Matius 8:29 - Allahle a neme heteungekoke homofae

²⁹ Yesus naei fainyoke hee, hokolo bee naei nekewote anuwaufa meibaleke Yesusre hubainyekondere mewote, na kali bele kaenewoinye, “Allahle Kelu, Weyae ndare na ijen ban sele mekae! Allah bekore mokoumelere merau raungehike ya na hului eyeiboi tonbe.”

Matius 8:29 ပူးပေါင်းရင်းမြစ်များ

Matius 4:3

Nebei hee yae walobo yun meke mo Yesusre weunge, “Weyae na hele Allahle Keluna, mana nda ruka yoni-yoni honate weimi, ‘Ramande yaeibo.’ ”

Matius 8:30

Nebei anuwaufa ahau fele ban, obo helen sele ramanne anewate.

Markus 1:24

“Yesus Nazaret yona ro, rahere weyae mekae? Bekore mokoumebondere? Reyae raeisaei weyae Allah yae eleubokete ukete mekae Kiyae.”

Markus 3:11

Ro uwa miyae uwana walobo Yesusre ereungene na bene meutuwele kali yae kaenele, “Weyae Allahle kelu!”

Markus 5:7

Yesus yae weunge, “Walobo, nauwa bulura etuwe!” Nebeinye nebei ro kali elaekei sele kaenele Yesusre weunge, “Yesus, Allah na bumana hele Kiyaele Kelu, Weyae rahebe rare mokoufebondere? Allahle ro yae riyawale rare weitasi okoisemae!”

Lukas 4:34

“Yesus Nasaretna Ro rahere maere mokoumebondere? Weyae maei hoikoise mekae? Reyae Ware raeisaei! Weyae nene waewae Kiyae Allahlera mekae!”

Lukas 4:41

Nebei alo yoni-yoni ro miyae une nekayeke nele bele balayeke kaenayeke, “Weyae Allahle Fa hele ya!” Alo yoni-yoni naeisaei Yesus Wali Ondofolone, nebei alo yoni-yonire Yesus oku yae rorowoumi a elenatere a hun kolowoumi.

Lukas 8:28

Roko yae roko yae alo yoni-yoni na aweiso-aweiso mo koyeunge. Naendae menen horo na me oro rantai yae rinainyekoke nane merau hiwa yo kayaa hebewatebe, hokoikoyole hayeikoyole, alo yae yaweisoyounge a kala-kala kabanire eyewote. Yesusre erekeungene, kali nekai kaenewole meke, na bene oro selen-selen mae roroukoke. Na u buluna alore Yesus ukeunge eukukene, nda ro kaenele, “Yesus Allah Hubalo Mando Na Fa, rahere rare mokoufebondere? Reyae riyawale rare beko omokoisemae!”

Yohanes 2:4

Yesus yae weunge, “Ana, Raei uware yakarebonde ya namman donbe. Nebeise mokorebondere rahene Rare warae!”

Kisah 16:17

Nebei maengke Paulus maengkele mewande moisa na hibi-hibi mo hakoumeboke. Na kali bele kaeneumeke elele, “Nda ro miyae Allah Hubalo Mandole yobe mate! Wali hole molombombe mekai keleikoise mate!”

Yakobus 2:19

Weyae na hele eleyae Allah mbai ken sele. Nebei foi sele. Nebei sului mbai walobo yoni-yoni Allah mbai yae elate nane merau nebei aerene kulu wai rokate kate.

2 Petrus 2:4

Allah yae beko bakore mokowate malaikat-malaikatre ehee bukulu hayeumikoke. Nare anuwau ouben hauben helene hayeukoke ha elaekei sele yae ikileumikoke, hebenayende Allah mere nommiyonde yane.

Yudas 1:6

Nane merau u mekai beko bele mokaikoke malaikat yoni-yoni Allahle me kelee u keleena me mokowaimi yo Allah mbai yae ro baewaimine, angken bumana nuwewatera nukaiboke. Nebeinye Allah nda malaikat holonare hubara haeisa elae bele rantai yae wowo koumikoke, ouben hauben anuwaunge hayeukoke ende Wali Ondofolo benen mende nare me nommiyonde.