maere ekinyeiboi kalia hiwa yo yae mokowatere meyae uwa ekaei. Meyae na hului mayae nekaube yo yande ahau buhau sele honate yo yande nebei a foi faeu foi emamihuwengkonde naeise, meyae rabo halaende mai hila rabo elae baranemembe yae meyae mai u nolo u kainye na hului kalia emekai bele emamokonde. Meyae kena okoi hiwa yo yae aimokoukena anine uwa emakaende bele.

2 Korintus 12:20

Reyae buhae hokoufe mai bokore erele heene reyae kenare kale wanen maisa ehubaikoi, nane merau mayae kenare kaube wanen raeisa ehubaikoi. Reyae buhae hokoufe nda u mekaibe mai u nolo u kainye hubaimakonde bele: a kilei-kilei, kena hensen, kena ikele, yoho yoho, a hufuu, a mongko-mongko, u maengkeu, nane merau wali hiyei eraneiboi yae nekaube.

2 Tesalonika 2:4

Nebei ro nansau fele yakambonde heene Allah naei yokeijo na kaban selere yembonde. Neyae mende walobo holona yore nane merau nda kanina kelana eise moloyaimi rambun-rambunde are yae heraweumibonde. Naei me u na beko hele mokombonde nda niyae: Allahle imaebe enensinde, naei imae wanen mae nuwembonde, naei uware Allah yae elende.

2 Timotius 3:2

Rabuhine ban ro miyae na u mekai wa mekai nda ma inyaibonde: naei u mbaise mo kena buhae henaimile, roise kena kaban konate, ukaei sele, ro miyae naei ro foise horonatere kena hele konate, ako nakere oboroi, helen foise eweyei, Allah kenare kole wali mane enekei,

Titus 3:3

Na bere hele aei wali u mekai kobu heene nekewande nda wanen: ro miyae hiwa naei are oboroyei ehakoyei, hiwa yo a ame-ame yanaimeke, aei bekore kena kowande nane merau nda kani kelana foi bele yu bele erande rambun aei walire ikileumekoke, ro kelai miyae kelai hiwa na waline beko benate me u mokowande, ro miyae hiwa yo naei rambun yaromakondere kena haehae kowande, ikele aeise naeise kowande.

Yakobus 3:5

Nda faeu nebei sului mbai. Nda uwa kabanna ahunewoume neyae na kaei-kaei sele hororebe, embei aikore neyae emekai bele eisalewole. Nebei sului mbai i isen kaei-kaei yae o ha kaban na hului i yae bekoube baeufoube.

Yakobus 4:16

Nebeibe nda hee mayae ukaei embei aiko yae kaube elewaube. Nebei u mekai ma na beko hele.

2 Petrus 2:18

Nebei yo a bangka-bangkare na ukaei bele yae huwaimi, ro miyaere a keleyaimi na bekore kena haehae koyate hului mo nekenate. Nebei a keleyaimi walora ro miyae manemfa hele wali beko nibine orate yo holora wekate yore muli yoboyaimile.

Yudas 1:16

Nebei ame-amere kelaeimi ro miyae nda u mekai yae nekate: a mulun-mulun na hibi mo eleyate, naei bekore kena haehae kate huluinye mokate, nauwa bumane kaete, nauwa foi naeise hiwa yore a ame-ame yae kena hawaimi.