Matius 16:6 - Allahle a neme heteungekoke homofae

⁶ Yesus yae weumi, “Farisi holona bele Saduki holona bele yo naei ragire mauwa kayaa bele hebembe.”

Matius 16:6 ပူးပေါင်းရင်းမြစ်များ

Matius 16:1

Ya mbai Farisi holona yo bele Saduki holona yo bele riya mbai mekate Yesusle bokore u malire hubanainyehindere. Nda yo yae Allahle elae naei iwau mahi eme helere Yesus kelemmibondere riwainye.

Matius 16:11

Naendae mekai tonne mayae isaeyeiboi sele, feu naei abe Reyae eharaiboi eleikoi! Reyae wamale, Farisi holona bele Saduki holona bele naei ragire mauwa kayaa bele hebembe.”

Matius 16:12

Nebei mekai a Yesus ukeumine, na moisa orowate yo isaeyaeiboke Farisi holona Saduki holona yae kelaeimi a usaei uwa kayaa hebenate, ragi hele ban.

Matius 16:5

Yesus na moisa orowate yo bele bukoba reufine fokate yae nda yo u bene nekeumihike feu na mene oroweifoi.

Matius 16:7

Yesus nebei a mekai eleukoke borokatene, na moisa orowate yo hi yae hire weunge, “Eyae feu orowei meinye Yesus ndi a mekai haraungeboke elele.”

Matius 3:7

Yahudi era henare na bereise eraimi holo mbai Farisi yae ro raimiboke yo nane merau nulu yo mahe yora benen ewaleiboi are kelaeimi Saduki yae ro raimiboke yo helen sele bure kowoumi anuwaufe mekate. Nebei yo erekeumine Yohanes yae weumi, “Mayae rami ehekaei wanen hangkei, faeu kai bee. Allah mare ehee bukulu inyembombe belene mai walire himalonnebombe naeise, nde yae mare angkaa yobombokembe?

Markus 8:15

Bumokone fowate yae Yesus weumi, “Kayaa hebembe! Farisi holona bele Herodesle holona bele naei ragi.”

Lukas 12:1

Ro miyae nekai sekai sele kilin-kilin hoi-soi, oro hi ran hi ranne hebayeke. Nanene hebate wa Yesus na moisa orowate yore weumi, “Farisi kelaeimi are kayaa foi yae hebembe. Rabuhine ban naei u mekai be bee bele yae nekate. Ragi ebi ken mokounge tepung kaban ohulembonde wanen Farisi yae a kelaeimi na hului mokonaimile ro miyae helen u bene beko nekenaimile.

Lukas 12:15

Nebeinye nekewate ro miyaere Yesus yae weumi, “Mauwa foi yae kayaa hebembe, kuikui maemaere kena haehae okoijae. Naendae wanen horore ro mbai kuikui maemae nolone nda wali heki nekeweube, nebei kuikui maemae yae nare wali foise eyei.”

Yohanes 4:33

Na moisa orowate yo hi yae hire hineunge, “Naendae wanen, Neyae anengkonde eraman ro miyae roukate mekatene era?”

Galatia 5:9

Mare wabayembe yo ragi wanen mae a ahunerebonde. Ragi ebi ken selebe tepung kabanne aleiboyate, nebei ragi yae tepung nemene hoiboyole. Naei wanen mbai nebei a faeu wabayembe na hului moi hurenembe wali nibi na ijen bande hakomembe.