Markus 8:2 - Allahle a neme heteungekoke homofae

² “Nda ro helen miyae helen arilewolene Reyae kena beko hele hubanale. Rangkele mo nekeimeyande ya name nendobe yeuboke, ramanbe baeumihoke.

Markus 8:2 ပူးပေါင်းရင်းမြစ်များ

Matius 14:14

Yesus naei fowate kai ohone fainyoke bele, ro miyae helen bolen hokoumeke erewoumine na beko hubawaime aerene kena beko hele hubawounge. Nebei yo hokoumeke nolona erare buloore kowate ro miyaere onomi iwoumi.

Matius 20:34

Yesus kena beko hele hubawoungene, na mere mo nekeunge na ijokora me rameumihike. Nebei hee yae na ijoko keleikoke na hului erewote. Nebeisa Yesusre hakoinyeboke ewate.

Matius 9:36

Nebei ro helen miyae helen Yesus erewoumine na beko hubawaimi aerene kena beko hele hubawounge, rabuhine ban male yambi yae koloukeumi. Nebei ro miyae domba yoni-yoni yaweiboi ro ban wanenne, na uware hole moloiboise na hingkin ban sele.

Markus 1:41

Yesus Na kena beko bele hubaungene me nekeunge raungehike mo weunge, “Reyae kena kale, onomi yeubondere!”

Markus 5:19

Nebei riwolere Yesus ehe okoikoi. Nda a yae weunge, “Waei imae obere waei yo yande yae eye, Allah ware mokoubokete are nane merau ware yanekoi yase yae ei aubokete are huweumiyende.”

Markus 6:32

Uwa monde roungaterene, kaisa hawaiboke aku ban nau ban anuwaufe ewate.

Markus 6:34

Yesus naei kaikaisa fainyoke yae ro miyae helen sele erewoumine kena beko hele hubawounge. Nebei ro miyae domba wanen yaweiboi ro ban. Nebeinye huba raweuboke a helen kelewoumi.

Markus 8:3

Nda yore na yarele bangka yae ufemile enatena, nibi nolone hokoiko-hokoiko konayende, rabuhine ban naei nolona hiwa ahaufa mewate.”

Markus 9:22

Nane merau nda kole u mekai mo ban, roko mbemba walobo nda fare i ranne rowele kaisiyeungele, roko hire bune rowele kaisiyeunge honaibondere mokainyeke. Nebeinye Guru Weyae na hului mokoubondena, buhae heimeko maere hakoimebo.”

Lukas 15:20

Na hibi kulun uke naekole bokore ewole. “Nahau buhaufa hele mewole naeko naei imaera roungeboke. Naeko naei kena buhae nekai sele kowounge, habeleumeke hahi yae roukeunge yoi bulu hunewounge.

Lukas 7:13

Yesus euweke nda miyaenalere erekeungene, Na kena beko hele hubawounge weunge, “Ninae erimeijae!”

Ibrani 2:17

Yesus ro miyaere yanekoi yase yae ei hawemmile nane merau Allah a weunge hului mokole imam kabande yembonde naeise, nane merau nibi mbai mokombonde ro miyae naei beko bako mokaimekere Allah faeinyemmibonde naeise, nebei me u mokombondere Yesus Na aka baeke wanen mbainye yembonde hele.

Ibrani 4:15

Rabuhine ban aei imam kabande yeuboke Kiyae aei male u yambi ure hubaungehikene, aei kou kalo elakonde are borole. Aei wanen mbai umali hubawounge, nebeibe u mekai beko omokoiboi mo.

Ibrani 5:2

Nebei imam kaban ro miyaene nane merau u mekai beko belene, nebeinye ro miyae kobu bele Allah mokoungehake wali nibira wekate yo belere kena nime haba yae ei hawemmile.