Matius 4:4 - Allahle a neme heteungekoke homofae

⁴ Nebeibe Yesus yae weunge, “Allahle homofaene nda wanen mae molaikoke, ‘Ro miyae raman elaene mo wali enekei, Allahle Naei a elelere hakate walora ro miyae na hului walire nekenate.’ ”

Matius 4:4 ပူးပေါင်းရင်းမြစ်များ

Matius 15:11

Euwa eise ate rambun mae nikire olei, kena u einya euwa walora baleimeyate yaere ro miyaere nikire olaeimi.”

Matius 4:10

Yesus yae walobo yunde a elae lon mae haeungeboke weunge, “Walobo, raei bera nundeye howaleye! Allahle homofaene nda wanen molaikoke, ‘Allah waei Tuhan, ei moloungele nane merau Naei a elele mo hakoungele!’ ”

Matius 4:7

Yesus yae walobo yunde weunge, “Allahle homofaene nda wanen molaikoke, ‘Allah waei Tuhan Nare weyae umali ehubainyemae!’ ”

Markus 7:20

Benen Yesus weumi, “Ro naei miyae naei kena ura balenate rambun yaere naei u mekai bekore nikire olengkonde.

Lukas 4:12

Yesus yae weunge, “Allahle homofaene nda a moloukoke, ‘Tuhan waei Allah, me u hire kelembondere u wabu-wabu wanen mae ewabeinyemae.’ ”

Lukas 4:4

Nebeibe Yesus yae weunge, “Allahle homofaene nda a moloukoke, ‘Ro miyae raman anatene mo ban wali nekate.’ ”

Lukas 4:8

Yesus benen beungehoke weunge, “Allahle homofaene nda a moloukoke honole, ‘Tuhan Waei Allah mbaise mo ei moloungele, Naei kaliare mo mokole!’ ”

Yohanes 15:26

“Mare holenemembe Kiyaere Reyae Maekolera mai bokore ufende mende. Nebei Roh na hele no yeuboke, Maeko wennele abe mokole. Nebei Roh yae Raei naei a isaeinyemile.

Yohanes 6:63

Allahle Roh yae walire yeyeumi. Uwa melen na hele rabuhi ban yaeiboke. Allahle Roh yae Raei eleukokale a walora mare huwembe, wali hena bona inyembe.

Roma 15:4

Kena yae heraumayende yae Wali Ondofolore hila rabo haleyanne walora nane merau Allahle homofae isaei-isaei isaeyaende walora eyae rabo elae halemande Allah nuleungekoke a huluinye mokonde. Nebei wali mare kelewaime naeise, Allahle homofaene a faeu yoni-yoni na bere yae molaikoke.

Efesus 6:17

Maehae mbai nendo, Yesuslena wali hena bona wali nibire ehe kombe. Romawi felayo hokoma elaekei sele feleikoyate yae naei yun holere molowate. Nebei wanen mae mayae Yesusle wali hena nibire ehe kaube ro miyae walobo naei ame-ame are oboroyei. Allahle Roh mare wembe a yae walobore wennembe. Romawi felayo ramiyaeli yae felayo hire beko mokowaimi wanen mbai, Allah Naei elele a yae na hului mokonnebombe walobo yoni-yoni heraeyemmihimbe enate.