Roma 1:10 - Allahle a neme heteungekoke homofae

¹⁰ Na yane baei nda a riyeyanale, “Allah, Weyae kena koyaena, nibi weungende nda hee nebei Roma yona ro miyae ereiboise erele.”

Roma 1:10 ပူးပေါင်းရင်းမြစ်များ

Kisah 18:21

Kulunde wende hee yae wa weumi, “Allah be hinembondena, reyae ndare benen merele.” Nebei ara ukeumi, Efesus yora kulun uke bu waka kabande ewole.

Kisah 19:21

Nebei iwau yoni-yoni yaeikokera Paulus nenaeijae a hokoukoke ende Makedonia kanira Akhaya kanira Yerusalem yore ende. Paulus yae elele, “Yerusalem yone ororekondera, reyae Roma yore erele hele.”

Kisah 21:14

Paulus maeinya a uwannelere oboroinye, meyae benen a usaei elei. Meyae elande, “Ninae ya, Tuhan naei kenare kole huluinye yembonde.”

Roma 15:29

Reyae raeisaei mai bokore erele hee, mai kalo moloungkokembe hului Wali Ondofolo raei walora na hului mokonembombe.

1 Korintus 1:1

Onomi foka, Allahle jemaat Korintus yona nekaube. Mayae Yesus Wali Ondofolo bele mbainye nekaube yae Allahre kena foise mokaunge u mekai bele nekeyembe. Mare Yesus Naei eleuboke wekeunge holona yo wanen u mekai nekemembere kaenengkokembe ro miyae naeise, nane merau makei-makeinye nekate Tuhan Yesus Wali Ondofolo yae hakommibondere kaeneyainye yo nanemene naeise, nda homo moloukokale. Eyae nemene Yesus Tuhande kaenannele. Reyae Paulus Allah kena koukoke hului kaeneufekoke Yesus Wali Ondofolole abu akore yeubokale kiyae bele aei aka baeke Sostenesle mare ro melaeyembe.

1 Korintus 4:19

Nebeibe Tuhan kena kongkondena, reyae na heki ban sele mai bokore erele. Nebei hee yae wa nebei u maengkeufe kate yo naei a elatere reyae isaeisebonde nane merau Allahle Roh yae elae ikeumi, eyei ererebonde.

Filipi 4:6

Benate yakanate rambunde buhae ohokoijae. Nebeibe mai kenare kaube ma nanemene ebeli yae Allahre riyennele. Nebei ebeli bonnele mbai einye Nare helen foi wennele.

1 Tesalonika 2:18

Nebeinye meyae benen hubaimakondere relaennele. Reyae, Paulus, roko mbemba releukokanale bukerehindere, nebeibe walobo yun mae maere hee neumehake.

Filemon 1:22

Filemon, nane merau nda mon reyae riyawale raei erenekende anuwau bele waei imaene mokoungehande. Rabuhine ban reyae rabo halaele waei imaene arilesiyate jemaat ebeli baungele huluinye na heki ban mo kawara hainyaisekonde, reyae mai bokore erele.

Ibrani 13:19

Raei u mbai naeise mare riyamale, reyae hasale holo mai bokore bukensehinde erele naeise Allahre ebeli bonnele.

Yakobus 4:15

Naeinya hesele nda wanen mae mayae elembe, “Tuhan kena kommekondena meyae wali emanekende, ndi rambun bele nda rambun bele na hului emamokonde.”