Matius 10:2 - Allahle a neme heteungekoke homofae

² Nda ro me bee oro nen bee bele yo na ro niyae: Simon na ro hi Petrus yae eiwewainye, naka baeke Andreas, Zebedeusle kelu wa bee Yakobusle naka baeke Yohanesle,

Matius 10:2 ပူးပေါင်းရင်းမြစ်များ

Matius 17:1

Ya mehine mbai nekaikokera Yesus yae Petrus, Yakobus, na aka baeke Yohanes naeise yaweumiboke nanembaisa moko mbaise ekate. Nebeinye nda yo na mo-mo ekainyekewate.

Matius 20:20

Nebeisa Zebedeusle miyae na fa-fa bee Yakobusle Yohanesle yaweumiboke Yesusle bokore ekate, oro selen-selen mae roroukoke, rambun mbaise riyennehindere.

Matius 26:37

Petrus nane merau Zebedeusle kelu wa bee bele yaweumiboke nanembaisa ekate. Yesus kena beko hele hubaungene, Nauwa oinyeu wanen hineuboke kowole.

Matius 4:18

Kapernaum yone nekewole hee, ya mbai Yesus Galilea buhaeisa oroweke mo, kare baete ro bee naekale nauwakele wau wae kane baewote erekeumi. Nebei ro bee na ro niyae: Simon, Petrus yae raiboke kiyaele, Andreas bele.

Matius 4:21

Yesus nebei bee bele oro molaiboke ewate mo, benen ro bee naekale nauwakele hubayaeikoke. Nebei ro bee Zebedeusle kelu wa na ro: Yakobusle Yohanesle. Hokolo bee naeko Zebedeus bele naei kai einye wau foinye mokowate. Nebei ro beere Yesus nane merau kaeneumikoke.

Markus 1:29

Allahre ei mom-mom imaera maibaleke Yesus yae Yakobus bele Yohanes bele yaweumiboke Simonbe Andreasle imaere ewate.

Markus 13:3

Zaitun elune ikate. Yesus nuweuboke na ijoko nebei Allahre ei mom-mom imae na kaban sele kiyaere erewole mo, Petrus, Yakobus, Yohanes, Andreas, nenaei mo Yesusre hinainye,

Markus 6:30

Yesus na abu ako ukeumi ekate ahuba huwewaimile bele onomi iwaimile bele kaliara bukaiboke Yesusle bokore mekate, ekaikelewaimile ekaimokowate a nemene Yesusre huwainyekoke.

Lukas 11:49

Nebeinye Allah Na isaei hebaen bele yae elele, ‘Raei yenjo kayaayo bele, Raei abu ako bele ufemile enate. Naei nolora hiware beko mokonaimiyende, hiware honayende.’

Lukas 22:14

Paskah ramande anenate hee mo, Yesus meke Na abu ako nolora nuweuboke.

Lukas 22:8

Yesus Yohanesle Petruslere weumi, “Ebe ndire, nda ya kaban aei raman anemakondere mokonnehabe.”

Lukas 5:10

Nebei sului mbai Simon naei holo mbainye orate yo Yakobusle Yohanesle Zebedeusle fa-fa bee bele. Nebeisa Yesus yae Simonde weunge, “Fe efaeijae Simon! Mana yara weyae rore miyaere wau hayewendere yobole Rangkele mbainye nekemale.”

Lukas 9:10

Yesus na moisa orowate yo bukaiboke mekate, ekaimokowate a nemene Yesusre huwewainyele. Nebeisa Yesus na moisa orowate yo bele na mo-mo Betsaida yore ewate.

Yohanes 12:22

Filipus eke nebei a Andreasre isaeyeungeboke, nebeisa hokolo bee ekete Yesusre ukeinyele.

Yohanes 13:23

Reyae ((Yohanes)), Yesus kena buhae heufe kiyae, Yesusle bokone nuweubokale nekewale.

Yohanes 20:2

Maria Magdalena noro mo habeleweke Simon Petrus bele reyae Yohanes Yesus na moisa orowole ro hi kenare kowoufe kiyae bele baeikoise eke, hubayaendekoke mo weume, “Tuhan Nauwa raisike ruka buleisa rokate. Meyae isian makeinye Yesus aitasike ban.”

Yohanes 21:2

Ya mbai nda yo arilandehike nekande: Simon Petrus, Tomas Didimus yae wainye kiyae, Nataniel Kana yona Galilea kanine, Zebedeusle fa-fa, Yesus na moisa orowate ro hi, reyae Yohanes.

Yohanes 21:20

Petrus na moise weke bae ereunge reyae, Yesus kena buhaere heufe kiyae, na moinye hakoubokale. (Reyae nane merau huae eramanne anewande heene Yesusle uwane baraubokale, are hineungehikale, “Nde yae Ware kelai nende?”)

Yohanes 21:24

Reyae niyae, nebei bewate rambunde huweukokale nane merau moloukokale. Meyae maeisaei nda a eleukokale na hele.

Yohanes 6:67

Nebeisa Yesus na moisa orayeke yo me bee oro nen bee belere ereumi wa weumi, “Mai kena une nda yo nukaiseboke ate wanen embere?”

Yohanes 6:70

Na moisa orowate yore Yesus weumi, “Reyae mare me bee oro nen bee belere elengkokamale ya! Nebeibe mai nolora mbai ken na kena une walobo yae nekele.”

Yohanes 6:71

(Simon Iskariotle kelu Yudasbe Yesus a haraungeboke weumi. Rabuhine ban naendae mekai horo Yudas na ro hi Yesus na moisa orowate me bee oro nen bee bele holonabe, nebeibe neyae Yesusre kelai nenende emmikinyembonde kiyae.)

