Matius 21:11 - Allahle a neme heteungekoke homofae

¹¹ Ro miyae yae elate, “Nebei niyae Yesus Galilea kani Nazaret yona yendo kayaalo.”

Matius 21:11 ပူးပေါင်းရင်းမြစ်များ

Matius 2:23

Nebei kanire ekate, yo mbai na ro Nazaret, nebei yone ekainyekewate. Allahle yendo kayaalo Yeremia yae Yesusle are moloukoke na hului yeuboke. Nebei a nda mekai moloukoke, “Nare Nazaret yona ro yae enainyeronde.”

Matius 21:10

Yerusalem yo eise eweufike hee ro miyae yeufike, eisine meisine hinate, “Nda ro nde?”

Matius 21:26

Nebeibe eyae umande, ‘Nda ro miyae naei ro yae,’ eyae nda ro miyae helen boronaibondere buhae hele hokoume.” Rabuhine ban ro miyae nanemene hele nda Yohanesre Allahle yenjo kayaayo holona yae elatene.

Matius 21:46

Nebeinye Yesusre ikilenaibonde naei nibine baewate. Nebeibe ro miyae helen Yesusre Allahle yenjo kayaayo holona ro hi yae bene nekewaimine, nda yo Yesusre ikilenaibondere buhae yae hokowoumi.

Markus 6:15

Hiwa yo yae elate, “Neyae Allahle yendo kayaalo Elia!” Hiwa yo elate, “Neyae yendo kayaalo hi bena yenjo kayaayo wanen.”

Lukas 13:33

Nebei aerene Reyae nda hee, wahenare, ya hende alorengkondere, rabuhine ban na mekai ban sele Allahle yendo kayaalo mbai sambai Yerusalem yo moinye herende.

Lukas 24:19

Yesus yae hineumi, “Rahe rambun?” Hokolo bee yae weinye, “Nebei Nasaret yona ro Yesus. Neyae Allahle yendo kayaalo mbai. Naei a faeu bele Naei me u bele walora Allah na hele ukeunge meke naeise yakaungeboke nane merau ro miyae isaeyaeiboke Neyae Allahlera.

Lukas 7:16

Nebeinya ro miyae fangkengke yae bowate, Allahre buma kolowainye. Nebei yo yae elate, “Yendo kayaalo kaban mbai aei nolone meuwakauboke, Allah Na ro miyaere hakommibonde naeise meke!”

Lukas 7:39

Farisi holona ro Simon Yesusre ramande riyeungehike meke kiyae nebei wanen ereubokene na kena eisa elele, “Nda ro ramanne anende kiyae na hele Allahle yendo kayaalona, nda maengke na wali beko ma nemene isaeyembonde.”

Yohanes 1:21

Neyae benen hinainye, “Nebei wanenna, weyae nde? Allahle yendo kayaalo Elia era?” Nebeibe Yohanes yae weumi, “Niyae ban.” Nebei yo yae benende hinainye, “Weyae Allahle yendo kayaalo kaban mendere meyae rakanne kiyae era?” Nebeibe Yohanes yae weumi, “Niyae ban.”

Yohanes 1:25

Nebei yo yae Yohanesre hinainye, “Weyae Wali Ondofolo ban, Allahle yendo kayaalo Elia ban, nane merau Allahle yendo kayaalo meyae rakanne kiyae ban donbe, ndele ro yae weyae bu kamae?”

Yohanes 4:19

Nda miyae yae weunge, “Tuhan, mana na yaka hele reyae hubanale, na hele Weyae yendo kayaalo na hi niyae.

Yohanes 6:14

Nebei ro miyae rambun emere-emere mokouboke erewatene elate, “Nana hesele nda Kiyae Niyae Allahle yendo kayaalo nda kani kelare mendere elewate Kiyae.”

Yohanes 7:40

Yesus yae elewole a borowate nolona ro miyae hiwa yo yae elate, “Wali Ondofolo mende naeise bere holo yae mende yendo kayaalo, nda niyae hele.”

Yohanes 9:17

Nebeisa Farisi holona yo yae nebei rore benen wainye, “Waei ijoko foi mokouboke aerene nebei Kiyaele naeise, weyae rahe ma yae eleyae?” Nebei ro yae weumi, “Raei u benera nekeufe nebei Kiyae yendo kayaalo.”

Kisah 7:37

Nda Musa mbai yae Israel ro miyaere uwoumi, ‘Allah yendo kayaalo mbai raeinya wanen ro hi mai nolora wennele mende.’