Matius 14:33 - Allahle a neme heteungekoke homofae

³³ Kai einya yo Yesusre ei molowainye wa elate, “Nana hesele Weyae Allahle Kelu.”

Matius 14:33 ပူးပေါင်းရင်းမြစ်များ

Matius 14:32

Hokolo bee kai einye yeisaweiboke bele alu bele na hibi kalaungeboke.

Matius 15:25

Nda miyae Yesusle bene oro selen-selen roroukoke mo weunge, “Tuhan, rare hakoisobo.”

Matius 16:16

Simon Petrus yae weunge, “Weyae Niyae Allah yae oro umaufe heraweubokete Wali Ondofolo, Allah huba ban haei ban nekeimeyele Kiyaele Kelu.”

Matius 17:5

Petrus ane weunge hee mangko hehe yae nda yore oumifelemboke. Nebei mangko eisa a borate, elele, “Nda Niyae buhaere haenale Fa, Ra kena foise mokoufe Kiyae. Nare mo boronnele!”

Matius 2:11

Nebei imaene ayeuboke nebei Fa melae nenake Mariale nekewote hubayaeikoke, uwa are nihaeinyehike ei molowainye. Na run kangke wewe molaimiboke, na hili era akau era foi sele yarowate, nebei Fare kolowainye. Nebei rambun nda niyae: mas, kemenyan, mur.

Matius 26:63

Nebeibe Yesus a elei mo hebewole. Nebeinye imam kaban mae Yesusre weunge, “Allah Walilole bene wawale maere weimena, Weyae Wali Ondofolo, Allahle Kelu Niyae?”

Matius 27:43

Neyae na hila rabo Allahre haleungeke nane merau eleweke Niyae Allahle Kelu. Nebeinya nda hee Allah kena kolena hole molonnebonde.”

Matius 27:54

Fela yun na u keleene yo bele Yesusle kayaane hebewate oinyeu hineubokere nane merau nanemene yaeiboke rambun erewatene buhae hele hokoumiboke, elate, “Na hele nda Kiyae Allahle Kelu.”

Matius 28:17

Ndine Yesusre erekainyele nda yo ei molowainye, nebeibe arilewounge nolona hiwa yo na kena wauwau hele kowate.

Matius 28:9

Nebeisa habeleyeke hee yae Yesus nda miyae bee bele huhu baikoke. Yesus yae ro melaeyeumiboke weumi, “Mai foi.” Nda miyae bee Yesus na bokore mekete, oro selen-selen roroikoke, norora aeinyefoke, ei molowoinye.

Matius 4:3

Nebei hee yae walobo yun meke mo Yesusre weunge, “Weyae na hele Allahle Keluna, mana nda ruka yoni-yoni honate weimi, ‘Ramande yaeibo.’ ”

Markus 1:1

Allahle Kelu Yesus, Wali Ondofolo Kiyae, Naei a foi faeu foi nda na huba raweiboi.

Markus 14:61

Nebeibe Yesus a mbai sambai ewei, maleu mo hebele. Imam kaban benen hineunge, “Weyae Wali Ondofolo, Allah yae oro umaufe heraungeboke Wali Ondofolo, Allahle Kelu Niyae?”

Markus 15:39

Yesusre baikoke ohali bene fela yun hebewole. Yesus ele kaeneukoke borouboke, na here ma erewolene, elele, “Nana hesele nda Allahle kelu!”

Lukas 24:52

Nebei yo Nare ei molowainye, nebeisa uwa roweumihike yae Yerusalemde bukaiboke ewate.

Lukas 4:41

Nebei alo yoni-yoni ro miyae une nekayeke nele bele balayeke kaenayeke, “Weyae Allahle Fa hele ya!” Alo yoni-yoni naeisaei Yesus Wali Ondofolone, nebei alo yoni-yonire Yesus oku yae rorowoumi a elenatere a hun kolowoumi.

Lukas 8:28

Roko yae roko yae alo yoni-yoni na aweiso-aweiso mo koyeunge. Naendae menen horo na me oro rantai yae rinainyekoke nane merau hiwa yo kayaa hebewatebe, hokoikoyole hayeikoyole, alo yae yaweisoyounge a kala-kala kabanire eyewote. Yesusre erekeungene, kali nekai kaenewole meke, na bene oro selen-selen mae roroukoke. Na u buluna alore Yesus ukeunge eukukene, nda ro kaenele, “Yesus Allah Hubalo Mando Na Fa, rahere rare mokoufebondere? Reyae riyawale rare beko omokoisemae!”

Yohanes 1:49

Nataniel yae weunge, “Guru, Weyae Allahle Kelu, Israel kanina ro miyae naei Ondofolo.”

Yohanes 11:27

Marta yae weunge, “Tuhan, reyae Ware hila rabo halaewale, Weyae Allahle Kelu, Wali Ondofolo nda kani ei kela eise mendere elewate Kiyae.”

Yohanes 17:1

Nebei a usaei wasaei huba mokoungekokera, Yesus yakure yae be weuweke wa elele, “Arai, nda hee na ya na hului meujeuboke, Ako Reyae Wa Kelu Niyae Ware hili ereisebeite naeise Rare hili hebeise!

Yohanes 19:7

Yahudi ro miyae yae wainye, “Maei wali heere folaikoke honaime huluinye bae Neyae herende hele, rabuhine ban Naei uware Allahle Kelu yae eleukokene.”

Yohanes 6:69

Weyae wamae a hila rabo halewande nane merau isaeyaendeboke Weyae mbaibe Allahle u mekai wanen Kiyae, Allahlera mekae.”

Kisah 8:36

Ewote nibi nolone bu koba mbai kelaeunge mo, nebei Etiopiana ro yae weunge, “Ndire ereibo, bu koba nare yale! Bu koufebondere raei kena kale, nebeibe raei walina rahebe kalo moloufe?”

Roma 1:4

Nare herewate yo u nolo u kaisa aungunuke yae Allah elae wake belere keleumiboke, nebei Kiyae Naei Kelu helere yeuboke nane merau Allahle u mekai mbaibe nekele. Naei Kelu aei Tuhan Yesus Wali Ondofolo.