Matius 24:14 - Allahle a neme heteungekoke homofae

¹⁴ Nane merau Raei me kelee u keleene nekenate yo holone ro miyae na hului enayembonde, wali hena bona yaronaikonde naei a foi faeu foi nda kani kelana ro miyae boronaibonde naeise, enaisuwengkonde huba enainyemokongkondera, nebeisa wa huba mokoikoi ya menyakambonde.

Matius 24:14 ပူးပေါင်းရင်းမြစ်များ

Matius 10:7

Nda abe huwemmile: Allah yae merau raungehike ya Naei holona ro miyae Wali Ondofolole me kelee u keleene menayorulembonde nekenate naei ya nobeungekoke.

Matius 18:19

Benen Reyae wamale, nda kani kelane mai nolona ro bee rambun mbaise na kena mbai yae riyeneisindena, nebei a boneinyele Maeko Surgana nekele Kiyae nebei rambun emmimokombonde.

Matius 24:3

Nebeisa Zaitun mokone ikate Yesus angken nuweuboke nekewole hee, na moisa orowate yo na mo-mo nekewate yae are hinenainyehinderene Yesusle bokore mekate mo hinainye, “Maere yakaimebone, nda a eleyae makei hee yae nanemene enaibende enaiyakande? Rahe iwau wae Waei mele naei ya bele nda kani kela huba mokoungele naei ya bele yen kolonde?”

Matius 24:6

Buloo fela kulun relennele nane merau fela oinyaibonde relenainyele a yo-yo mayae emborombe, nebeibe uwa mekai bele nekembe, isasa alalobe okoijae. Rabuhine ban nda a wamale nanemene enaijembonde, nebeibe huba mokoikoi ya namman.

Matius 4:23

Yesus Galilea kani yanewole na Allahre ei mom-mom imae hine hine ro miyaere nda a foi faeu foi huwoumi: Allah merau raungehike ro miyae Raei me kelee u keleene nekenatere wali hena bona inyemile. Nebeinya ro miyae era buloo na mane-mane kowate yore Yesus onomi iwoumi.

Matius 9:35

Yesus yo ran yo randa oroweke, Yahudi naei Allahre ei mom-mom imaene nda a foi faeu foi huweumiyeke, “Allah merau raungehike ro miyae Raei me kelee u keleene nekenatere wali hena bona Allah inyemmile.” Nane merau erana buloo u ranna u buluna kayeke yore Neyae onomi yeumiyeke.

Markus 13:10

Nane merau huba mokoikoi ya emei yae Raei a foi fae foi nda kani kelana nanemene hungaimile hele.

Lukas 2:1

((Yohanes hongkate heera oko mehine mbai nekaikoke hee yae)) Kaisar Agustus ukeumi Roma kani kabanna ro miyae nemene mere nulenaibondere.

Lukas 24:47

Nda kani kela nemene forilengkonde Yerusalem yora bere huba raungaibonde nda a Wali Ondofolole Ro randa hungaimile, ‘Ro miyae nde na beko bakora nulu kennebondena, Allah naei beko bakora faeinyemmibonde.’

Lukas 4:5

Nebeisa walobo yun Yesusre yaweungehoke anuwau mbai na bumare hele ekete, u hale me hale nda kanina kela Yesusre keleungeboke.

Kisah 11:28

Nebei yo nolona mbai na ro Agabus. Allahle Roh yae a weunge walora a relen harewole, nda kani kela Israel moni mai kaban sele memminendere. (Na hele Ondofolo Klaudius yae hebewole hee yae yeuboke.)

Kisah 17:31

Rabuhine ban, Allah ukeunge ro mbai yae nda kani kelana nekate ro miyae naei walire na ijen mae hului kolommile naei ya mbai mokoungehake. Allah here yo nolora huluise kolommile ro aungenuke walora ro miyaere keleumikoke nebei ya na hele bende.”

Kisah 17:6

Ehubayeikoinye, Yason nane merau Yesusle einye aka baeke hiwa yo belere nebei yona ondofolo kose bere muli yae yobayeke ewate. Na kali bele kaenate, “Nda yo a hine a hine akure mokoimeyaimi hoimeyate! Mana ya aei yo eise mayeuboke.

Kisah 19:27

Maei kalia mokande ro beko yembonde. Nebei mo ban, walobo Artemis ro ban yembonde naei nekele imae erabuhi ban mae elenaikonde, erabae Asia kanine mo ban, eke meke nda kani kaban kela kabanna ro miyae nare buma kaeyainye, nare ro royainye.”

Kisah 20:25

“Mai bokore ninae orowale Allah merau raungehike Naei holona ro miyae Yesusle me kelee u keleene nekenate a faeu huwamale borokaube yo nemene, nda hee reyae raeisaei benen mangkele ehubayeikoi nekemande.

Roma 10:18

Nebeibe Yahudi ro miyae naeise naendae mekai yae elerekonde, Wali Ondofololena a foi faeu foi huwatere oboroiboinye? Boraiboke hele, rabuhine ban Allahle homofaene Wali Ondofololena a foi faeu foi huwate ro miyae naeise nda wanen molaikoke, “Ro miyae ekainyekate anuwaunge bele, nebei a foi faeu foi aimihuweukoke. Nane merau nebei a foi faeu foi, nda kani kela na hubane haeinye ainyehayeukoke.”

Kolose 1:6

Nebei heera isaeyaeuboke na hele Allah mare kena buhae aere ban mae heyembene me u foi mokoimeyaube, nane merau Wali Ondofolore hila rabo halaeinye ro miyae helen baraimeyate. Nebei wanen mbai baete makeinye makeinye ro miyae Yesusle a foi faeu foise eiborate ijenne.

Ibrani 1:6

Nane merau Allah Na Kelu Hina Fa Hoi Fa nda kani kelare yakaumiboke hee, Allah nda mekai yae eleukoke, “Allahle malaikat nemene Nare ei molonainyele hele.”

Ibrani 2:5

Eyae are elande kani kela neme ennenulengkonde Kiyae mere enaimimokonde naeise malaikat yoni-yonire Allah ekinyeiboi.

Wahyu 14:6

Reyae erale malaikat hi kayeero buma hosoro yaku eite meitera nakeukoke. Nda kani kelana ro miyae nemene, kani kela yoni-yoni, afaeunge yoni-yoni, yohone yoni-yoni, nemenere huba ban haei ban hononate a foi faeu foi huwemmikonde.

Wahyu 16:14

Nda yo walobolena nalire yaeiboke, rambun emere-emere mokate. Nebei nali name ekate ondofolo yoni-yoni nda kani kelana nanemene arilenaimihindere Allah Elaelo Wakelo Naei ya kaban a hokoukokene felare relenainyelere.

Wahyu 3:10

Raei a eleukokale huluinye beko hubawaungele hororebe, no ban hee ban hakowaufe. Nebeinye nda kani kelana nekate yore umalire beko yae mennende hubanainyele heene, Reyae mare kayaa heberembe.