Matius 4:14 - Allahle a neme heteungekoke homofae

¹⁴ Allahle yendo kayaalo Yesaya yae eleukoke a na hului yembondere nebei kanine Yesus ekenekewole.

Matius 4:14 ပူးပေါင်းရင်းမြစ်များ

Matius 1:22

Allahle ako faeuko Naei yendo kayaalo Yesaya yae eleukoke na hului yembonde naeise nda rambun bewate.

Matius 2:15

Mesir kanine mo nekewate Herodes hereke hee yae bukaiboke Israel kanire mewate. Nda rambun bewate walora Allah yae Na yendo kayaalo Hoseale walora homone moloukoke huluinye yeuboke. Nebei a nda mekai moloukoke, “Mesir kanira Raei Kelu kaenerengkonde.”

Matius 2:23

Nebei kanire ekate, yo mbai na ro Nazaret, nebei yone ekainyekewate. Allahle yendo kayaalo Yeremia yae Yesusle are moloukoke na hului yeuboke. Nebei a nda mekai moloukoke, “Nare Nazaret yona ro yae enainyeronde.”

Matius 26:54

Allahle homofaene nulainyekoke rambun na hului sului benaterene nebei malaikat yoni-yoni emei nekate.”

Matius 26:56

Nebeibe nda mekai baete rambun nanemene yenjo kayaayo naei homofae einye molaikokere na hului yembonde.” Nebeisa na moisa orowate yo Yesusre nanene nukainyeboke na fere-fere habeleyeke.

Matius 4:15

Yesaya nda a mekai moloukoke, “Zebulonbe Naftalile kani Galilea bumoko wai reufina honate. Naubure ende nibi naei kani Yahudi ban ro miyae nekate anuwau.

Matius 8:17

Nda bewate walora Allahle yendo kayaalo Yesaya yae nuleungekoke a na hului yeuboke. Neyae nda a mekai moloukoke, “Neyae aei era buloo nemene fomene onomire ikeume kiyae.”

Lukas 22:37

Allahle homofaene Raei naeise nda a molaikoke, ‘Nare u hila wa hila ro yae elenaikonde.’ Nebei a Raei uwane yembonde hele. Allahle homofaene Raei uwa naeibe molowate hului na hele benate eraube.”

Lukas 24:44

Yesus weumi, “Rangkele mbainye orowande heene nda abe uwamale, Musale homofae moloukoke bele Allahle yenjo kayaayo hiwa molaikoke bele Mazmurne moloukoke bele nebei a nemene hului Raei naei molowate na hele benate bangka mo.”

Yohanes 15:25

Nebeibe Rare nebei holona ro miyae ikele kaise yae wali heere foloukoke homofae a naei naeise na hului yeuboke. Nebei homofae nda wanen molaikoke, ‘Nda yo aere ban mae Rare ikele kaise.’

Yohanes 19:28

Yesus naeisaei, benate rambun nanemene na hului yaeiboke. Allahle homofae molaikoke na huluise mokonnebonderene, Yesus elele, “Reyae bukibe kale ya.”