Yohanes 6:8

Na moisa orowate ro hi na ro Andreas, Simon Petrus naka baeke yae Yesusre weunge,

Kisah 1:13

Yerusalemde okate mo, nekewate imae bumana yowane yaeikiteke. Nebeinye arileufike ro nda niyae: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus Alfeusle kelu, Simon (Zelot yae kaenainye kiyae), Yudas Yakobusle fa kayee.

Kisah 1:26

Nebeisa hokolo bee naei ro oye nihaeiboke Matiaslene ruke. Nebeinye Matiasre roukate Yesusle abu akore me bee oro nen mbai belere hakoumiboke.

Kisah 12:2

Ondofolo Herodes yae ukeumi Yohanes na aka baeke Yakobusre rame yae haiboke.

Kisah 3:1

Ya mbai nekewate hu oke hujoko namene, ebeli boi-boi hee mo, Petrusle, Yohanesle, Allahre ei mom-mom imae na kaban sele kiyaere ewote.

1 Korintus 15:7

Nebeisa Yesus Nauwa Yakobusre yakaungeboke. Nekaikoke mo, abu ako nanemene Yesus Nauwa yakaumiboke.

Efesus 4:11

Nebei Yesus mbai Allah Naei kaliare mokonate naeise Allah yae eleukoke wekeumi ro miyaere mokommihande. Naei jemaat amminunde naeise Yesus ro miyaere meli mekai mahi-mahi kiteumiboke. Nebei yo nolone hiwa Yesusle abu ako, hiwa Allah weumi are huwate, hiwa Yesuslena a foi faeu foise huweyate yo, hiwa jemaatre holeyate yo, hiwa Allahle a faeu kelei-kelei yore yaeiboke.

Ibrani 3:1

Nebeinye Allah yae elembokembe wekembe holona aka baeke, Yesus bele mbainye surgane nekembere kaenengkokembe ro miyae, Yesusle naeise nou hennene. Neyae Allahle Abu Ako nane merau aei imam kaban mae wo kande Kiyae.

1 Petrus 1:1

Onomi foka mayae Allah yae elembokembe wekembe ro miyae Pontus kanine, Galatia kanine, Kapadokia kanine, Asia kanine, Bitinia kanine, kolo yo wanen mae faeungekoke nekeyaube. Na bere Ako Allah yae roubokembene, mare elembokembe wekembe. Mayae Yesus Wali Ondofolole a elelere hakombe naeise, nane merau Naei ha yae mai kena u yolo-yolo mokonembombe naeise, Allahle Roh yae mokombokembe mayae Allahle u mekai wa mekai huluinye yaeuboke. Reyae Petrus Yesus Wali Ondofolole abu akore yeubokale. Reyae ebeli banale Allah emekai bele yae kena buhae aere ban henembe nane merau rei mai inyembe.

2 Petrus 1:1

Onomi foka! Reyae Simon Petrus, Yesus Wali Ondofolole kaliabe mokale, Naei abu akore yeubokale. Allah aei Walilo, Yesus Wali Ondofolo Kiyae, na wali himaloungeboke hele walora ro miyae hiwa Nare hila rabo haleyainye. Nebei ro miyaere reyae nda homone molale. Naei hila rabo haleyainye roibu maengkele nane hului mbai.

2 Yohanes 1:1

Onomi foka mayae Allah yae eleuboke wekembe holona ro miyae, nake miyae naei kelu omi bele homo mbainye oraube wanen yo, reyae Yohanes, jemaat naei be yun be yebae holona ro. Reyae Wali Ondofolole walora na hele wali nibine orale yae mare buhae haemale. Reyae mo ban, ro miyae nanemene Wali Ondofolole walora na hele wali nibire rainyeboke yo bele mare kena buhae haeyembe.

3 Yohanes 1:1

Onomi foka aka baeke Gayus, reyae jemaat naei be yun be yebaere hebale. Aka baeke, reyae Wali Ondofolole walora na hele wali nibine oralene, ware kena buhae haewale.

Wahyu 1:1

Nda homofaene Yesus Wali Ondofolole naeise. Allah Naei kaliare mokate yore na heki ban mo benate rambunde kelemmibonde naeise, Allah yae nebei benate yoni-yoni Yesusre yakaungeboke. Yesus yae Na malaikatre ukeunge reyae Yohanes Naei kaliare mokale kiyaele bokore meke, nebei yoni-yoni benatere isaeyensebondere.

Wahyu 1:9

Reyae Yohanes, mai aka baeke wanenne maengkele beko hubannele nane merau Yesusle me kelee u keleene nekande. Yesusle kalia mokandene beko hubannele hororebe, na hebaen-sebaen mae Yesus Naei a elelere na hibi-hibi hila rabo halemayende. Allah weufe a faeu bele nane merau Yesuslena a isaeyaemaele bele aerene rare Patmos yokobane aisewoke nekewale.

Wahyu 18:20

Reyae homone molale Kiyae kena ura a honanale, “Mayae surgana yo nebei yo kereufoke aerene rei mai kon. Mayae Yesus Naei eleuboke wekeumi holona ro miyae bele Yesusle abu ako bele Allahle yenjo kayaayo bele rei mai kon. Rabuhine ban neyae mare beko mokoimeyembe aerene Allahlena ehee bukulu naei rande oke.”

Wahyu 22:8

Reyae Yohanes nda rambun nanemene angkaei borowale ijoko yae erewale kiyae. Nebeisa boroukokale nane merau ereukokalera malaikat nda rambunde keleufekoke kiyaele oro bene be are nekale eise molorendere.