Matius 10:3 - Allahle a neme heteungekoke homofae

³ Filipus, Bartolomeus, Tomas, Matius pajak arileweke kiyae, Yakobus Alfeusle fa, Tadeus,

Matius 10:3 ပူးပေါင်းရင်းမြစ်များ

Matius 18:17

Nebei yo naei a wainye oboroinya, naei me u beko mokouboke jemaatre isaeyemmibombe. Jemaat naei a oboroinya nare erennele Allahre onaeinye holona ro wanen nane merau pajakre arileyate ro beko wanen.

Matius 27:56

Nebei miyae maengke nolona Maria Magdalena nangkele Maria Yakobusle Yusufle nenake, nane merau Zebedeus na miyae nangkele.

Matius 9:9

Yesus nebei anuwaufa oro molouboke ewole yae, ro mbai na ro Matius pajakre arilate imaene nekewolebe erekeunge. Yesus yae weunge, “Rare hakoisobo!” Matius aunguke na hibi Yesusre hakoungeboke.

Markus 15:40

Miyae maengke hokowole nolone, Maria Magdalena yae, Yakobus hokolo fa kiyae na aka baeke Yoses nenake Maria yae, Salome yae. Nda wanen mokowainyelere nahaufa erewate.

Markus 2:14

Nebeisa fowole yae Alfeusle kelu Lewi pemerintah naei roise arilate imaene erekeunge nekewole. Yesus yae weunge, “Rare hakoisobo!” Lewi ewaunguke na moisa hakoungeboke ewate.

Markus 3:18

Andreas, Filipus, Bartolomeus, Matius, Tomas, Alfeusle fa Yakobus, Tadeus, Simon Zelot holona fa,

Lukas 18:10

“Ro bee ebelire boneinyele naeise Allahre ei mom-mom imae na kaban sele kiyaene ekete. Ro hi Farisi holona, na hi kiyae pajakre arilewole ro.

Lukas 18:11

Farisi holona ro eufebeunguke hebele naei naeise elele, ‘Allah, reyae nebei ro miyae hosoro wanen banne Ware helen foi sele wawale. Reyae yoko ebaeyei, beko omokoyei, ro naei miyae uwa mbainye ohonoi nane merau raei wali ndi ro pajakre arileyele kiyaele wanen ban.

Lukas 18:13

“Nebeibe pajakre arileyele kiyae yae, nahaufa hebeunguke na be kanire beufoke na beko mokowolene kena beko hubawounge yae elele, ‘Allah, reyae beko bako bele ro, rare yanekoi yase yae ei haweufele.’ ”

Lukas 19:2

nebei yona ro mbai na ro Zakeus, hembonilo relalo pajakre arilate holona yo naei yun.

Lukas 5:27

Yesus nebei anuwaufa oro molouboke ewole yae, ro mbai na ro Matius pajakre arilate imaene nekewolebe erekeunge. Yesus yae weunge, “Rare hakoisobo!”

Yohanes 1:48

Nataniel yae Yesusre weunge, “Weyae naendae mekai yae raei u mekai ma roufebokae?” Yesus yae weunge, “Filipus ware ekaeneikoi hee, Reyae na bere erekawale weyae ara no keleene nekeyae.”

Yohanes 11:16

Tomas, nane merau Didimus yae kaenewainye kiyae, naei kahili hiwa yore weumi, “Eyae nanembainye emaherembonde naeise mem, hakomangkon ema.”

Yohanes 14:22

Yudas Iskariot nakobae Yudas yae Yesusre hineunge, “Tuhan, rahebe bewatene nda kani kelana wali beko nibine orate ro miyae Wauwa eyakaiboi, maere mo yakaumebondere?”

Yohanes 14:5

Tomas yae weunge, “Tuhan, Weyae ele anuwau meyae maeisaei ban sele lonbe. Naendae mekai yae nebei anuwaufe eke nibi meyae isaeimabonde?”

Yohanes 14:9

Yesus yae weunge, “Filipus, heki hele maengkele nanembaisa orandeke nebeibe Rare oroiboi a lon mae weyae eleyae! Nde yae Rare ijoko ereufekokena nebei kiyae Ako Allahre ijoko erekeunge. A koro mahi lon weyae warae, ‘Ako Allah maere keleimebo!’

Yohanes 21:2

Ya mbai nda yo arilandehike nekande: Simon Petrus, Tomas Didimus yae wainye kiyae, Nataniel Kana yona Galilea kanine, Zebedeusle fa-fa, Yesus na moisa orowate ro hi, reyae Yohanes.

Kisah 1:13

Yerusalemde okate mo, nekewate imae bumana yowane yaeikiteke. Nebeinye arileufike ro nda niyae: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus Alfeusle kelu, Simon (Zelot yae kaenainye kiyae), Yudas Yakobusle fa kayee.

Kisah 12:17

Are hinenainyelerebe, Petrus me kaukau koumikoke. Nebeisa Allah na mekai kawa eisa yaweungehoke meibaleke ahubane huwoumi weumi, “Embe, Yakobus nane merau aei aka baeke hiwa yore huwemmikombe.” Baeufoke bae, Petrus benen anuwau hire yae ewole.

Kisah 15:13

Hokolo bee huwoumi a baeufoke mo, Yakobus yae weumi, “Aka naei baeke naei, rare boronsobo.

Kisah 21:18

Ya heuboke mo, Paulus maere yaweumeboke Yakobusle imaere ekande. Nebeinye Yerusalem yona jemaatna be yun be yebaere hebate yo nemene nebei imaene arileufike nekewate.

Galatia 1:19

Yesusle abu ako hiwa yo reyae ehubaikoi. Ro hi Yakobus, Yesus nauwake mbai mo hubayendekoke.

Galatia 2:9

Petrus, Yakobus, Yohanesle bele, jemaat kaban be yun be yebaere me baeiboke yo isaeyaeiboke Allah yae Naei uware nekele rambun rare keteufeboke, Naei abu akore Yahudi ban ro miyae nolone mokorele naeise. Nebeinye rangkele Barnabaslere me hinaimekoke, meyae bee Yahudi ban ro miyae nolone me u mokale, Petrusle holona yo Yahudi nolone me u mokonate. Nebei naeise neyae be hinaimeboke.

Yakobus 1:1

Onomi foka mayae yoho me bee oro nen bee bele yo hi yan hine faeungekoke nekeyaube yore. Reyae Yakobus, Allahle Tuhan Yesus Wali Ondofolole yebaei bubaei yae, ro melaeyamale.

Yudas 1:1

Onomi foka mayae Allah yae kaenengkokembe yo, Ako Allah kena buhae hembe yo, Yesus Wali Ondofolo yae ei hawembe yo. Reyae Yudas, Yakobus na aka baeke, Yesus Wali Ondofolole kaliare mokale kiyae.