Matius 21:21 - Allahle a neme heteungekoke homofae

²¹ Yesus yae weumi, “Reyae nana heselebe wamale, Mai hila rabo kena wauwau banna, mayae na hului nda ara nore ukanale kalaukoke ma mokombombe, nane merau nebei mo ban. Mayae na hului nda mokore wennele, ‘Weije naubune eituwe,’ nebei rambun na hului enaibende.

Matius 21:21 ပူးပေါင်းရင်းမြစ်များ

Matius 14:29

Yesus yae weunge, “Meinye.” Petrus nebei kai eisa bu ranne owakouboke aloungekoke Yesusle bokore eke.

Matius 17:20

Yesus nda yore weumi, “Ma hila rabo kalo molombene. Nebeinye mare wamale nana hesele mai hila rabo sawi ko hului honayembe yae mayae na hului nda mokore waungele, ‘Nda anuwaufa ndire yae nakeleisi,’ nebei moko nakeleufiube. Mayae hila rabo halemmembena, na hului rambun kaban sele mokombe.

Matius 21:20

Na moisa orowate yo iwau eme hele mokouboke erewatene fa yae bowate nebeisa elate, “Naendae mekai yae nda ara no na roko mbai sele kalaukoke?”

Matius 8:12

Nebeibe Yahudi ro miyae helen moinya ouben kika honolene hainyaikonde. Nebeinye rime bele a bele konate nane merau beko hubanainyelene heraa kili-kili enaikonde.”

1 Korintus 13:2

Allah weufe are hufemile meli mekai bele nekalena, nane merau Allah nunne heraweuboke honate yoni-yoni raeisaei bangka mona, isaei hebaen yoni-yoni nanemene isaeyeubokalena, nane merau raei hila rabo elaekei sele huluinye elu yoise ufende raneije a hire nakeleisi eube hororebe, nebeibe reyae hiwa yore kena buhae u buhae ehei, reyae rabuhi ban mae nekale.

Yakobus 1:6

Nebei isaei hebaende riyensinde ro miyae Allah yennelere hila rabo halende hele, kena u wauwau okoi yae. Rabuhine ban ro miyae kena u wauwau koyate yo naei u mekai nau buna alu raweiboyole ruwae boye yae ndire ndare kounge wanen.