Roma 1:21 - Allahle a neme heteungekoke homofae

²¹ Rambun yoni-yoni nuleuboke walora Allahle u mekaise ro miyae rainyeboke hororebe, nebeibe Nare Allah wanen mae hili ehebeyei nane merau Nare helen foi eweyei. Nebei u mekai ma ro miyae na u benebe kobu yaeiboke nane merau Allah yae keleumi are isaeyeiboi sului.

Roma 1:21 ပူးပေါင်းရင်းမြစ်များ

Yohanes 3:19

“Nda u mekai aerene ro miyae ehee bukulu emminoyonde: Allahle wali hena wali nibi ako faeuko hehere naemmile wanen nda kani kelare meke. Nebeibe ro miyae nebei ako faeuko ahi, nebeibe ouben hauben nolone wanen nekenatere kena kowate, rabuhine ban me u beko mokowatene.

Kisah 26:18

Ro miyae hakoumiyende walobo yunbe me kelee u keleene onei sandai bele wali nibira ungaibonde Allahle me kelee u keleene isaei hebaen bele wali nibire menate. Rare hila rabo halenaiselena, naei beko bako Allah faeinyembonde, Allah naei eleukoke ro miyae riyane hammikonde.’ ”

Roma 1:19

Ro miyae nemene Allahle u mekai ma na hului isaeinyaibonde, rabuhine ban Allah Nenaeijae ro miyaere keleumiboke.

Roma 1:28

Bararebonde, nebei yo Allahre ronainyebonde naeise erabuhi ban mae elatene, Allah waeumihike naei u bene beko inyaibonde nane merau na mekai ban me u mokonate.

Roma 11:10

Nebei yo waei kelaemae wali nibi are isaeyeiboi naeise na u benebe kobu emmimokonde nane merau na moko ranne ehee bele rambun mae eumihawende na kambi weijei kaeiboi ban na hibi mo oronayende.”

Roma 15:9

Nane merau Yahudi ban ro miyae Allah yanekoi yase yae ei hawewaimi aerene Allahre hili hebenainyele naeise, Wali Ondofolo meke. Nebei naeise Allahle homofaene Yahudi Ondofolo kaban Daud nda a Allahre ukeunge, “Nebei aerene Yahudi ban ro miyae u nolo u kainye reyae Ware bumane ereikaenete nane merau Wa Ro foi naeise koi yae bae yae ereikote.”

2 Timotius 3:2

Rabuhine ban ro miyae na u mekai wa mekai nda ma inyaibonde: naei u mbaise mo kena buhae henaimile, roise kena kaban konate, ukaei sele, ro miyae naei ro foise horonatere kena hele konate, ako nakere oboroi, helen foise eweyei, Allah kenare kole wali mane enekei,

1 Petrus 1:18

Rabuhine ban mayae maisaei, abu naei arai naeitena ani ban wali mare kinyewayembe nekawekera Wali Ondofolo Naei eba he yae eyaroikoi sului, nebeibe ha yae yarongkokembe. Eba he na hului beko mokonainyebonde, emas bele perak bele wanen. Na bere Yahudi ro miyae naei beko bakore domba kelu ha yae faeinyewaimi wanen mae Wali Ondofolo Domba Kelu na uwa baengko hele ma kalo ban sele wanen haiboke, Naei ha yae mare yarongkokembe.

1 Petrus 2:9

Nebeibe mayae nebei wanen ban. Mayae Allahre onewaungene ouben hauben nolone nekewaube hee, Allah kaenengkokembe nebei walira maubaleke, Naei hehe foi sele nolone maweuboke. Ro miyae bene Allahre buma kaennele naeise, Allah mare elembokembe nda ma ro miyaere yembombere: Wali Ondofolole imam holona ro miyae, Allahre mo ei molainye yohona ro miyae, Naei holona hele ro miyae.

Wahyu 14:7

Nebei malaikat a elaekei sele kaenele, “Allahre fe faenne, hili hebenne, rabuhine ban Allah ro miyae naei walire hului kolommikonde hee na hului yeubokene. Nare ei molonne! Neyae buma a bele bu yau bele rotebu yoni-yoni bele mokouboke Kiyae.”

Wahyu 15:4

Tuhan, ro miyae nemene fomene Ware huba haeisa yanayete, nane merau Waei Rore hili hebayete. Rabuhine ban Tuhan, Wembai sele nene waewae bele. Kani yoni-yoni nemene hokonaimende, Ware ei molonayete, rabuhine ban Weyae na ijen bangka mo mokowoyae naeise yakauboke.”